المساعد الشخصي الرقمي

مشاهدة النسخة كاملة : يابنات يابنات ... تعالوا ندردش سوا



مستكه
05-07-2007, 06:01 PM
السلام عليكم ورحمة الله وبركاته


http://bbsimg.qq.com/2005/04/13/006/612.gif


ازيكن يا بنانيت زعتر

قلت اما ادعوكم عند جدتي .. وحشتنا لمة البنات فينها من زمان

نعد ندردش في حاجات كتيره

بس كل واحده وهي جايه تجيب معاها حاجه لزوم الاعده

عن نفسي عملت ام علي انما ايه تستاهل بؤكم

تعالوا اما اقولكم نتكلم في ايه


http://www.zayedworld.ae/upload/files/272/b9.gif


في الحقيقه عايزه افتح الموضوع ده من زمان


ومش عارفه ابدا منين


الموضوع باختصار عن جهاز البنات


الشوار يعني


الحاجات اللي البنت بتجيبها استعدادا لبيتها الجديد


يعني المفروض الجهاز ده بيكون الحاجات الضروريه اللي هتحتاجها في

حياتها الجديده لتاسيس البيت


طيب ياتري هتحتاج ايه


طبعا انا بتكلم عن الجهاز اللي والدها بيجهزها بيه


اما اللي العريس بيجيبوا ده خليه للاخر خالص


غالبا العروسه بيكون عليها المطبخ بادواته والمفروشات والكماليات وكده


جميل جدا الي الان


لكن اللي مش جميل ابدا


الحاجات اللي بتجبها البنت


عشان كده انا هعمل احصاء تقريبي للحاجات اللي بشوفها


ونقارن بين ماهو واقع وما يجب ان يكون


نعرف ايه الصح وايه الغلط


وياريت ياريت يكون فيه وعي ونتغير

http://images.blogcn.com/2005/4/22/5/prettygirlyoyo,2005042282118.gif

مستكه
05-07-2007, 06:03 PM
من خلال كل اللي حولي واللي جهزوا عش الزوجيه فعلا



لاحظت ان كل بنت او ام بتتباري في انها تجيب الاكتر


والاغلي .. طبعا بشكل نسبي حسب ماديات كل واحد



من اهم حاجه في جهاز العروسه



http://www.al-wed.com/pic-vb/32.gifالنيش http://www.al-wed.com/pic-vb/32.gif



وماادراكم ما النيش .. حتة دولاب صغير



يحمل ما غلي ثمنه .. ويعتبر ثروة العروس في جهازها



ويكون موقعه الجغرافي من الشقه في صدر السفر


اي في اكثر مكان بروزا



عشان كل اللي داخل السفره يشوف التحف الثمينه



اللي غالبا من يوم ما توضع بهذا الدولاب مبتطلعش ابدا



هي كده للعرض فقط .. ممنوع اللمس او الاقتراب



بتتكون التحف دي من ايه ...



انا اقولكم : :D



_ طقم صيني من الغالي ... بيبدأ من 1500جنيه وانت طالع



- طقم اركوبال .. بيعمل نفس عمل الطقم الصيني بيجبوه برضه طب ليه مش عارفه بس المخرج عايز كده ( فيه ناس بتجيبه طقم كامل وناس بتجيب نص طقم المهم انه يجي عشان عيب ميجيش اصل العروسه مش اقل من تفيده بنت عمها http://www.eyeoon.com/vb/images/smilies/19_94.gif)



- طقم شاي .. http://tbn0.google.com/images?q=tbn:p7Lu1tfJxGBZzM:http://www.creativeglazes.com/images/rockinred.dinner.set.jpgمع ان طقم الصيني فيه طقم شاي والاركوبال برضه فيه بس هي غتاته



- طقم كاكاو .. http://tbn0.google.com/images?q=tbn:xxDwRLTiWozaOM:http://www.kfrawy.com/addv/img/14.jpgعلي الرغم من انه ميختلفش كتير عن طقم الشاي
وعلي الرغم من ان محدش بيشرب كاكاو
الا انه لازم يجي



وطبعا طقم القهوه لا غني عنه اساااااااسي



- طقم جاتوه .. http://tbn0.google.com/images?q=tbn:ckxS5ED2qGvLNM:http://www.applebrookauctions.com/gold%2520and%2520white%2520dishes%2520cover.jpg مع ان ممكن برضه الجاتوه يتاكل في الاطباق الصيني الشيك ..لكن ميصحش


وبرضه ممكن الجاتوه يتاكل في اطباق طقم الشاي .. لكن الجوازه متمش الا بوجود طقم الجاتوه
مع العلم باه ان الجاتو غالبا مبيستناش اما يطلع من العلبه للطبق هو من العلبه للبطن علي طول



- طقم خشاف .. بيكون بنفس شكل طقم الجاتوه او يختلف عنه حسب زوق العروسه بس اطباقه بتكون غويطه بينما اطباق الجاتوه مسطحه


وبتكون مهمته بيتعمل فيه سلطة الفواكه او الخشاف وممكن الجيلي والمهلبيه مش هيقول لا يعني



- بالنسبه باه للاكواب فحدث ولا حرج
غالبا النيش بيكون معرض للحاجات دي
فكل ما سبق بيكون في درف النيش اما الاكواب بتكون في المعرض ..خدو عندكو ...


الكاسات .. تبدا من 4 اطقم وانت طالع http://tbn0.google.com/images?q=tbn:hGzOWSOFVWQ_1M:http://images.panet.co.il/articles/02012007-82935-1.jpg


اكواب الشربات .. شرحه http://tbn0.google.com/images?q=tbn:EY7lE7BW4O2nJM:http://www.meals.com/imagesRecipes/31628x400.jpg


اطقم الميه .. زيهم برضه


( والله شفت واحده حاطه عدد 12 طقم من كل نوع مما سبق ذكره حسيت اني واقفه اودام محل ادوات منزليه )



وطبعا الاكواب دي كلها بتكون من الانواع الفاخره جدا واغلبها بيكون كريستال


وللعلم الكريستال فيه الطقم بيبدا من 250 جنيه


وعلي الرغم ان الفرق بين الشربات والميه مش كتير
بس لازم لكل مسمي عدده




- اطقم الصواني للتقديم ..http://tbn0.google.com/images?q=tbn:qvIRcDKTBYGPkM:http://www.acemart.com/graphics/00000001/products/COP608915.jpg طبعا لازم تكون استيل اصلي


واللي اقل نوع منها بـ 250 جنيه


وطبعا مش بيتحط طقم واحد طقمين علي الاقل خالص http://tbn0.google.com/images?q=tbn:txzAlUd-tJqHbM:http://www.sptechs.com/emarket/thumbs/pics/item15998.gif




طقم المعالق ...http://tbn0.google.com/images?q=tbn:bMMqyNDO7b94eM:http://www.kfrawy.com/addv/img/16.jpg واللي لازم يكون في شنطة فاخره وكل ما شكلها كان فاخر كل ما كانت اغلي ( فيه دلوقتي علي شكل صندوق خشبي بثلاثة ادوار مش فاكره سعرها )




كل ما سبق ذكره بيتحط في النيش فقط للفرجه والفشخره لا اكثر


يعني كل الحاجات دي مش هتستخدم اللي هيستخدم لسه في المطبخ


غير مفرش السفره.. http://tbn0.google.com/images?q=tbn:uuz15KO_WUe28M:http://www.horchow.com/products/mp/HC-6857_mp.jpg( واذا كان شغل يدوي ده باه موضوع تاني )


وطبق الفاكهه..http://tbn0.google.com/images?q=tbn:jfd25x6XwJUmEM:http://www.meeeem.com/community/gallery/files/3/5/1/IMG_1122_1__thumb.jpg اللي حيتحط عليها ( واللي لازم يكون كريستال )


وطبق الكحك بيكون من دورين ( كريستال برضه )


والبونبنيره ( كريستال )


غير شوية تحف صغيره شمعدان .. وبعض التحف الصغيره http://www.asmilies.com/smiliespic/Objects/013.GIF


وممكن يكون بدلها بوكيهات الورد المجفف



اه ونسيت اقولكم حاجه ::v.happy:


غالبا الزوجين مش بياكلوا علي السفره #20#


اما في المطبخ او ترابيزة الانتريه :ker:




كفايه النيش انهارده


انتظروني في المطبخ ||-363-||

نارا
05-07-2007, 06:12 PM
اه ونسيت اقولكم حاجه ::v.happy:


غالبا الزوجين مش بياكلوا علي السفره #20#


اما في المطبخ او ترابيزة الانتريه :ker:




كفايه النيش انهارده




والله عندك حق..
السفرة زى قلتها بس لازم تيجى معرفش ليه بس لازم تيجى..
ممكن عشان لازم تكون جانب النيش والشكل العام
أختى مش بتاكل عالسفرة خالص إلا فى المناسبات ولما أحنا نروح لها
وأعرف ناس كتير والله جابو سفرة فى بداية زواجهم وبعد سنة باعوها
على فكرة بعرف أرص النيش #21
أى خدمة..

::warda::

مستكه
05-07-2007, 06:25 PM
:ker: :ker: :ker:

نارا خليكي معانا هنحتاجك في رص المطبخ

دا عايزله يوم لوحده

انا الناس اللي اعرفها اتجوزت من 10 او 15 سنه

اللي باع السفره

واللي ركنها فوق السطح

واللي وزعها علي اقاربه كل واحد قطعه ::laaf::

مشكلتنا بجد اننا مفيش تخطيط عايزين الشكل وبس

الله يكرمك يانارا

انا بتكلم عن الحاجات اللي بتتحط في السفرة وخايفه انضرب

تيجي انتي تقوليلي السفرة كلها مالهاش لازمه

طب خلينا ناخدها واحده واحده

مش كله كده :sad:

نارا
05-07-2007, 06:36 PM
انا بتكلم عن الحاجات اللي بتتحط في السفرة وخايفه انضرب

تيجي انتي تقوليلي السفرة كلها مالهاش لازمه

طب خلينا ناخدها واحده واحده

مش كله كده :sad:


طيب تعالى نقولها



واحدة




واحدة

المطبخ ملوش لازمة

السفرة والنيش ملهمش لازمة

الأنتريه طبعا ملهوش لازمة

الصالون أكيد ملهوش لازمة

والبالكونة وجودها زى عدمها

وأكيد الشقة زى قلتها

وأقولك حاجة من الأخر كده

الجوازة ديه أصلا ملهاش لازمة أصلا

وكلمتى لا يمكن تنزل الأرض أبدا

::laaf:: ::laaf:: ::laaf::

نوور
05-07-2007, 06:45 PM
مستكه باشا ::warda:: ::warda::

على فكره نسيتي حاجات في النيش

1-طقم معالق تاني بس مش فخم زي الأول لأن الأول مطلي( جولدن بليتد او سيلفر ) عشان كده نجيب واحد للاستعمال بأه (ده غير بتاع المطبخ على فكره #20# #20# )

2-وكمان طبقين كبااااااااار لتقديم الفاكهه #20#

3-نسيتي البرادات الاستيل بتاعت تقديم الشاي (طبعا عشان تكون عمليه اكتر من الصيني والأركوبال)#20#
4- 50 شفشق ميه ..معرفش هايعملو سبيل ولا ايه؟#20# #20#

5- فوط السفره (طبعا لازم تكون غير بتاعت المفرش عشان متتبهدلش #20# #20# )


6- طقم للغرف (طقم توزيع) ممكن يكون سيلفر بليتد او من اللي ايدو بلاستيك بس شكلو شيك بردو #20# #20#

7-طقم ملاحات كريستال (علشان بتوع الصيني والأركوبال مش هاينفعو) #20#

8- حاجات السخن وطبعا هاتكون غير بتاعت المطبخ (حاجه مش اي اي يعني) #20#

9- مفيش مانع لو فيه شوية انتيكات بس مش اساسي يعني زي مثلا شيالة المعالق اللي بنحطها مع الأكل على السفره .. بردو بتاع مخصوص للعيش (كأن الهيش هايجرالو حاجه لو اتحط في طبق ) #20# #20#


عايزه حاجه تاني اي مستكه؟ #7eet# #7eet# متعصبنيش بأه في المطبخ #15 #15

مستكه
05-07-2007, 07:59 PM
وأقولك حاجة من الأخر كده

الجوازة ديه أصلا ملهاش لازمة أصلا



:ker: :ker: :ker:

انا بقول كده برضه :D

blackberry
05-07-2007, 08:38 PM
مستكة ايه الجمال ده

بصي بقي بصراحة كده انا مش بعترف بكل الشكليات دي

بصراحة حاجة تفرس #20#

امال الشباب مش عارف يتجوز ليه

ما هو من البلاوي دي

تصدقي لما بقول اني مش عايزة اعمل فرح بقي و قاعة و كده اصحابي بيقولوا عليا مجنونة

بس انا بجد شايفة ان كل دي شكليات ملهاش لزمة



كملي دردشة .... معاكي يا جميل

بس عايزينها قعده بناتي ::warda::

زهرة الأخوان
05-07-2007, 08:57 PM
موضوعك رائع يا مستكه يا حبيبتى
بس قوليلى عيزاكى تحددى ىالحاجات ألى على العروسه
فى صفحه وألى على العريس فى صفحه تانيه
عشان نعرف وميضحكوش علينا:rolleyes:
وعلى فكره أنا ليا فى الديكور #21
لأنى زخرفه
كله بحسابه005#

مستكه
05-07-2007, 09:22 PM
:ker: :ker: :ker:

يالهوي علي البنات

يموتوا في الكلام

ماصدقوا قلت ندردش جم جري

يلا وماله ده حتي لمة البنات علي بعضيهم بتبئي جميييييييله#15






مستكه باشا ::warda:: ::warda::


نور هانم ::warda:: ::warda::



على فكره نسيتي حاجات في النيش

::afried::

1-طقم معالق تاني بس مش فخم زي الأول لأن الأول مطلي( جولدن بليتد او سيلفر ) عشان كده نجيب واحد للاستعمال بأه (ده غير بتاع المطبخ على فكره #20# #20# )

{01} {01} هما حطوا واحد تاني مع النيش من غير ما يقولولي {01}

ده تسيب .. انا اخر حاجه وصلتني غير شنطة المعالق بيكون فيه طقم عادي في المطبخ (بيكون في الادراج )وطقم 6 معلق وده بيوضع علي تربيزة المطبخ #20#

2-وكمان طبقين كبااااااااار لتقديم الفاكهه #20#

ما انا حطيت طبق علي التربيزه او الشوفينيره بتاعة السفره

والبقيه تاتي في المطبخ :D

3-نسيتي البرادات الاستيل بتاعت تقديم الشاي (طبعا عشان تكون عمليه اكتر من الصيني والأركوبال)#20#

دول كمان بيتحطوا في المطبخ

يانور سيبي اللي في المطبخ احنا رايحنله كمان شويه #20#

متكركبيش الشقة :maaaad:

4- 50 شفشق ميه ..معرفش هايعملو سبيل ولا ايه؟#20# #20#

قلت في المطبخ .. وبعدين باه ||-3974-||

5- فوط السفره (طبعا لازم تكون غير بتاعت المفرش عشان متتبهدلش #20# #20# )

انا قلت المفرش .. بس نسيت اقول منافع

بس ملحوقه .. لسه هنتكلم عن قسم المفروشات

كل شيء في وقته متستعجليش #15


6- طقم للغرف (طقم توزيع) ممكن يكون سيلفر بليتد او من اللي ايدو بلاستيك بس شكلو شيك بردو #20# #20#

اه ازاي فاتني ده

فعلا بيكون واحد محترم في السفره وعشره في المطبخ :ker:

7-طقم ملاحات كريستال (علشان بتوع الصيني والأركوبال مش هاينفعو) #20#

فعلا يا بنتي .. خديني اشد شعري معاكي #20#

8- حاجات السخن وطبعا هاتكون غير بتاعت المطبخ (حاجه مش اي اي يعني) #20#

مهما كانت مش اي اي بس برضه بتتحط في المطبخ

مش اي حاجه تتحط في السفره

كفايه اللي فيها

9- مفيش مانع لو فيه شوية انتيكات بس مش اساسي يعني زي مثلا شيالة المعالق اللي بنحطها مع الأكل على السفره .. بردو بتاع مخصوص للعيش (كأن الهيش هايجرالو حاجه لو اتحط في طبق ) #20# #20#

طب ياريتها تيجي لحد هنا

اسكتي اسكتي .. دا انا شايله هم المطبخ

هعد ايه ولا ايه

ابئوا تعالو ساعدوني باه .. اومال مين اللي هيرتب معايا #5#


عايزه حاجه تاني اي مستكه؟ #7eet# #7eet# متعصبنيش بأه في المطبخ #15 #15



لا بصي مش عايزين خلاف من اولها

لاما الجوازه دي مش هتم

وانا مبرجعش في كلمتي

وقد انذر من اعذر تووتو

! بنوتة يابانية !
05-07-2007, 09:30 PM
::warda:: انا جيت اهوه ولبيت دعوتك يا مستكة يا عثولة:d2

موضوعك سوو نايس خالص::warda:: ::warda:: ::warda:: ::warda:: :d2

كمان نسيتي تقولي عن طقم السمك::v.happy:

وهو بيتكون من طبق كبيير علي شكل سمكاية

كبيرة سووو نايس


وعدد 6 أطباق حجم صغنون شويات عن الطبق

الكبيير وبرصه بيكونوا علي شكل سمكاية سوو نايس

والاطباق الصغنونة السته بيضع فيها الأرز

والف هنا وشفا #5# #5# #5#

وابئ اعزموني بئ :$ ::v.happy:

ربنا يرزقكم كلكم يارب بالزوج الصالح :$ :d2 ::warda:: ::warda:: ::warda:: :d2

مستكه
05-07-2007, 09:32 PM
blackberry منوره ياجميل


بصي بقي بصراحة كده انا مش بعترف بكل الشكليات دي

بصراحة حاجة تفرس #20#

::v.happy:

طيب بصراحه كده

بيني وبينك ومتخفيش مش هقول لحد

اما تيجي تجهزي .. تقدري تتخلي عن ايه

او فعلا تقدري تجيبي ضرورياتك وبس

بصي مترديش دلوقتي

استني اما نخلص الجهاز كله وقوليلي تقدري تستغني عن كام في الميه من اللي قلناه

بس خليكي فاكره السؤال لاني عايزه اعرف الاجابه بجد ::warda::



منوره يازهرة الاخوان


موضوعك رائع يا مستكه يا حبيبتى
بس قوليلى عيزاكى تحددى ىالحاجات ألى على العروسه
فى صفحه وألى على العريس فى صفحه تانيه
عشان نعرف وميضحكوش علينا:rolleyes:
وعلى فكره أنا ليا فى الديكور #21
لأنى زخرفه
كله بحسابه005#

شوفي ياحبيبتي معروف ان العريس عليه الشقه والعفش

وحكاية الستاير والنجف والسجاجيد دي حسب الاتفاق

بس انا عايزه اسلط الضوء اوي علي الرفايع

وحطي خط تخين وملظلظ تحت كلمة الرفايع دي

عشان انا متغاظه ال رفايع ال

مع انها بتاخد فلوس اكتر من العفش نفسه

اما بعد مانخلصها خالص

نتكلم باه علي العفش والاوض ونعمل ايه وقت الشراء وكل الكلام ده

بس خلونا كده واحده واحده علي الهادي

واديك معانا باه في المطبخ ::v.happy:

مستكه
05-07-2007, 09:40 PM
::warda:: انا جيت اهوه ولبيت دعوتك يا مستكة يا عثولة:d2

منوره والله يا بنوته ::warda::


موضوعك سوو نايس خالص::warda:: ::warda:: ::warda:: ::warda:: :d2

مش انيس من مواضيع يابنوته ::v.happy:


كمان نسيتي تقولي عن طقم السمك::v.happy:

:ker: :ker: :ker: :ker: :ker: :ker: فكرتيني بيه ده الطقم ده تحديدا انا متغاظه منه غيظه

يعني هو السمك مش هيتاكل الا في ده !! يعني لو حبيت اكله في طبق عادي هيبقي سبانخ مش سمك ::laaf::


وهو بيتكون من طبق كبيير علي شكل سمكاية

كبيرة سووو نايس


وعدد 6 أطباق حجم صغنون شويات عن الطبق

الكبيير وبرصه بيكونوا علي شكل سمكاية سوو نايس

والاطباق الصغنونة السته بيضع فيها الأرز

اه انا عارفاه وكنت هقوله في المطبخ :D

عشان تعرفوا بس ان المطبخ ده حمال الاسيه :ker:


والف هنا وشفا #5# #5# #5#

الله يهنيكي ياحبيبتي ::warda::


وابئ اعزموني بئ :$ ::v.happy:

نعزمك ده ايه اومال مين هيجي يرتب المطبخ معانا

عايزين ايدي عامله :ker:


ربنا يرزقكم كلكم يارب بالزوج الصالح :$ :d2 ::warda:: ::warda:: ::warda:: :d2

ربنا يكرمك

عقبالك يارب ::warda::

خضره خضرايه الحاره
05-07-2007, 09:55 PM
متابعه وعاكى يا مستكه
متخفيش هاجى اساعدك فى المطبخ

blackberry
05-07-2007, 09:59 PM
blackberry منوره ياجميل

::v.happy:

طيب بصراحه كده

بيني وبينك ومتخفيش مش هقول لحد

اما تيجي تجهزي .. تقدري تتخلي عن ايه

او فعلا تقدري تجيبي ضرورياتك وبس

بصي مترديش دلوقتي

استني اما نخلص الجهاز كله وقوليلي تقدري تستغني عن كام في الميه من اللي قلناه

بس خليكي فاكره السؤال لاني عايزه اعرف الاجابه بجد ::warda::





دا نورك انتي يا مستكة

هو بصراحة كده اكيد يعني مش هاقدر استغني عن كل الحاجات دي و برده مش هاجيبها كلها

بس طبعا كله بالمعقول

يعني الاهم فالمهم

بس مش هاجيب طقم السمك ده بالذااااااات بقي 010#

مع اننا عندنا واحد في البيت ::laaf::

و حتي لو جبت حاجة يبقي هاجيبها علشان انا عايزاها

مش علشان الناس

عارفة انا مرة روحت مع اهلي نبارك لعروسة

و هي بقي بتفرجنا الشقة

راحت فاتحة النيش من فوق و تحت

الصراحة استغربت جدا

و انا هتفرق معايا ايه لما اشوفه يعني

و لا هي جايبه كل اللي فيه ده علشان نشوفه و خلاص

و لازم يعني تفرجه للضيوف

لأ و ايه بقي

مرشق اطقم

من كترها مش بقيت عارفة دي بتاعت ايه بالظبط

حكم #7eet#

ضئ القمر
05-07-2007, 10:20 PM
ههههههههههههههاصل مستكة عارفة المطبخ عندها بيجى ازاىربنا معاكى بس كدة انتى لسة هتقولى اية بقى الغسالاتين والكمبيوتر ولسة فى حاجات كتيييييييييير بس انا مش فاكرة دلوقتى بس هتابع معاكم ونبقى نشوف مين الى هنفرش ليها شقتها الاول علشان نيجب احسن منها هههههههههههه

naughty eyes
05-07-2007, 10:49 PM
اهم حاجه اننا نأكد ان الاعده بناتيتي يعني مفيش ولد يدخل هناا ممنوع منعآ باااااتااا بوتاتآ بوتاتآ{01}

مستكه انا هبدأ اجهز خلاص 11#

واحده صحبتي لسه مخلصه جهازها مش عاوزه اقولك باباها ومامتها عاملين ازاي#7eet#

ال رفايع ال ..

رفايع مين بس يا جماعه دي لوحدها نص الجهاز :ker:

نسيتي تقولي ان بعد كل ده تحسي ان الناس جايه مش تبارك الناي جايه تفتش #20#
العروسه بيتفتش النيش بتاعها بعد الجواز #20# والدولاب والتفتيش بيصل الي رفع مفرش السرير لرؤيه المليات شكلها ايه والبطاطين عامله ازاي والكفرات ايه نظامها والمطبخ يتفتح دلفه دلفه ومش عارفه ناقص يعملوا ايه كمان بصراحه #7eet#

مستكه سمعاكي بتقولي العروسه بيبقي عليها
غالبا العروسه بيكون عليها المطبخ بادواته والمفروشات والكماليات وكده
مين قال كده 11# كل اللي اعرفهم مجهزين بالنص 11#

يعني العريس مقابل ان العروسه بتجيب المطبخ بادواته بالنيش والمفروشات بيجيب هو الادوات الكهربائيه من تلاجه وغساله وممكن دلوقتي بيجيبوا كمان غساله اطباق 08# وبوتوجاز وتليفزيون ودش وكمبيوتر وتكييف 08# 08# رفاهيهه بقي 08#

والعفش بقي من اوض خدي عندك يا ستي ..

اوضه النوم واوضه السفره اوض تقيله في سعرها اوكي .
والصالون والانتريه خفاف شويه عن النوم والسفره بالتالي العريس بياخد اوضه تقيله مع اوضه خفيفه والعروسه اوضه تقيله مع اوضه خفيفه ماشي وكل اوضه بقي بتبقي شامله ستايرها ونجفها وسجاجيدها .


ده اللي شوفته حاليا كتير اوي وانا من الناس دي علي فكره غالبا مع انها مش قاعده عامه بتبقي حسب الظروف #20#

متابعه كملي ::warda::

مستكه
05-07-2007, 11:44 PM
يانوتي انا لما قلت المطبخ

يعني المطبخ بكل ما يحتويه من رفايع

واجهزة كهربيه

والكاونتر نفسه

كل حاجه

وخليت حكاية الاود للاخر

بس لو تسمعوا الكلام

قلنا هنكلم في كل حاجه بس واحده واحده :D


ضي القمر

ياقهلا ياقهلا .. عاش من شافك ياحجه {01}

البت ضي دي بتعرف ترص #21

ابقي تعالي باه

المطبخ مطبخك منتيش محتاجه اني اقولك

كمان عشان تفكريني باللي هنساه .. لاني اكيد هنسي

بس علي فكره انا مش بقصد حد معين بكلامي

انا بكلم عموما

برصد اللي بيحصل وبقول متوسط الحاجات اللي بتيجي

مش بقول الزياده اوي ولا النقص اوي




blackberry علي فكره ده شيء عادي

ناس كتيره بتحب تفرج النيش وكده

ممكن تقولي فرحانه بالحاجات اللي عندها والشقه الجديده

فحبه الناس تشاركها فرحتها

وفيه ناس بتحب المنظره

وفيه ناس تالته اللي هما الزوار بيكونوا عايزين يشوفوا الحاجه عشان لما يجهزوا لبناتهم

يبقوا عارفين ايه اللي يتجاب وكده

مستكه
05-07-2007, 11:52 PM
متابعه وعاكى يا مستكه
متخفيش هاجى اساعدك فى المطبخ




خضوره معلش والله ما اخدت بالي

يا حبيبتي انتي اول واحده متدبسه اساسا

مالكيش اعذار

دا انا مجيش وانتي تيجي :ker:

نوور
05-08-2007, 12:01 AM
:ker: :ker: :ker:

يالهوي علي البنات

يموتوا في الكلام

ماصدقوا قلت ندردش جم جري

يلا وماله ده حتي لمة البنات علي بعضيهم بتبئي جميييييييله#15





لا بصي مش عايزين خلاف من اولها

لاما الجوازه دي مش هتم

وانا مبرجعش في كلمتي

وقد انذر من اعذر تووتو


تعرفي (بتكلم جد ) طول ما اهتمامتنا في الطبق والكوبايه الي شكلهم مش عارف ايه لازم لازم يحصل خلااااااااف سواء مع اهل الباشا او البنت مع اهلها او مع نفسها حتى ... يا بنتي دي حاجه تجنن..اعرف واحده مستوى اسرتها المادي معقول بس مش عالي يعني وهيه بتجهز لاقيتها جايبه حاجات خرافيه كما وكيفا بقولها يا بنتي مش حرام عليكي باباكي كده؟ ده لو هايجهز كل واحده من بناتو بالشكل ده ممكن تبيعو البيت اللي انتو اعدين فيه بعد شويه .. شوفي بأه الرد المفحم بتقولي لالا ده انا حاله خاصه من بين اخواتي عشان انا بجهز بنفس المستوى اللي جهزت بيه اخت جوزي #20# #20# #20# #20# #20# #20#


طيب قوليلي دي مالها بأخت جوزها ؟؟؟؟ اعرف يوم ما الدنيا بتقفل بيجهزو البنت زي اختها عشان متزعلش (مع ان ده غلط بردو)

بجد يا مستكه انا عندي كالو في المخ من الموضوع ده :iceman:



على فكره الحاجات اللي بقولك عليها انا عارفه انها في المطبخ بس لازم لازم يجيبو نسجه للسفره .. يعني يا مستكه عايزاهم يقدمو للناس من حاجات المطبخ؟ دي تيجي بردو؟ 08#

اللي يسمع كده يقول همه متجوزين عشان يعزمو الناس وبسسسسسسسس .. وفي الأخر همه عزومتين اللي بيتعملو في العمر كلو #20#


يلا يا بنتي مستنيه المطبخ معاكي ولو عايزه اي مساعده .. مس متنسيش ال 50 نوع طقم حلل عشان تعرف الست هانم تطبخ في العزومه #20#

خضره خضرايه الحاره
05-08-2007, 12:05 AM
عارفين بقى دى ميزه الإسكندرانيه
عندنا هنا مش بيهتموا بالمظاهر خالص
بيجوزوا بابسط حاجه
وباللى يحتاجوه
يعنى ممكن طقم واحد من كل نوع
وميكرروش حاجه ومثلا طقم الملاعق
واحد للضيوف فى النيش والتانى للمطبخ عادى
وقيسوا بأه كده على كله
انا لسه واحده صحبتى متجوزه من تلات ايام
متجوزه من غير أنتريه ومستعيضه عنه بالصالون
غيزى
تعالوا بقى تجوزوا إسكندرانيه

مستكه
05-08-2007, 12:08 AM
:ker: :ker: :ker:

كلكو مفئوعين من الفكره

اومال بتجيبوا زيهم لييييييه {01}

عارفه يانور فعلا المشكله في المقارنه دي اللي موديانا ورا الشمس

والطامة الكبري تلاقيها في الارياف

حيث التقليد الاعمي

والله سمعت ان راجل فلاح بسيط بيشتغل بالاجره

باع الحمار اللي يحتكم عليه عشان يجهز بنته

لا واللي يجنن بجد جايبلها في جهازها براد كهربائي وغسالة اطباق

ماله يعني سلك المواعين #20#

نوور
05-08-2007, 12:15 AM
:ker: :ker: :ker:



والله سمعت ان راجل فلاح بسيط بيشتغل بالاجره

باع الحمار اللي يحتكم عليه عشان يجهز بنته

لا واللي يجنن بجد جايبلها في جهازها براد كهربائي وغسالة اطباق

ماله يعني سلك المواعين #20#


طيب عاال عاااااااااااااااال يعني انا هاخلي بابا يبيع العربيه ان شاء الله 08# 08#


المشكله فعلا زي ما بتقولي انالمفئوع بردو بيجيب بس ساعتها بيجيب لضغط معين من الأم مثلا لما تقولها انتي مالك ؟ هوه انتي اللي بتدفعي من جيبك ولا انتي عايزه يبأه شكلنا وحش ادام النسايب؟ #20#

بس انا عن نفسي واخده عهد اني مش هاعمل الهبللللل ده كلو والله ولو ايه اللي حصل ..

مستكه هوه احنا بنتكلم على ما يفتحو كراتين حاجات المطبخ؟ ؟

نزلي المطبخ بأه علشان لسه في حاجات غيرو احنا مش فاضيين الفرح قرب يا بنتي وعايزين نحلص فرش البيت 08#

مستكه
05-08-2007, 12:16 AM
يا بختكم

دا احنا عندنا هنا

البنت عشان تتجوز

لازم تقضي علي الاخضر واليابس في بيت اهلها :sad:

نوور
05-08-2007, 12:18 AM
يا بختكم

دا احنا عندنا هنا

البنت عشان تتجوز

لازم تقضي علي الاخضر واليابس في بيت اهلها :sad:

في البيت بس؟ انتي نسيتي الحمار ولا ايه؟ 08#

مستكه
05-08-2007, 12:23 AM
طيب عاال عاااااااااااااااال يعني انا هاخلي بابا يبيع العربيه ان شاء الله 08# 08#

ياريتها تيجي علي العربيه بس :ker:

اوعي ترضي تتجوزي من غسالة الاطباق .. اه انتي مش اقل من حد

اللي هي بتعطل اكتر ما بتنجز

يعني علي ما تفضي الاطباق من البواقي وترصيها في المغسله

كان زمانك غسلتيها وخلصتي من ساعه ::laaf::



المشكله فعلا زي ما بتقولي انالمفئوع بردو بيجيب بس ساعتها بيجيب لضغط معين من الأم مثلا لما تقولها انتي مالك ؟ هوه انتي اللي بتدفعي من جيبك ولا انتي عايزه يبأه شكلنا وحش ادام النسايب؟ #20#

انا ماما بئت تجيب من ورايا :rolleyes:

لانها كل ماتقولي علي حاجه بهبط عزيمتها :D


بس انا عن نفسي واخده عهد اني مش هاعمل الهبللللل ده كلو والله ولو ايه اللي حصل ..

مستكه هوه احنا بنتكلم على ما يفتحو كراتين حاجات المطبخ؟ ؟

نزلي المطبخ بأه علشان لسه في حاجات غيرو احنا مش فاضيين الفرح قرب يا بنتي وعايزين نحلص فرش البيت 08#

لا يانور انا تعبت انهارده

خلي المطبخ بكره

مش عايزين كروته {01}

ده المطبخ ده عايزله يوم لوحده #20#

نوور
05-08-2007, 12:31 AM
لا يانور انا تعبت انهارده

خلي المطبخ بكره

مش عايزين كروته {01}

ده المطبخ ده عايزله يوم لوحده #20#

طيب طيب .. ليكي حق تتعبي بعد السفره..

طيب انا هافرش المشمع الألماني في دواليب المطبخ على ما تيجي انتي بكره عشان نرص الحاجات على طووووول bye

مستكه
05-08-2007, 01:19 AM
:ker: :ker: :ker:

ايه ده هو الموضه الالماني الايام دي :rolleyes:

يلا ما هوجه وماشيه :D

بس ابعدي عن اي حاجه حمره الله يكرمك :sad:

الحوراء
05-08-2007, 02:14 AM
ازيكم.......................

ملاك الحنين
05-08-2007, 02:41 AM
ووانا كمان بسلم علي احلي تجمع بنانيتي
الا ايه المواضيع الحلوه دي يا مستكه#21
رجعالكم تااني

ملاك الحنين
05-08-2007, 02:43 AM
::warda:: ازيك ياحوراء

نوور
05-08-2007, 02:46 AM
اصل انا يا مستكه يا حبيبتي مش بسترخص وكمان الأنواع الصيني بتاعت الناس البلدشي (البلدي) ورسوماتها مش أد كده .. وكمان الألماني اللزق بتاعو بيعيش اكتر #20# #20# #20# ومتخافيش مش هاجيب احمر ده انا هالف المشرق العربي كلو عشان اجيب حاجه تليق مع المطبخ انتي عايزه حماتي تيجي تقولي كلمه كده ولا كده؟ #7eet# #7eet# #7eet#

(على فكره انا ولا مخطوبه ولا متجوزه بس بجد اللي انا شوفته كفااااايه جدا انه يعقدني 11# )


حوراااااااااااااااااااء تعالي قوليلنا انتي عامله ايه في الجهاز؟ غرقتي ولا لسه؟ ::warda::

توتى
05-08-2007, 02:30 PM
اهلا ببنانيت الحاره القمرات
ازيكم عملين ايه وحشتونى
على فكره
انا هقولكم على
بييجى عندنا هنا بس
بعد ما تخلصو علشان
انا خايفه احسن رد
فعلكم يخليكو ماتكملوش
ليا راجعه
والله سمعت ان راجل فلاح بسيط بيشتغل بالاجره

باع الحمار اللي يحتكم عليه عشان يجهز بنته

لا واللي يجنن بجد جايبلها في جهازها براد كهربائي وغسالة اطباق

عرفه لو اخترعه غساله حلل هجبها انما غساله اطباق و كوبايات دول احسن حاجه فى المواعين الواحد بيتساله بيهم#20# #20# #20# #20# #20#

مستكه
05-08-2007, 04:32 PM
ازيكم.......................



ازيكم كده حاف

طب قولي اي حاجه تانيه تسندها :ker:

الله يسلمك ياختي ..

انتي فين ياهانم في المعمعه دي {01}



[

ووانا كمان بسلم علي احلي تجمع بنانيتي
الا ايه المواضيع الحلوه دي يا مستكه#21
رجعالكم تااني


/QUOTE]

اهلا بيكي ياملاك

تعالي يلا انا منتظراكي ::warda::


[QUOTE] (على فكره انا ولا مخطوبه ولا متجوزه بس بجد اللي انا شوفته كفااااايه جدا انه يعقدني 11# )


نور ياحبيبتي وانتي تتعقدي ليه 08#

العريس هو اللي بيجيب الشقه

ووالدك هو اللي بيجهزك .. :D

ماعليكي غير انك تتعبي نفسك في اختيار الاشياء :ker:

ياااه البنات دي بتتعب فعلا .. بس محدش مئدر ده #15



على فكره
انا هقولكم على
بييجى عندنا هنا بس
بعد ما تخلصو علشان
انا خايفه احسن رد
فعلكم يخليكو ماتكملوش
ليا راجعه


اهلا ياتوتي

لا ياحبيبتي قولي اللي نفسك فيه

هنعتبر الموضوع ده بيرصد كل الحاجات اللي بتحصل فعلا

احنا عايزين نعمل وعي بينا بجد

بينا احنا علي الاقل

مش يكون مجرد كلام والسلام

مش عايزين التقليد الاعمي ده يسيطر علينا :sad:

مستكه
05-08-2007, 04:59 PM
http://www.al-wed.com/pic-vb/32.gifالمطبخ http://www.al-wed.com/pic-vb/32.gif


ياريت يابنات لو نسيت حاجه تفكروني .. لاني اكيد هنسي كتير :D

نبتدي في المطبخ من اول الكاونتر .. اللي هو المطبخ نفسه

وده باه بيكون حسب امكانيات كل واحد .. واحيانا كتير الناس مش بتهتم بيه اد ما بتهتم بالحاجات اللي هتتحط فيه .. مع انه في رايي اهم لاني مطبخ العمر من اهم الحاجات المعمره في البيت يعني

بيتهيالي اخر حاجه نزلت الخشمونيوم - غيركده فيه الخشب العادي واللي بيتدرج بجودته - المطبخ الالمونيوم

ومقدرش احدد تكلفته لانه بيبكون حسب مساحة الحجره بتاعته

نيجي باه لمحتويات المطبخ نفسه ...

نبدأ بالاجهزه الكهربيه واللي غالبا بتكون علي البنت لانها بتاخد المطبخ من بابه

1_ الثلاجه .. ولو مكنتش اتنين باب يبقي الجوازه بااااااطل وانتي وشطارتك لو عرفتي تجبيها بتلاته باب باه دا انتي تبئي طنط والدتك دعيالك واهم حاجه متكونش اقل من 20 قدم .. حتي لو المطبخ ديق ولا يهمك هاتيها بلون الصالون وحطيها فيه المهم انك تجيبي حاجه مشرفه اه انتي مش اقل من بديعة بنت خالة عم امك #21

البوتاجاز .... لازمن حتما يكون خمسه شعله واشعال ذاتي ولمبه في الفرن وشواية تشوي خروف ( مع انه بالكتير اوي يشوا فيه الدره ::v.happy: ) وطبعا فيه ماركات بعينها اللي بتيجي بس انا مش هقول عشان الاعلانات :D

وبرضه لو المطبخ ديق ولا يهمك حطي البوتاجاز في اوضة النوم احنا معندناش مستحيل المهم انه يكون خمسه شعله #21

الغساله ....طبعا فووووول اوتوماتيك من اللي مسحوقها ب 45 جنيه واحد للابيض وواحد للالوان يعني 90 جنيه مع المنعم والمبيض والمزهر والذي منه هتدخلي بعد الـ 100 بشويه . بس مش مشكله برضه انتي مش اقل من حد

بس اللغريبه فعلا الاقي البعض جايب غساله اطفال مع غسالة الفول الوتوماتيك البعض فسر هذه الظاهر انها عشان لما الاطفال تيجي غسيلهم بيكون كتير وكده فالغساله دي بتنجز عن الاوتوماتيك .. كمان العروسه بتستخدمها في الاول علي اساس انهم اتنين بس والغسيل مش كتير ومش هتشغل الاوتوماتيك عليه ساعتين لانه مش مستاهله

والبعض التاني بيجيب غساله هاف اوتوماتيك جمب الفول بدل الاطفال يعني ودول الايسر حالا برضه لنفس السبب تقريبا

طيب انا ممكن اسال سؤال .. ليه الاوتوماتيك من الاول #20#
ما انتو لو مش شايفنها عمليه يبقي الهاف اوتوماتيك وكفي المؤمنين شر القتال .. ليه الاتنين يجو هو احنا هنفتح مغسله {01}


وشفت واحده جايبه من الاول غساله هاف اوتوماتيك لانها عمليه اكتر من الاوتوماتيك واوفر في المساحيق .. قلت ماشاء الله ايوه كده .. بس عرفت بعدها انها جايبه اتنين غساله هاف اوتوماتيك ليييييييييييييييييييه معرفش #20#
اكيد عشان ميقولوش انها غلبانه فحبت تثبت للناس انها قادره تجيب فجابت اتنين بدل واحده :maaaad:

توتى
05-08-2007, 06:13 PM
:ker: :ker: :ker: :ker: :ker: :ker: :ker: :ker:
مش انا قولت بلاش دلوقتى احسن
كملى يا مستكه يا حبيبتى
انا متابعه جيده

مستكه
05-08-2007, 06:52 PM
هستعد نفسيا للباقي واجي

اصلي نفسي قصير وبتخنق بسرعه #20#

هحاول ارجع تاني bye

ضئ القمر
05-08-2007, 08:44 PM
لا عادى يا مستكة متاخديش فى بالك ارفة انا معاكى والله فى الكلام دةدة خراب بيوت يا بنتى وبعدين بقى يدورو على القيمة والكلام الفاضى دة مش اما ابو عين حولة يجى ولا اعور حتى انا مش عارفة اية دىة

Abeer Omar
05-08-2007, 08:45 PM
عارفين بقى دى ميزه الإسكندرانيه

عندنا هنا مش بيهتموا بالمظاهر خالص
بيجوزوا بابسط حاجه
وباللى يحتاجوه
يعنى ممكن طقم واحد من كل نوع
وميكرروش حاجه ومثلا طقم الملاعق
واحد للضيوف فى النيش والتانى للمطبخ عادى
وقيسوا بأه كده على كله
انا لسه واحده صحبتى متجوزه من تلات ايام
متجوزه من غير أنتريه ومستعيضه عنه بالصالون
غيزى

تعالوا بقى تجوزوا إسكندرانيه


بتيجبي الكلام الغلط ده منين ؟؟؟

أنا على فكرة ليا قرايب في إسكندرية ...

يا فتاتي ده تبع كل بيت وتبع كل عيلة

رواء الروح
05-08-2007, 08:57 PM
:D :D :D :D فعلا ياخواننا دا هبل رسمي ....

أنا أمي واحنا بنفرش فوجئت بيها جايبة اتنين من كل شيء في النيش ....

ليه يا حجة كدا ...

انتي عاوزة الناس تاكل وشي ...

المهم قولت خناقة تفوت ولا حد يموت ونزلت الحجات المكررة وحجات كمان في كراتينها وحياتك

وقولتلها اخواتي البنات أولا ...

المهم خير جدا اننا عملت كدا ...

تروح ايام وتيجي ايام وجبت القردة بنتي الصغيرة ...

النيش عندي كلو زجاج من برة ومن جوة حتي الظهر مراية...

تدخلك الهانم بكرسي السفرة في النيش يتكسر الرف اللي فوق نصين

ويا خد اللي بعديه واللي بعديه واللي بعديه ... باللي فيهم ... فرافيت...

المهم ا،ا ساعتها طبعن لاهمني النيش وللا اللي فيه

البت بس تطلع سليمة ...

المهم مطولش عليكم سبحان الله ربنا حماها بالكرسي

والله نفضت من عليها الزجاج ... باعجوبة...

الجيران يومها جولي علي صوت الازاز اللي بيتكسر ...

لكم أن تتخيلوا ...

والله أنا يومها منمتش عمالة أبوصلها واحمد ربي طول الليل انها سليمة...

وكل شوية أبوص اتأكد دي عايشة وللا لاء

واهو دلوقتي النيش بينش :D

فعيد ميلادي اللي بعد كدا لقيت كل واحد في العيلة متبرع بطقم أي حاجة عشان النيش

:D :D :D :D

بس يا ستي ودي حكايتي مع النيش ....

لما تدخلو عالمطبخ اقولكو حكايتي معاه

خضره خضرايه الحاره
05-08-2007, 10:09 PM
رواء
يا عينى على النيش
بس الأهم الف سلامه على بنتك


بتيجبي الكلام الغلط ده منين ؟؟؟

أنا على فكرة ليا قرايب في إسكندرية ...

يا فتاتي ده تبع كل بيت وتبع كل عيلة

بيرو أكيد قرايبك مش أسكندرانيه اصلا

مستكه
05-08-2007, 10:52 PM
اهلا ياضي القمر ::warda::


اما ابو عين حولة يجى

:D كده انا مش هألأ عليكي ابدا

بس هو يجي #20#


رواء #5#

ايوه كده عايزين ناس تزوجوا عشان يقولولنا علي تجاربهم النيشيه #21


المهم قولت خناقة تفوت ولا حد يموت ونزلت الحجات المكررة وحجات كمان في كراتينها وحياتك

:clab: :clab: :clab:

رواء بجد احييكي علي موقفك ده

ناس كتير تخشي حركة زي دي

عشان محدش يقول جابوا الحاجه واخدوها تاني

مع ان في الاول وفي الاخر هي اللي هتستخدم حاجتها

يعني لو كتيره فهي ليها ولو قليله فهي برضه ليها :rolleyes:



بس يا ستي ودي حكايتي مع النيش ....

لما تدخلو عالمطبخ اقولكو حكايتي معاه

الف سلامه علي بنتك ربنا يحفظهالك وتفرحي بيها يارب

وعلي رايك فداها مليون نيش المهم سلامتها

واهو اللي اتكسر جه بداله :D

مستكه
05-08-2007, 11:41 PM
نكمل المطبخ ....

طبعا لسه الاجهزة الكهربائيه منتهتش

- فيه الكيتشن ماشين ودي اساسي

وعلي الرغم من انها بتحتوي كل شيء الا ان لازم مضرب البيض اللي هو لوحده ده

واحيانا الخلاط العادي اللي لوحده برضه

هو غالبا الكيتشن ماشين مبتطلعش من علبتها الا في الاعياد والمناسابات الخاصه جدا

- غسالة الاطباق .. مش كل الناس بتجيبها بس كتير بئو يجيبوها وعلي راي نور لو فيه غسالة حلل لن اتردد ابدا انما اطباق انا اغسلهم اسهلي {01} دا حتي الواحد بيطلع غيظه في غسيل الاطباق والزوجات لو مطلعتش غيظها في الاطباق هتطلعوا في حاجه تانيه #15


- الميكرويف .. برضه مش كل الناس بتجيبه مع ان فيه فرن البوتاجاز اللي ياخد خروف الا انه طبعا مش كافي :maaaad:



نيجي باه للرفايع #15

اولا الحلل :

- طقم المونيوم .. ده بيكون نوعين نوع اسمه حلل ودي الحلل اللي مالهاش ايد _ ونوع تاني اسمه كزرولا ودي الحلل اللي لها ايد :D
اه ماهو ميصحش البنت تتجوز الا بحلل ايد اه وايد لا


- طقم صاج

- طقم استيل

طقم تيفال

اه والله وكلهم بيجو ... وتلاقي البنت اصلا مبتعرفش تطبخ فرخه .. بس لازم كل الحلل دي تيجي اساسي



- وطبعا القوالب والصواني بكل احجامها ومقاستها تيجي وبتكون المونيوم وتيفال وبيركس ولااااااازم كل ده يجي

- والبردات واللبنات بيجي كتير يعني الصاج والالمونيوم والتيفال والاستيل برضه ومثلا براد كبير وبراد صغير وبراد علي جمب وبراد بورده وبراد بقطه وبراد بصفاره

من الاخر كده كل انواع البرادات واحجامها كذلك اللبانات


- بالنسبه للاطباق ..

اوعي بالكم يروح لبعيد وتسول لكم نفسكم مجرد التسول انكم هتاكلوا في يوم من الصيني او الاركوبال اللي في النيش لااااااااااااااااااااااااا

عشان كده عملنا حسابنا في المطبخ بيكون فيه طقم بيركس وطقم ميلامين ( في الارياف باه بيجيبوا كرتونتين من كل نوع بالاضافه لاطباق استيل مع انها ملهاش لازمه بس لازم يجيبوها بالاضافه لطقم صيني شعبي بيكون طقم صيني في عدده زي اي طقم بس رخيص عن الطقم اللي في النيش وعشان كده اسمه شعبي ) واخدين بالكوا باه المطبخ فيه كام نوع من الاطباق
واحيانا البيركس بيتحط في النيش كل واحد حر في حاجته باه :maaaad:


بالنسبه باه للاكواب ...

علي فكره نسيت اقول ان النيش بيتحط فيه كوبايات شاي من الغاليه

المتوسط برضه في المطبخ 6 اطقم كوبايات شاي ( طبعا الاطقم دي كوبايات عاديه )

بالنسبه للمجات حدث ولا حرج الطويل والقصير والتخين والرفيع الشفاف والمعتم كتير كتير


بالنسبه لاطقم الميه في المطبخ من 5 الي 6 اطقم

الكاسات حوالي 4 اطقم بس ارخص شويه من اللي في النيش

اطقم الشربات برضه حوالي 4 اطقم

وطقمين جيلي وخشاف علي اقل تقدير من الزجاج غيراللي بيكونوا من الالمونيوم ااستيل :D


- 3 اطقم توابل ... واحد بورسلين او اركوبال وده للزينه مش بيستخدم اصلا

وواحد صيني وواحد عادي خالص معرفش ليه بس هو كده

وفيه اطقم تانيه بتكون عددها 3 بس للشاي والسكر والقهوة خزفيه وبيكون شكلها زي التحف عشان تتحط علي ترابيزة المطبخ

وفيه غيرها علي شكل علب ودي اللي بيتحط فيها الحاجات

غير اطقم المعالق العاديه اللي بتكون 12 من كل حجم وغير المعالق اللي بتتحط في علاقات علي الترابيزة

اما بالنسبه للسكاكين حدث ولا حرج يوووووووه جميع الانواع والاحجام والاشكال

والمقصات وكل الادوات الحاده #15 واكيد الاكياس طبعا :D

بالنسبه باه لصواني التقديم كل الاحجام باه الطويله والقصيره والمدوره والاستيل والباغه والبلاستيك وكل اللي نفسكوا فيه هتلاقوه

كول ده بالاضافه للادوات البلاستيكيه من اطباق مختلفة الاحجام والاشكال والمقشات والمسحات بكل انواعها المهم تكون الهلال والنجمه :ker:


لسه ايه انا تعبت اوي :maaaad:

نوور
05-09-2007, 12:19 AM
اييييييييه يا مستكه لحقتي تعبتي؟ ده احنا لسه في اول المشوااار #20#

مع الكيتشن ماشين لازم بردو نجيب مفرمة الملوخيه اللي ملهاش اي لازمه (مالها الملوخيه المجمده؟ 08# )
ومطحنة البن (قال يعني هاتجيب بن مش مطحون)

3 منخل دقيق (لآزم 3 عشان يكونو وتر )

ولاعتين بوتاجاز (حتى لو هوه اشعال ذاتي)

اطقم التوزيع..حاجات السخن (غير بتاعت السفره) #15

عصارة برتقال _ شاكوش خشب _ مفارش بالهبللل _ قوالب تلج اشكاااااااااال والواااااااان

مصنع فوط مطبخ _ مريلتين واحده اي كلام وواحده غاااااليه #20#

عايزه تاني؟ 08#


على فكره انا كان قصدي متعقده مش قصدي على الفلوس بس انا قصدي على الأفكار والتخلف كأن الحاجات دي هيه اللي بتجيب السعاده ولو الحاجات دي مجتش بيكون الجواز لا يصح والعقد باطل ..

مستكه
05-09-2007, 12:31 AM
برافو عليكي يا نور

ايوه كده معايا علي الخط

انا عارفه اني ناسيه حاجات كتير بس والله مش مركزه

ومتنسيش مفرمة البصل

وكمان المبشره علي الرغم ان فيه مفرمه

وعلي رايك الاشعال ذاتي والولاعات والكبريت مالين المطبخ {01}

نوور
05-09-2007, 12:54 AM
في حاجات كمان كتيييييير بس مش هانقف عنها لأنها الا حد ما رخيصه

زي مثلا 50 عصارة لمون اكتر من حجم معرفش ليه؟

عصارة التوم (غبيه بشكل مش طبيعي )

قطاعة المخلل :ker: (قال العروسه هاتقوم تخلل)

قطاعتين واحده للحوم وواحده للخضار

مكبس لتزيين التورته( ده غير مستلزمات التورته التانيه)


مكبس لعمل البيتيفور

الة عمل البسكوت

2 اله بتاعت الكابتشينو

(على فكره الحاجات اللي فاتت دي انا مش معترضه عليها لو ان البنت شاطره وبتعمل حاجات من دي بس بردو تيجي كميات في حدود المعقول )

تعرفو يا بنات المصيبه التانيه في كل الحاجات دي هيه التنضيف يعني طبعا بعد 6 شهور مثلا لما تيجي الست هانم تنضف المطبخ هاتحتاج اسبوع كامل عشان تفضيه وتنضفه وتطلعه تاني ..وغير كده كراكيب بشكل مش طبيعي يعني ممكن متلاقيش بأه مكان للأكل في المطبخ (المكرونه والزيت والرز والحاجات دي )

توتى
05-09-2007, 11:03 AM
وعلي راي نور لو فيه غسالة حلل لن اتردد ابدا انما اطباق انا اغسلهم اسهلي {01} دا حتي الواحد بيطلع غيظه في غسيل الاطباق والزوجات لو مطلعتش غيظها في الاطباق هتطلعوا في حاجه تانيه #15

دا رايى انا مش نور||-143-|| ||-143-|| ||-143-||

ضئ القمر
05-09-2007, 10:42 PM
طبعا كل دة انتو فى المطبخ بس يعنى لسة متكلمتوش فى السجاد والنجف ربنا يعينك يا مستكة اناتعبتلك انا حاسة انا اى بجهز وبجيب انت بقى ربنا يديكى الصبر على ما تخلصى الشقة اة متنسيش المفاروشات بقى السفرة والسرير ولازم يكون با بمبلغ وقددرة اة امال اية وفى المطبغ سخان المية بنتتاع الشاى رغم انهم بيجيبو كل احجام البرادات الله يكون فى عون الاهل يلا دنياوعجبنى

توتى
05-09-2007, 11:11 PM
ايه يا مستكه يا حبيبتى نفسك قصير ليه كده داحنا لسه فى الاول التقيل جاى ورا يلا شدى حيلك#20# #20# #20#

مستكه
05-09-2007, 11:58 PM
دا رايى انا مش نور||-143-|| ||-143-|| ||-143-||

اسفه ياتوتي ماخدتش بالي

غلطة مش مقصوده :d2



التنضيف

نور كويس انك متابعه

خليكي معايا علي الخط

وياريت تكملي وانا اللي هتابع :D



طبعا كل دة انتو فى المطبخ

شوفتي ياضي ياختي

المشوار لسه طويييييييييييييييييل :sad:
نفسكو معانا باه



ياريت يا بنات تتكرموا وتساعدوني

حد يدخل يقول المفروشات واللي تنسوه هقوله

لاني بجد مش قادره

انا لي هدف من الموضوع ده علي فكره

مش مجرد عد والسلام

بس نخلص عد

واقول الكلمتين الواقفين في زوري

وانتو كمان اكيد هتقولوا


مستنياكم ::warda::

نوور
05-10-2007, 12:40 AM
ايه يا مستكه لحقتي تتعبي؟
كل ده كتابه بس ؟ اومال لما تيجي في الجد هاتعملي ايه؟ ::v.happy:

اوك انا هاكمل واي حاجه فكريني

هانبدأ بأه في المفروشاااااااااااااات #20# #20#

سماره الأماره
05-10-2007, 12:43 AM
بجد بجد بجد بجد يا بناتيت
جزاكم الله كل خير
ايه الجمال ده
انا لسه متجوزتش وانا كبيرة امى يعنى لسه معشناش التجربة
وامى شايله الهم قوى وابويا ولا على باله
بس انا بقى هاخليه يقرا الكلام ده ويعرف المصيبة اللى هو داخل عليها

على الرغم طبعا انى مش موافقة على الكلام الفارغ ده كله وازاى يعنى انا اتجوز بكل ده
ده وانا و هو بس هنعمل ايه بكل ده

ثم ان حبييبى محمد -صلى الله عليه وسلم- قال
اكثر النساء بركة اقلهن مئونة.......والمئونة هى تكاليف الزواج
وفى رواية اخرى مهورا
عارفين كان جهاز السيدة عائشة ايه
انا مش فاكرة قوى
بس انا عارفة ان حجرتها كانت لو رفت ايدك ومش قوى تلمس سقفها وسرير من الخشب ومخدة حشوها ليف وهكذا كان فعلا بسيط جدا جدا

شكرا قوى يا مستكة ويا كل البنات
انا احبكم فى الله

نوور
05-10-2007, 12:52 AM
المفروشات

3 طقم سرير مطرزين (ابيض- سيمون- روز) #20#
3 طقم سرير مطبوعين ( بس مش اي ماركه لازم تكون حاجه امريكي)#20#
3 طقم سرير ساده #20#
مفرش سرييييييير (لازم يكون احدث صيحه نازله في السوق وميقلش عن 800 جنيه)#20#

2 لحاف فايبر (امريكي بردو)#20#

3 كوفرته #20#

2 بطانيه (بردو مستورده مش اي اي )#20#

مجموعة اكياس مخدات لوحدها (احتياطي #7eet# )

مفرش سرير للاستخدام العادي (علشان التاني ما يتبهدلش) #20#

6 فوط من الألوان الفاتحه(حجم كبير)
6 فوط الوان غامقه ( حجم كبير)
و 3 من كل نوع حجم اصغر

3 بشكير كبير
2 برنس

مجموعة مفارش صغيره لغرفة النوم (ولازم تكون ماشيه مع لون المفرش )#20#

مفارش للصالون (لااااااااازم تكون غاااااااليه مش اوضة الضيوف؟ #20# )

مفرش سفره تاني غير بتاع مستكه:D (بردو عشان الأصلي ما يتبهدلش#20# )

نوور
05-10-2007, 12:54 AM
لو نسيت حاجه حد يقول

انا مش عارفه الستاير طمن المفروشات ولا ايه؟ والسجاد كمان؟

نوور
05-10-2007, 12:56 AM
يا بنااااااااااااااااات كل الكلام اللي مكتوب من اول الموضوع مش ده اللي المفروض يحصل يعني مستكه بتعرض اللي الناس بتعملو وهاتعلق على الكلام ده في نهاية الموضوع

ده توضيح بس عشان محدش يفتكر ان ده صح او ده اللي المفروض اللي العروسه تجيبو

وعقباااااااااااااااال ما نجهز كل بنات الحاره ::warda:: ::warda::

مستكه
05-10-2007, 01:51 AM
المفروشات

3 طقم سرير مطرزين (ابيض- سيمون- روز) #20#
3 طقم سرير مطبوعين ( بس مش اي ماركه لازم تكون حاجه امريكي)#20#
3 طقم سرير ساده #20#
مفرش سرييييييير (لازم يكون احدث صيحه نازله في السوق وميقلش عن 800 جنيه)#20#

2 لحاف فايبر (امريكي بردو)#20#

3 كوفرته #20#

2 بطانيه (بردو مستورده مش اي اي )#20#

مجموعة اكياس مخدات لوحدها (احتياطي #7eet# )

مفرش سرير للاستخدام العادي (علشان التاني ما يتبهدلش) #20#

6 فوط من الألوان الفاتحه(حجم كبير)
6 فوط الوان غامقه ( حجم كبير)
و 3 من كل نوع حجم اصغر

3 بشكير كبير
2 برنس

مجموعة مفارش صغيره لغرفة النوم (ولازم تكون ماشيه مع لون المفرش )#20#

مفارش للصالون (لااااااااازم تكون غاااااااليه مش اوضة الضيوف؟ #20# )

مفرش سفره تاني غير بتاع مستكه:D (بردو عشان الأصلي ما يتبهدلش#20# )


نور هو انتي اعده فين في مصر عشان اجي عندكم

دا احنا عندنا ظلم وافتري 11#

بصي يابنتي

عندنا مينفعش تجيبي اقل من 12 طقم سرير وده الحد الادني يعني

بحيث يكون نصهم علي الاقل خاااالص من النوعيه اللي بــ 150 جنيه وانتي طالعه

وال 12 طقم دول لاودة النوم الرئيسيه يعني لو فيه اودة نوم صغيره ليها اطقم خاصه بيها بس مش بتوصل ل 12 طقم

انا اعرف واحده كانت جايبه 36 طقم سرير :D

ماعلينا

البطاطين 2 زي ما انتي قلتي من 7 كيلو الي 9 كيلو مزدوجه ::rt::

تقيله جدا انا نفسي مبقدرش اطبقها :d2


الالحفه فيه ناس بتنجد بس دول تقريبا انقرضوا

لكن بيشتروا فايبر بيبدا تمنه من 350 وانتي طالعه الي ماشاء الله


بالنسبه باه لمفارش السرير فهي سقفها عالي اوي

يعني ممكن تجيبي مفرش ب الف و حاجه

وممكن تجيبي مفرش ب 500

طبعا حسب زوق وامكانيات الناس

ومش بتجيبي واحد بس دا انتي بتجيبي اتنين علي الاقل عشان تبدليهم مع بعض


بالنسبه للفوط باه

خدي 12 من كل نوع :sad:


نوع قطن ونوع قطيفه ونوع بورده ونوع ساده ونوع بينشف ونوع مش بينشف #20#


( بس سيبك انتي في تشكيلة ملايات طالعه تحفه .. والله بجبها مش عشان العدد

بجبها عشان شكلها بيعجبني :d2 )


احم طيب اللي فاكر حاجه يجي يقول يلا





يا بنااااااااااااااااات كل الكلام اللي مكتوب من اول الموضوع مش ده اللي المفروض يحصل يعني مستكه بتعرض اللي الناس بتعملو وهاتعلق على الكلام ده في نهاية الموضوع

ده توضيح بس عشان محدش يفتكر ان ده صح او ده اللي المفروض اللي العروسه تجيبو

يا بنات ده متوسط الحاجات اللي بتيجي فعلا

وطبعا انا شايفه ان ده غلط وكتير

بنعد ونقول الناس بتجيب كذا

وفي الاخر نتناقش سوا بما اننا اصحاب الشان مستقبلا ان شاء الله

عشان لما نغير واقع يكون عن اقتناع ورضا

وبصرف النظر عن الناس وكلامهم اللي مبيخلصش :rolleyes:

نوور
05-10-2007, 02:04 AM
نور هو انتي اعده فين في مصر عشان اجي عندكم

دا احنا عندنا ظلم وافتري 11#




لا يا مستكه اصل احنا من اللي ناس اللي بتجيب الحاجات اللي بتستخدم وبس مش بنجيب اي حاجه زياده :ker: :ker: :ker: :ker:

على فكره مفرش السرير دلوقتي لازم ييجي من سيتي ستارز عشان توكيلات وماركات #20# #20#

اطقم السرير اللي انتي بتقولي عليها دي فعلا جميله جدا بجد مش هزار بس مصيبتها لما تيجي تغسليها مينفعش تتغسل في البيت {01} لو عملتي كده هتلاقي الاورجانزا اتقطعت والتطريز فك والملايه نفسها لونها بأه غريب .. بس مفيش مانع تجيبي منهم وتغسليها عند الدراي كلين 08#

نوور
05-10-2007, 02:43 AM
بس صحيح يا مستكه اطقم السرير دي كلها هايحطوها فين؟

يعني هيه اوضة النوم هاتستحمل ايه ولاايه ؟ لأن معظم العرايس مش بيكون عنهم اوضة اولاد من الأول

بجد سؤال محيرني جدا هايجيبو منين اماكن للكراكيب دي كلها؟؟؟؟؟

ضئ القمر
05-10-2007, 12:32 PM
اة صحيح يا نور هو انا كنت لسة راحة اسال السوال دة هو انتى منين علشان انا ومستكة هنهرب عندكانتو ناس طيبين اوى يا نور احنا بنجيب مصر كلها كاننا ريحين نحارب ولا ريحين نتاجر بالحاجات الى بيجبوها هههههههههههاقولك العروسة تروح هى وعرسها ويعقدو فى اى سوق ويبعهم اهو يساعدو فى المعيشة بردو ههههههههههههههههحاجة متعبة اوى والله يلا يا مستكة هتكتبى اية كمان لسة ورينا

ميدو1987
05-10-2007, 12:56 PM
السلام عليكم ياأخت مستكة الرحمه شويه ده كله مطبخ

نوور
05-10-2007, 01:07 PM
طيب والله كويس طمنتوني ...ده انا كل ده ومش عاجبني وبقول هايعملو بيه ايه ..

طيب كده نزود شويه علشان محدش يطمع فينا 08# 08# 08#

يلا يا مستكه ايه اللي بعدو

بلاش نتكلم على الهدوم علشان لو بدأنا فيها مش هانخلص

ممكن مستلزمات العروسه التانيه لكن الهدوم لاااااااااااااااااا

ميدو1987
05-10-2007, 01:13 PM
قولي يامستكة ايه الي لسه ناقص هو انتي خليتي حاجة مقولتهاش لسه بس الفرش والسجاد

ضئ القمر
05-10-2007, 01:13 PM
اية يا نور دة الهدوم بقى يعنى العريس مش بيلقى اصلان مكان فى الدلاب مش بيحط هدوم اصلان لية المهم انتى خفتى كدة لية احنا بس هنعقد عندك نجيب زى ما انتى بتجيبى وهنمشى على طول مستكة بقى مش موجودة دلوقتى هتيجى بليل تكمل

نوور
05-10-2007, 01:16 PM
يا اهلا وسهلا والله ده انتو تنوروني وتشرفوني بس ساعتها هانعمل حاجات تانيه خااااااااااااالص 08# 08#

نوور
05-10-2007, 01:17 PM
في انتظار الليل ان شاء الله ...

وعقبال ما نجهزلك قريييييبا يا ضي القمر ::warda::

بس من سيتي ستارز 010#

ضئ القمر
05-10-2007, 01:27 PM
ههههههههههههههههانتى ظالمة والله اما انا من سيتى ستارز امال انتى منين بقى قوليلى كدة دة انتى عايزانى ابقى مديونة لى مصر على كدة على العموم انتى الاول واجهزك من مكان احلى من سيتى ستارز بس متهيقلى مفيش اة بس ممكن من كارفور بردو الحاجات الى فى حلوة اية رايك

نوور
05-10-2007, 01:39 PM
لا يا حبيبتي كارفور ايه انتي عايزه حماتي تقول اني جبت الحاجات اللي عليها عروض ؟؟ تؤتؤتؤ انا مقبلش كلمه زي دي ابدا ..اه هوه فيه حاجات جميله جداااااااا بس بردو شبهه يعني انا هاثبت ازاي ان ما كنش عليها عرض؟
شوفي مكان تاني08#

ضئ القمر
05-10-2007, 02:56 PM
خلاص شوفى انتى عايزة منين وانا اوديكى احلى مكان ههههههههههههههه حماتك اة وتقولك لا انا ابنى ميكولش فى حاجات من كارفور لازم تكون من سيتى ستارز صحناس قادلاةة ومقتدرة والله الله يكون فى عونا احنا يارب مش كفاية ان رضينا با ابنها لا وكمان بتتامر حاجة غريبة والله

امنية
05-10-2007, 05:04 PM
ااااااااااااه
قريت الحمدلله:D

ذاكرت اللى ورايا علشان اتفرغ انى اقراه::v.happy:

ما علينا خلينا فى الموضوع



عندنا مينفعش تجيبي اقل من 12 طقم سرير وده الحد الادني يعني


هو مين اللى بيحدد الكلام ده؟؟

وبخصوص السفره والنيش
معندنااااااش#5# #5# :D

كان عندنا وخلصنا منهم ::v.happy:

ان شاء الله مستقبلا لما ابن الحلال يجى هريحه #15
هو احنا مش هنتحاسب على كل قرش اتدفع فى حاجه ملهاش لزمه11#

{01} {01} {01} {01}

عايزين ندخل فى النجف يا مستكه #15

متابعه على قد ما اقدر::v.happy:

مستكه
05-10-2007, 05:46 PM
لا يا مستكه اصل احنا من اللي ناس اللي بتجيب الحاجات اللي بتستخدم وبس مش بنجيب اي حاجه زياده

#21 #21 #21 #21


يعني هيه اوضة النوم هاتستحمل ايه ولاايه ؟ لأن معظم العرايس مش بيكون عنهم اوضة اولاد من الأول



كمان

احنا عندنا 75 % من العررايس لو مجبتش غرفة اطفال تبقي الجوازه باطلة :ker:

عشان كده الزيادات بتلاقيها في دولاب الاوده دي :D



بلاش نتكلم على الهدوم علشان لو بدأنا فيها مش هانخلص

لا دي مينفعش نقولها .. اصلا هنقول ايه ولا ايه
وكمان نسبيه من حد للتاني

بس اللي بيحصل انها بتيجي بكميه كبيره اوي وللاسف مش كلها بتتلبس

لان بعد الزواج بيجي الحمل وطبيعي مش بتلبس حاجه من الملابس دي

او بتتخن وبرضه طبيعي الحاجات مش بتكون مقاسها

وعلي ما تخسلها بتكون موضتها راحت bye








قولي يامستكة ايه الي لسه ناقص هو انتي خليتي حاجة مقولتهاش لسه بس الفرش والسجاد

السجاد والستاير نسبيه حسب مساحة الشقه

وبصراحه مبفهمش فيهم :ker:

انا بركز في المطبخ والنيش بس :D



اية يا نور دة الهدوم بقى يعنى العريس مش بيلقى اصلان مكان فى الدلاب

اه ياختي .. والبنت بتسيب باقي الهدوم في شنطها تحت السرير :rolleyes:


وبلاش تطلعات سيتي استارز الله يكرمكم

مالها الوكاله يعني {01}

مستكه
05-10-2007, 05:56 PM
ااااااااااااه
قريت الحمدلله:D

ذاكرت اللى ورايا علشان اتفرغ انى اقراه::v.happy:

ما علينا خلينا فى الموضوع



هو مين اللى بيحدد الكلام ده؟؟

الله ينور عليكي يا امنيه

وده الهدف من الكلام

ممكن الكلام اللي بقوله ده ميكونش واضح عندكم في العاصمه

عندكو الناس عمليين اكتر بكتيييير من عندنا

مع ان نفس الظروف واحده تقريبا .. لكن الناس بتبص لبعضها بشكل غريب

ومينفعش فلانه تكون اقل من فلانه

مع ان الموضوع ده تحديدا نسبي جدا

ومينفعش يكون فيه كلمة ( المفروض ) لان كل واحد بيحدد احتاجاته حسب مقدرته

مش حسب ما الناس هتتكلم {01}




وبخصوص السفره والنيش
معندنااااااش#5# #5# :D

كان عندنا وخلصنا منهم ::v.happy:


وده اللي بنقوله فعلا

ان بعد كول التكلفه دي والكلام ده كله ولا له لزمه

الناس بقت تهتم بالمظاهر والشكليات اكتر بكتير من الجوهر :sad:




ان شاء الله مستقبلا لما ابن الحلال يجى هريحه #15

يابنتي ركزي

ابن الحلال مالوش دعوة بالكلام ده

والدك هو اللي بيجيب كل ده ::v.happy:


هو احنا مش هنتحاسب على كل قرش اتدفع فى حاجه ملهاش لزمه11#


اكيد طبعا

يعني اما بنت واحده تتجهز بجهاز تلات بنات

وفيه غيرها مش لاقيه تجيب اشد الضروريات يبقي حلال ولا حرام :rolleyes:

{01} {01} {01} {01}

عايزين ندخل فى النجف يا مستكه #15

متابعه على قد ما اقدر::v.happy:

حد يقول النجف والستاير والسجاد مبعرفش فيهم :d2

امنية
05-10-2007, 06:07 PM
محدش يرد على حد فى الاقتباس يا مستكه:maaaad:
اقتبس كلامك ازاى دلوقتى#7eet#

#20#



وده اللي بنقوله فعلا

ان بعد كول التكلفه دي والكلام ده كله ولا له لزمه

الناس بقت تهتم بالمظاهر والشكليات اكتر بكتير من الجوهر


والله ده اللى بقوله ويقولوا ايش فهمك انتى11#
واللى يقولوا دى مش شكليات دى حاجات ضروريه:rolleyes:
المفروض اننا فى القرن 21
انتهى عصر المظاهر دى
كاسات ايه بس{01}
والله كانوا محطوطين فى النيش زى قلتهم كل فايديتهم تمرين الايدين فى التلميع::rt::

هى غساله الاطباق بقت ضرورة يا مستكه دلوقتى11#
على فكره جبناها لماما مره وبشعه بجد
بتغسلى الطبق قبل ما تحطيه:D

يا بنااااااااااااات فكروا بجد فى اللى محتاجينه
الناس مش بيتحكم على بيوتها بعدد الاطقم والحلل

وهتتسئلوا عن الفلوس المهدرة دى:sad:



اكيد طبعا

يعني اما بنت واحده تتجهز بجهاز تلات بنات

وفيه غيرها مش لاقيه تجيب اشد الضروريات يبقي حلال ولا حرام :rolleyes:

11#
هما الفقراء فى البلد من شويه{01}
موظف مش لاقى يجوز بنته والتانى جايبلها متحف فى البيت#20#

ضئ القمر
05-10-2007, 09:57 PM
لية يا مستكة السجاد والنجف اية هو اولا بردو تقريبا بيبقى على العروسة بس طبعا لو هتجيب سجاد كتير او قليل حسب مساحة الشقة وبردو النجف حسب عدد الغرف وطبعا المشكلة هنا بقى مش فى انك تجيبى كدة لا نا احسن من فلانة والنجفة باشئ الفلانى واة بقى عايزها كرستال عامل ازاى وكدة اما السجاد بقى لازم كل سجادة احلى من التانية وطبعا تكون لون العفش طبعا انا بتكلم عن الى عندنا زى مستكة كدة اكيد هى عارفة ان دة الى بيحصل عرفتو بقى الشقة من حق الزوجة لية هههههههههههههههه

امنية
05-10-2007, 10:10 PM
:ker: :ker: :ker: :ker:

نوور
05-11-2007, 08:24 AM
طيب لعلمكم بأه السجاد والنجف دول بلاااااااااااااااااااوي يعني لازم السجاد يكون شينواه وايراني او تركي ومش عارف فيه كام عقده (الله يعقدهم والله ) ولازم يكون فيه خيوط حرير .. وبردو مش حجم صغير لازم السجاده تكون تحت رجلين الكراسي :ker: :ker: :ker:

اما النجف بأه لازم كريستال درجه اولى والشاسيه نفسه ياريت يكون مطلي عشان ميصديش {01}
ولازم طقم الأبليكات مع النجف

ده غير الأباجورااااااااااااااات#20# #20# #20#

















على رأي يقين
























cover me and cry#20# #20# #20# #20#

نوور
05-11-2007, 08:32 AM
على فكره الهبل اللي بيحصل ده بيكون من اسباب الطلبات الكتييييييييير اللي بتطلب من العريس لأن اهل البنت بيقولو ما احنا كمان هانجهز بأد كده خليه يفك ايديه شويه

مستكه وضي القمر هوه انتو مش من القاهره؟ :rolleyes:


امنيه.. روحي ذاكري وفي الأجازه ابأي اتكلمي :maaaad:

naughty eyes
05-11-2007, 04:09 PM
يانوتي انا لما قلت المطبخ

يعني المطبخ بكل ما يحتويه من رفايع

واجهزة كهربيه

والكاونتر نفسه

كل حاجه

وخليت حكاية الاود للاخر

بس لو تسمعوا الكلام

قلنا هنكلم في كل حاجه بس واحده واحده :D


حاضر حاضر حاضر

منغير زعيق :d2

مع ان كلامي دلوقتي جه متأخراوي

يلا بقي الامتحانات ادعولي بس هحاول اتابع برضو::warda::

ضئ القمر
05-11-2007, 05:42 PM
انتى شايفة اية يا نووور

يعنى هتفرق من القاهرة ولا لا

ما هى العروسة بتجيب وخلاص ههههههههههه

حزر ى فزرى ههههههههههه

اعقيال كدة ما تجهزى وتعرفينا جبتى اية

علشان لو ناسية حاجة افكرك

شلايخ
05-11-2007, 09:50 PM
ممكن اسال سوال
انا ولد هز الحاجة دى على حساي مين

مستكه
05-11-2007, 10:13 PM
:ker: :ker: :ker: :ker: :ker: :ker:


اضحك الله سنك يا اخ شلايخ


شوف حضرتك هو بيكون حسب الاتفاق لكن بشكل عام يعني

البنت بيكون عليها المطبخ واوده اما الانتريه او الصالون

والولد عليه اودة النوم والسفره وكمان اوده لو الشقه تاخد

وكل واحد بيجيب اوده بسجادها ونجفها وستايرها

التنجيد احيانا بيكون علي البنت واحيانا علي الولد حسب الاتفاق برضه


بس بعد كل اللي قلناه ده بجد بجد

البنت بتتكلف في الجوازة اكتر من الولد

وكله علي حساب والدها :D

ضئ القمر
05-11-2007, 10:29 PM
لا بس فى حاجة كمان يا مستكة ان الحاجات دى بتيجى على حسب المحافظة اة والله


انا الى اعرف المحافظة دى غير دى

بتختلف فى لمجايب وكدة يعنى فى محافظة بيكون العروسة عليها التنجيد

محافظة غيرها العريس هو الى علية التنجيد


دة الى انا شوفتو


بس انتى لو قولتى ان العروسة الى بتتكلف هيقولو انك واقفة فى حقها


بس تقولىاية يا بنتى حكم القوى على الضعيف رضينا با المر والمر مش راضى بينا هههههههههههههه


يلا ربنا يعينى كل اسرة على تجهيز بناتهم

مستكه
05-11-2007, 10:31 PM
دلوقتي وبعد كل اللي اتقال ده

لاحظت استياء بنات كتير من اللي بيحصل ده لان اقل مايقال انه بذخ

طيب سؤال

هل فعلا هتعترضوا علي الكلام ده

هل عندكم استعداد لما ماما تجيب حاجات عشان الناس تقول دي جابت وجابت

تقوللها لا ده حرام

احنا ميهمناش الناس

ميهمنيش حماتي هتقول ايه

ميهمنيش اي حد يقول مجبتش جهاز محترم

هل هتفتكروا موضوع زي ده (http://z3tr.loaloaa.com/showthread.php?t=15281)

وياتري كام حاجه كماليه ملهاش اي لازمه ممكن نوفر فلوسها لناس محتاجه

مشكلتنا الكبيره اننا ناس بتوع مظاهر اوي

مع اننا عارفين ان كلام الناس مبيخلصش

وعمر الناس مافي حاجه بترضيها

اسمع ان البيوت في الدول الغربيه بسيطة جدا جدا

وبيجهزوها باقل التكاليف والزم الضروريات


المشكله اللي غيظاني بجد

ان 75% من العرسان اللي بيجهزوا كده

مش بيعيشوا في شققهم دي

اما لانهم الاتنين بيسافروا خارج البلاد

او لان الزوج بيسافر ويسيب زوجته عند اهله او اهلها

ومش بيعدوا في الشقه الا شهر في السنه

تخيلوا بعد كل ده #20#


انا مش عايزه اخرج من الموضوع ده

ان كل واحد فين قال كلمتين حلوين وخلاص

عايزه يكون في عهد بينا امام الله

اننا نبدا بنفسنا .. يبقي فيه وعي

انا مش هعمل زي الناس

انا هجيب اللي ينفعني ويفدني بلا بزخ ولا سفهه

ومش هقول زوجة اخي مش جابت حاجه .. ولا هقول لازم اجيب زي اختي

وسواء جبت كتير او قليل في الاول وفي الاخر دي شقتي اللي هعيش فيها

يعني محدش هيجبلي حاجه من بيته عشان مجبتش ولا هدي لحد حاجه عشان جبت

يبقي اراعي ربنا في ابي وفي الناس الغلابه ومفتنش حد بحاجه ميقدرش عليها

ومش لازم اجيب حاجات كتيره عشان زوجي ميشتريش اي حاجه لمدة عشرين سنه {01}



ياتري الرساله وصلت !!!

سماره الأماره
05-11-2007, 11:54 PM
حلو قوى يا بناتيت الكلام الرائع ده
مش هتكملوا بقى باقى الجهاز
عايزين نقيد الانوار ونوزع الشربات ونزغرد
ونوصل العروسة لباب الدار
ماشى؟؟؟؟
:rolleyes: :rolleyes: :rolleyes:

ضئ القمر
05-12-2007, 12:01 AM
طيب يا مستكة انتى بتقولى الى يهمك حماتك

مش كلام الناس طيب ما حماتك هتشوف انتى جبتى اية من اصغر حاجة لى اكبر حاجة


ولو شافت حاجة مش عندك وشفتها عند غيرك

هتقولك انتى مجبتيش كذا هتردى عليها هتقولها اية

اصل بصراحة بجد والله انا معاكى الحاجات الكتير دى تخنق وتضاديق وملهاش اى لازمة

وبجد كلامك صح وعجبنى


بس بجد مشكلتنا فى المجتمع ان الكل بيبص لى تانى والى يجب احلى كانن فى مسابقة



جزاكى الله خير على الموضوع يا مستكة ::warda:: ::warda:: ::warda:: ::warda::

نوور
05-12-2007, 02:50 AM
انا رأيي يا مستكه ان الموضوع مش صعب ..زي ما البنت بتقف ادام اهلها وبتقدر ترفض عريس همه مقتنعين بيه تقدر بردو تقف ادامهم في الأفكار الغلط اللي همه مقتنعين بيها خاصة لما يكونو مرهقين ماديا بالشكل ده ممكن يعارضو شويه بعد كده هايقولو طيب ربنا يكرمك ويسعدك ويهنيكي..

اما بالنسبه لو حماتي قالت كلمه هافهمها بهدووووووووووء وجهة نظري ... خاصة ان انا وابنها هانكون متفقين الى حد كبير في المبدأ ده :d2 :d2 ( ان شاء الله طبعا)

بس بردو في حاجه كمان.. في اهالي بتستهبل ويقولو حرام البذخ والكلام ده علشان يوفرو ومن تاني يوم العروسه تقول للعريس ده احنا محتاجين ومحتاجين وخاصة العريس بردو بيطلع مرهق اديا من الجوازه يعني لو مفيش عليه ديون بيكون حظه حلو..

ملخص كلامي ان الموضوع كله على البنت ... بس اهم حاجه لما تيجي في الجد متضعفش مش بس ادام اهلها وكمان ادام الحاجات لأنها بتكون حاجات حلوه فعلا واي بنت تتمناها .. بس زي ما قالت مستكه
(((((((((((نراعي ربنا))))))))))))

::warda:: ::warda:: ::warda::

gano
05-12-2007, 03:08 AM
:rolleyes::rolleyes:
08#08#08#08#08#


حبيت اصبح وامسى بس


انتو خلتونا بنحب الجواز جدا

:maaaad::maaaad::maaaad:


لما اروح الحق اتجوز
قبل ما الجواز يغلى بقى

يبقى كيلو البطاطس بتلاته جنيه
بعد مكان بجنيه ونص
#20##20##20#


معذرتنا يا اخت مستكه
كبت امتحان
بكره بقى
هامتحن

#7eet##7eet##7eet#

خضره خضرايه الحاره
05-12-2007, 05:29 PM
كلام جميل يا مستكه
ده فى أسر ممكن تكون سعيده لو بنتهم تقوووول كده
لأنه ساعات البنت هى اللى تعوز مش أهلها
بس كل كوم والحموات كوم

ممكن تديلك كلمه فى جنابك بوووووم #20#
انا ممكن استحمل كلام الناس لكن حماتى
بس لو لقيت قصاده تقدير من جوزى ساعتها ممكن مش ادق قوى على حماتى
بس الخلاصه المفيده نجيب
نجيب اللى عاوزينه لكن بالمعقول
يعنى ممكن نجيب من كل حاجه نتمناها لكن يكفى واحد مادام تغنى عن الباقى
مش عارفه عندكم سمعت أرقام غريبه 14 وعشرينات وتلاتينات
خير فى ايه
ده جهاز ولا داخلين حرب ولا مسابقه مين يشترى أكتر

اما بالنسبه لو حماتي قالت كلمه هافهمها بهدووووووووووء وجهة نظري ... خاصة ان انا وابنها هانكون متفقين الى حد كبير في المبدأ ده :d2 :d2 ( ان شاء الله طبعا)
ربنا يقدرك على إفهامها بس ساعتها هتقول ده على عشان تبرر انها مش جايبه حاجه
طبعا ده فى نفسيتها


بس عارفين ايه اللى بيفرق ويقوى انك تجيبى معقول لسبب واحد بس انك بتراعى ربنا وتتقيه
فى كميه الحاجات اللى بشتريها والفلوس اللى بضييعهاساعتها ربنا بيقويك على إغراء الحاجات الحلوه وبيكسبك قوه ادام اى حد معترض

blackberry
05-12-2007, 06:00 PM
السلام عليكم

الموضوع سخن اوي و دخل في الشغل الجامد

بس للاسف

في فاصل دلوقتي

اروح اخلص امتحاناتي و اجي علي طول

استنوني ..... راجعة ان شاء الله






لما اروح الحق اتجوز
قبل ما الجواز يغلى بقى



#7eet##7eet##7eet#



و الله حضرتك طيب

هو لسة الجواز مش غلي

طيب ......

عامة الحق نفسك بقي

:ker: :ker: :ker:

توتى
05-12-2007, 11:17 PM
بصى بقى يا مستوكه يا حبيبتى
انا هقولك عندنا بيجيبو ايه
احنا عندنا العريس عليه
الشقه "و بتبقى فى بيت ابوه طبعا يعنى ابوه اللى عاملها" مش كل الابهات علشان مش نظلم حد
و بيجيب اوضه نوم و انتريه و نيش دا اساسى انما السفره دى فى اللى بيجبها و اللى مش على حسب و ينجد للسرير
اما الباقى على العروسه
انا هكتبلك اللى على العروسه بكره ان شاء الله
علشان دلوقتى هروح انامbye bye bye bye

ضئ القمر
05-12-2007, 11:38 PM
شكلك يا توتى

من نواحينا ههههههههههههه


انا هستناكى اعرف انتى بتجيبى اية

وربنا يستر بقى امااشوف مجايبك الى تشرف ههههههههه

مستكه
05-13-2007, 01:05 AM
مش هتكملوا بقى باقى الجهاز


11# سماره انتي لسه عايزه بعد كده تكمله 11#




وبجد كلامك صح وعجبنى


بس بجد مشكلتنا فى المجتمع ان الكل بيبص لى تانى والى يجب احلى كانن فى مسابقة

بصي متحاوليش انتي اول واحده هطبق عليها هذا النظام #15

مش هتفلتي من ايدي :D

وابقي كحي باه يا ضي القمر #15





انا رأيي يا مستكه ان الموضوع مش صعب ..زي ما البنت بتقف ادام اهلها وبتقدر ترفض عريس همه مقتنعين بيه تقدر بردو تقف ادامهم في الأفكار الغلط

المشكله مش توافق او ترفض

المشكله في قوة التمسك بالمبدء مكدبش عليكي احيانا كتيره الواحد بيتنازل عن حاجات كتيره في مقابل كلام الناس وميصحش وانتي عارفه الكلام اللي بيتقال في الحالات دي



متضعفش مش بس ادام اهلها وكمان ادام الحاجات لأنها بتكون حاجات حلوه فعلا واي بنت تتمناها

وخصوصا الضعف اودام الحاجات :sad:

كنت زمان متابعه الحاجات دي وعارفه ايه اخر الحاجات اللي بتنزل في السوق وكنت بجيب اي شيء يعجبني

دلوقتي بامانه بقيت اتجنب انزل المحلات دي .. لاني مش بقدر امسك نفسي اني مش اشتري :d2






معذرتنا يا اخت مستكه
كبت امتحان
بكره بقى
هامتحن

#7eet##7eet##7eet#

:ker: :ker: :ker:

ربنا معاك يارب

بس انت زعلان ليه

انت مش هتجيب حاجات من دي

دي علي العروسه زاطط باه هتعد عشرين سنه مش تشتري حاجه للبيت ::v.happy:




بس كل كوم والحموات كوم


ممكن تديلك كلمه فى جنابك بوووووم #20#


اه والله ياخضره فعلا

انا اعرف واحده كل ماتشوف زوجة ابنها تسم بدنها لانها مجبتش كتشين ماشين

مع انها مش هتيجي تطبخ لزوجة ابنها ولا هتتعب لها ::rt::

اهي الناس تقولك اجيب الحاجه ولا سم البدن :sad:

ده جهل {01}



بس عارفين ايه اللى بيفرق ويقوى انك تجيبى معقول لسبب واحد بس انك بتراعى ربنا وتتقيه
فى كميه الحاجات اللى بشتريها والفلوس اللى بضييعهاساعتها ربنا بيقويك على إغراء الحاجات الحلوه وبيكسبك قوه ادام اى حد معترض

#21





اروح اخلص امتحاناتي و اجي علي طول

استنوني ..... راجعة ان شاء الله





في انتظارك ان شاء الله بس ما تنسيناش باه

ربنا يوفئك ::warda::




انا هكتبلك اللى على العروسه بكره ان شاء الله
علشان دلوقتى هروح انامbye


في انتظارك ياتوتي

ياخوفي لا تكون البنت عندكو هي اللي بتدفع المهر :ker:




وربنا يستر بقى امااشوف مجايبك الى تشرف ههههههههه

برضه متحاوليش

هعلمك التقشف ازاي يا ضي 010#

توتى
05-13-2007, 07:04 PM
بصوا بقى يا قمرات انا جيت علشان اقولكم على اللى بييجى:
1- الغساله: اتومتيك و واحده عاديه و وحده اطفال.
2- البوتجاز: خمسه شعله و اشعل ذاتى و شوايه كبيره
3- فرن للخبيز " دا ان كانت بتعرف اصلا او بيستعمل".
4- تلاجه اخر موديل فى كل حاجه" اللون و الحجم و الامكانات و الشكل".
5- مكنسه كهرابائيه "1800 وات".

6-مطبخ " حسب الاختيار فى النوع و الحجم".


7-كتشين ماشين" بروان".


معلش يا جماعه لازم اقوم دلوقتى و هكملكم التقيل بعدين

دا لسه الموال طويلbye bye bye bye bye

توتى
05-14-2007, 10:46 AM
انا جيت تانى نكمل بقى
8- تليفزيون ملون "20 بوصه" فاكثر.
9- كاسيت "2 باب " الكبير مش الصغير.
النيش:
1- طقم صينى.
2- طقم اركوبال.
3- طقم بايركس.
4-شنطه معالق.
5- طقمين صوانى استلس" 1 مدهب& 1 ساده".
6-3 انواع كوبيات مياه.
7- 6 انواع كاسات.
8- طقم فانجين.
9- طقم شاى انجليزى.
10- طقم قهوه عربى.
11- طقم شاى عادى.
طقم خشاف" معئنه مش بتعمل اصلا".
12- ترمس " ديكور".
13- شفاشق زجاج.
14- طبق كريستال" للسفره و بيتحط فى النيش و هما مش عرفين يعمله بيه ايه اصلا".
15- طقم السمك.
16-من 3:4 انواع مجات.
محلوظه: الانواع يعنى فى اللى بيجيب طقم كامل و فى اللى بيجيب نص.

انا تعبت هرجع اكمل لكم حشو المطبخ و معايا و معاكم ربنا bye bye bye bye bye

ام البنات
06-01-2007, 05:12 PM
السلام عليكم ورحمة الله وبركاته
ممكن تسمحولى انضم معاكم بس اقرأ اللى فات الأول
او إذا حد طيب وأمير وحب يوفر على أمه وقتها .. يقولى المختصر المفيد
واذا المختصر المفيد مش نافع يقولى وانا هابدا الشرح الذيذ
مستكتى................ بحبك يا قمرايه... وحشتينى يا وحشه

مستكه
06-08-2007, 10:37 AM
شكرا علي التدبيس :D

قصدي التثبيت :d2



توتي :D

ماشاء الله عليكي شكلك مجهزة وعارفه كل حاجه #21

وزي ماقالت ضي الظاهر انك من نواحينا ::v.happy:

مستكه
06-08-2007, 11:05 AM
السلام عليكم ورحمة الله وبركاته

وعليكم السلام ورحمة الله و بركاته ::warda::

ممكن تسمحولى انضم معاكم بس اقرأ اللى فات الأول

ياخبر نسمحلك دا ايه

حضرتك صاحبة موضوع يعني ياريت حضرتك اللي تسمحلنا :D

او إذا حد طيب وأمير وحب يوفر على أمه وقتها .. يقولى المختصر المفيد

يا سلااام بس كده
وعشان انا (واعوذ بالله من كلمة انا )طيبه واميره وهاديه وناديه وزكيه وجميله وفوزيه وتفيده هقولك ::v.happy:

واذا المختصر المفيد مش نافع يقولى وانا هابدا الشرح الذيذ

وانا في انتظار رايك لانه فعلا يهمنا جدا #21

مستكتى................ بحبك يا قمرايه...

من القلب للقلب ::warda::

وحشتينى يا وحشه

احم كنت لسه قمرايه من شويه :sad:

ملحقتش افرح:ker:

علي العموم الموضوع ده بنتكلم فيه عن عادات الاسر في تجهيز بناتهم

وكلام الناس وافتري البنات في الشراء

وغالبا الجهاز ده بيكون للمظاهر وحاجات كتيره بتيجي فيه مش عمليه او مش بتستخدم

حضرتك عارفه ازمة الزواج الايام دي بالنسبه للشاب وللبنت

البنت يوم ما بتطلع من بيت والدها بتكون مخلصه عليه فعلا بالشكل ده

وده بياثر علي اخواتها الي بعدها كمان

المشكله عندنا التقليد والمظاهر

انا بتسائل احنا كبنات ممكن منهتمش بكل الكلام ده ونكون عمليين ولا لازمن حتما كل واحده تجهز زي فتكات بنت عمها وهي مش اقل من عطيات بنت خالها :rolleyes:

وكنا عملنا احصاء تقريبي للحاجات اللي بتيجي ياريت تقوللنا رايك

لجين أبو الدهب
06-08-2007, 12:43 PM
توتى ماشاء الله
أنت تعرفين الأشياء حتى بعددها
:ker: :ker: :ker:
أضحكتنى أعزك ألله

مستكة الغالية كم سعدت بطلب أم البنات للمختصر المفيد ::v.happy:

وهذا لأننى لا أستطيع قراء الموضوع من أول رد B)




انا بتسائل احنا كبنات ممكن منهتمش بكل الكلام ده ونكون عمليين ولا لازمن حتما كل واحده تجهز زي فتكات بنت عمها وهي مش اقل من عطيات بنت خالها



لالالالالالالالالالالالالا
وألف لالالالالالالالالالالا {01} {01}

لا أفهم لماذا لا يراعى كل شخص على مقدار ما لديه

وما الحاجة أن نرهق الأباء ونرهق العريس بما فوق طاقته

إن كان لديه المال ومستعد للتجهيز لا يوجد مشكلة

إنما إن كان العريس فى مقتبل حياته ويبدأ فى تكوين نفسه او ان الوالد لا يستطيع أن يجهز إبنته ليجعلها مثلها مثل فتكات بنت عمها
أو عطيات بنت خالها
فالتجهيز والإتيان بأشياء ليست بذات الاهمية يعتبر قصور فى تفكير البنت #7eet#

للاسف بتعسف الأهل أو البنت فى المطالب تجعل الشباب يرجعون عن الزواج

ونسأل فيما بعد ..

لماذ قل الزواج ؟؟:maaaad:

لماذا زادت العنوسة ؟؟:maaaad:

ونحن السبب فى هذا #20#

ولو فكرت كل بنت وكل اهل فى سنة الحبيب المصطفى قليل من الوقت
لوجدوا أن هذا ليس من السنة فى شئ

وأن فاطمة بنت أكرم الأكراميين
دخلت فى بيت خالى من اى إمكانيات

فايهما افضل انت ام السيدة فاطمة رضى الله عنها !!!

سنقول عادات مجتمع والناس ونظرتهم إلينا وتحتم علينا الظروف

إذا نحن طبقنا عادات المجتمع .. وغيرنا طبق عادات المجتمع ..

سنبقى فى هذه الدائرة المغلقة

ويبقى المجتمع كما هو بهذه العادات المرهقة والتى لا فائدة منها {01} {01}

علينا أن نغير وان نرعى الشباب ونرعى الأهل فى نفس الوقت
ونضع هذه الأيات امامنا

(( لا يكلف الله نفسا إلا وسعها ))

....

مستكة موضوع داخل شباك المرمى .. #21

(( موضوع فى الجون يعينى )) :D

انا كتبت ردى على اساس المختصر المفيد ومن الممكن ان تكون النقاط التى يحويها ذكرت قبل ذلك
فمعذرة :d2

مستكة ::warda::

اوحشتنى ::warda::

جزاكى الله خير .. ::warda::

بنت مسلمه
06-11-2007, 04:09 PM
ازيكم يا بناتيت عاملين ايه ::warda:: ::warda::

انا جيت متأخر باين عليا وملحقتش اللمه الحلوه دي من الاول :sad: :sad:

معلش امتحانات قي انتو عارفين طبعا الاجتهاد والمذاكره

المهم انا عايزه اشارك معاكم دلوقتي في الموضوع ده

وفعلا يا مستكه عندك حق ان في حاجات كتير اوي في الشوار بتيجي وميكونش لها لزمه

وبتكون تقليد وخلاص ومظاهر وخوف من كلام الناس

وده طبعا اللي بياخر في الجواز شويه وكمان ممكن يسبب مشاكل كتير اوي

بس في رايي من الاخر كده البنت هي السبب

يعني اهلها مثلا مش هيجيبوا حاجه غصب عنها

يعني لو هي بنت عاقله وكويسه اكيد هتقتصد في الشوار وتجيب الي يلزمها وبس

بس هي مين دي بقي اللي بتعمل كده بس انا عن نفسي مش هعمل غير كده

يعني ولا هيهمني كلام حد ولاسبت حتي 010# 010# 010#

يعني ممكن زي بعضه اجيب الحاجات اللي قالت عليها توتي اصلي قنوعه اوي :ker: :ker: :ker: :ker:

ام البنات
06-11-2007, 10:07 PM
السلام عليكم ورحمة الله وبركاته
انا هاتكلم عن صديقاتى وعائلتى.. طبعا كل عائله لها نظام....بس برضه هاقول لكم .. ايه اللى بيكون إفترا وإيه اللى مفروض
بصوا يا حبيباتى.. طبعا الوقت غير الوقت.. والزمن والظروف
احنا عندنا نجهز 5 حجرات
العريس يدفع مهر... والأب يجهز والعريس... يجيب الأجهزه الكهربائيه والمطبخ.. والنجف فقط
يعنى إذا دفع 10000 مهر هيجهز له الأب 4 حجرات... طبعا ده نظام قاتل للأب....:rolleyes:
بس والله ابونا كان موافق ... ملناش دعوة.....والدى تبرع بحجرة
زياده.... برضه هو حر ملناش دعوة
طيب كان فى اتجاه تانى أيامنا بس قليل
وهو العريس ميدفعش مهر ويجيب حجرتين والعروسه حجرتين.. واظن الباقى بالاتفاق
الحقيقه النظام التانى بيعمل مشاكل.... العروسه مش عاجبها ذوق العريس .. والعريس مش قادر وراه الشقه واقساط النجف والكهربائيات.... ولسه الفرح.. والمطبخ
بالنسبه لنا كان الأب كمان بيجيب الستاير والسجاد

مما سبق... تجدوا الفكرة مبالغ فيها... بس والله هو ده نظامنا ....:d2

بعد الزواج.... وجدت حجرة الصالون الثانيه لا فائده منها غير فى العزومات وأعياد الميلاد
وان معظم تواجدنا فى حجرة المعيشه...
وجدت ان الحلل الاسانلس.. افضل من التيفال
وجدت ان طقم المذهب للمعالق والشوك(طقم السفرة)....
كام طقم كوبايات... وكاسات...وصينى وأركوبال... اشياء كثيره استخدامها موسمى...
كان شئ مبالغ فيه... أقسم وبعد اكثر من 10 سنوات زواج... لدى اشياء لم استخدمها
الآن أقول .. هذا كان إسراف....كل الفترة السابقه لم اشترى غيارت للاسرة سوى لسرير البنات لانه صغير عن مقاس ملاياتى.....مفيش شئ غيرته او اشتريت
غير انى طقم التيفال وبفضل من تأتى لمساعدتى تسببت فى فساده
فاضطريت اشترى استنلس
يعنى فعلا لابد ان نكون رحماء على اهلنا... ونفكر صح.. ولا نقول هذا سلو عائلتى
اعود بعد الفاصل إن شاء الله

صندوق الدنيا
06-18-2007, 11:22 PM
08# 08# على فكرة وفي الباية ام علي حلوة اوى بس انا مش بحبها انا هجيب معايا حمص وسودانى
انا من راى وهذا ما سوف افعلة انى هجيب الضروري بس
وهبعد تماما عن المظاهر والاشكال الزائدة
يا اخد مستكة بس اية على فكرة اسم حلو اقوى " مستكة"
من راي ومن البنات الى بيجهزو حوليا مفيش حد دلوقتى منهم بيبص للمظاهر
يامستكه الدنيا
نااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ر

الليلة الكبيرة
06-25-2007, 11:05 PM
11# 11# 11# 11# 11# 11# 11# 11# 11#
ايييييييييييه ده انا لسه فى نص الصفحه ال3 اتعقدت قال كنت ناويه ايتدى اجهز دا قلة الجواز ارخص بقى :maaaad: :maaaad: :maaaad: :maaaad:

موعدكوش اكمل لانى بجد اتعقدت {01} {01}
بس للأسف لااااااااااااازم اكمل ||-143-||
سلام مؤقت

عاشقةالجمال
06-28-2007, 09:48 AM
08# هاى بنات انا عضوة جديدة فى المنتدى ياريت تضيفونى معاكوا وانا مستنية مستكة العسولة لتكلمنا عن المطبخ باى#5#

مستكه
06-30-2007, 10:43 PM
لجين يا حبيبه ::warda::

اين انتي يا فتاه {01}


نورتي الموضوع :D



إنما إن كان العريس فى مقتبل حياته ويبدأ فى تكوين نفسه او ان الوالد لا يستطيع أن يجهز إبنته ليجعلها مثلها مثل فتكات بنت عمها
أو عطيات بنت خالها


حبيبتي باديء ذي بديء احب اقولك ان العريس في الموضوع ده ليس له موقع من الاعراب

يعني احنا هنا بنتكلم عن جهاز الاب لبنته دون الحاجات التانيه اللي بيجبها العريس

ولعل النقطة دي مهمه جدا

لان احيانا البنت او اهلها بيتنزلوا عن حاجات المفروض العريس يجبها لان فيه اولويات او لانه في بداية حياته لسه وميقدرش يجبها

في حين ان البنت او الام مش بيتنازلوا عن حاجات ممكن نقول انها كماليات المفروض انها تجبها والاب اللي بيدبس فيها بحجة انها مش اقل من فلانه ولا علانه

فهمتي عليا انا بكلم عن الرفايع اللي المفروض انها رفايع لكن في الحقيقه تكلفتها ممكن تتعدي تكلفة العفش نفسه http://www.ebnmasr.net/forum/images/smiles/yes.gif



فالتجهيز والإتيان بأشياء ليست بذات الاهمية يعتبر قصور فى تفكير البنت

مش البنت بس

واهلها وكمان لانهم بيكونوا خايفين الناس تقول عليهم انهم مش قادرين يجيبوا كذا وكذا

الموضوع مظاهر بالدرجه الاولي http://www.ebnmasr.net/forum/images/smiles/new/hmm.gif





مستكة موضوع داخل شباك المرمى .. #21

(( موضوع فى الجون يعينى )) :D

انا كتبت ردى على اساس المختصر المفيد ومن الممكن ان تكون النقاط التى يحويها ذكرت قبل ذلك
فمعذرة :d2

مستكة ::warda::

اوحشتنى ::warda::

جزاكى الله خير .. ::warda::


جزيتي خيرا يا حبيبه

والله وانتي كمان مقله كتير وحشتينا ::warda::

ومفيش حاجه مكرره ولا حاجه

غير بس ان الموضوع بعيد عن الاثقال علي العريس

احنا بنتكلم علي الاثقال علي الاهل عموما والاب خصوصا

واننا مجتمع يعتمد علي المظاهر جدا دون المحتوي http://www.ebnmasr.net/forum/images/smiles/yes.gif

مستكه
06-30-2007, 10:50 PM
اهلا بيكي يا بنت مسلمه ::warda::


وفعلا يا مستكه عندك حق ان في حاجات كتير اوي في الشوار بتيجي وميكونش لها لزمه

وبتكون تقليد وخلاص ومظاهر وخوف من كلام الناس



#21 #21

وده اللي عايزه اوضحه من الموضوع



بس في رايي من الاخر كده البنت هي السبب

يعني اهلها مثلا مش هيجيبوا حاجه غصب عنها

يعني لو هي بنت عاقله وكويسه اكيد هتقتصد في الشوار وتجيب الي يلزمها وبس


لا يا بنوته صدقيني المشكله مش في البنت بس

واهلها كمان

يعني اما البنت تلاقي والدتها مصره تجبلها كذا وكذا وكذا عشان جارتها فلانه متقولش وقريبتها علانه متعدش

كمان عشان حماتها وسلفاتها ميحدفوش عليها كلمة كده ولا كده

بيحصل والله

كمان الاب بيضطر يجيب حاجات هو نفسه مش راضي عنها لا يتهمومه انه مش قادر يجهز بنته http://www.ebnmasr.net/forum/images/smiles/new/hmm.gif


يعني ممكن زي بعضه اجيب الحاجات اللي قالت عليها توتي اصلي قنوعه اوي :ker: :ker: :ker: :ker:


فعلا يا بنتي القناعه كنز لا يفني 010#

مستكه
06-30-2007, 10:54 PM
نورتي يا امي ::warda::



بعد الزواج.... وجدت حجرة الصالون الثانيه لا فائده منها غير فى العزومات وأعياد الميلاد
وان معظم تواجدنا فى حجرة المعيشه...
وجدت ان الحلل الاسانلس.. افضل من التيفال
وجدت ان طقم المذهب للمعالق والشوك(طقم السفرة)....
كام طقم كوبايات... وكاسات...وصينى وأركوبال... اشياء كثيره استخدامها موسمى...
كان شئ مبالغ فيه... أقسم وبعد اكثر من 10 سنوات زواج... لدى اشياء لم استخدمها


الله ينور يا ست الكل

وهو ده اللي عايزه اوصله

ليه نخزن الحاجات واحنا ممكن نشتري لما نحتاج

يعني الحقيقه بعد الزواج الزوج مش بيشتري حاجه للبيت لمده كبيره اوي

و مينفعش كده #15

هو عشان اعمر بيتي لازم ائشط بيت والدي وانا ماشيه http://www.ebnmasr.net/forum/images/smiles/new/fun22.gif

مستكه
06-30-2007, 10:57 PM
اهلا يا صندوق الدنيا ::warda::


يا اخد مستكة بس اية على فكرة اسم حلو اقوى " مستكة"


:d2 انتي الاحلي ::warda::



من راي ومن البنات الى بيجهزو حوليا مفيش حد دلوقتى منهم بيبص للمظاهر
يامستكه الدنيا
نااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ر


الحمد لله

اخيرا لقيت حد مقدر ان الجو حر


قصدي ان الحياه صعبه #20#

مستكه
06-30-2007, 10:59 PM
11# 11# 11# 11# 11# 11# 11# 11# 11#
ايييييييييييه ده انا لسه فى نص الصفحه ال3 اتعقدت قال كنت ناويه ايتدى اجهز دا قلة الجواز ارخص بقى :maaaad: :maaaad: :maaaad: :maaaad:


موعدكوش اكمل لانى بجد اتعقدت {01} {01}
بس للأسف لااااااااااااازم اكمل ||-143-||
سلام مؤقت




::laaf:: ::laaf::

وصلتي لفين يا تري يا ليله

انا بقالي مده مش شايفاكي ياخوفي يا بدران :rolleyes:


===================


اهلا عاشقة الجمال ::warda::


ياريت تضيفونى معاكوا وانا مستنية مستكة العسولة لتكلمنا عن المطبخ باى#5#

http://www.ebnmasr.net/forum/images/smiles/new/eek.gifhttp://www.ebnmasr.net/forum/images/smiles/new/eek.gifhttp://www.ebnmasr.net/forum/images/smiles/new/eek.gif

اكمل !!

صباح الخير يا بنتي

احنا كملنا من زمان واللي كان كان ::laaf::

ام البنات
06-30-2007, 11:10 PM
مستكه يا حبيبتى هو المفروض انكم تستفيدوا من أخطاء وتجاربنا
على كل حال دائما الوسط خير
بس التجربه هى افضل معين يعنى فعلا بدل ما كنت اشتريت كل ده كان اجيب حاجه تانيه
بس كمان انا كنت بشتغل ومعنديش مسئوليه وكنت لما اشوف حاجه تعجبنى اشتريها
وده كان برضه خطأ الوسط حلو
عندى اشياء اقسم بالله
وبعد 10سنوات زواج لم المسها سوى للغسيل وازالة التراب من عليها فقط
نسأل الله ان يرزق بناتنا الفهم الصحيح

مستكه
06-30-2007, 11:19 PM
عندك حق والله يا امي

وحضرتك اثرتي نقطة مهمه نسيتها

انه غير المظاهر كمان

اعجابنا بالحاجات دي

انا عن نفسي لما بشوف حاجه جديده وشكلها جميل بجيبها لانها عجبتني بصرف النظر عن اي حاجه تانيه

هو احساس جميل طبعا

بس لما نجيب كل حاجه تعجبنا هنلاقي حاجات كتيره مكرره او ملهاش لازمه

كان من اولي اننا نساعد غيرنا بيها او بقيمتها

لذلك انا بحاول اطبق الموضوع علي نفسي قبل اي حد

فمعدتش بنزل للحاجات دي او اني اطلع علي كل جديد فيها

عشان مش ضامنه نفسي :d

لينة
07-02-2007, 07:05 PM
ارجوكم متختصروش دة انا لايت حاجات اكتر بكتير ( :akbar: احنا حنحسد الحجات بتيجى كدة على البركة)

جومانة2007
07-02-2007, 07:37 PM
ازيكم يا جماعة انتوا عاملين اية

انا عايزة طلب صغير ممكن حد يعملى بصمة

ويكون فيها طفلة ومسكة ورد احمر وتحتها اسمى عايزة رد سريع باللة عليكم

الليلة الكبيرة
07-04-2007, 02:53 PM
#20# #20# #20# #20#
دول علشان كتبت الرد مرتين والنت يفصل
ولو فصل تانى مش هشارك بقى

المهم قبل ما يفصل
انا كنت متغيبه علشان خير اللهم اجعله خيييييييييييييييييير
الجهاز المفروض المفروض انى بجهز بس انا لسه مش جبت حاجه
الاسعار ايه جميله اوى::rt:: دون المستوى مش انا الى اشترى الاسعار البسيطه دى 11#

حقيقى حقيقى خييييييييييييييييير


صدر قانون جديد عن محكمة الاسرة والطفل الى على اول الشارع
التابعة للمنوعات بألغاء النيييييييييييييييييييييييش
#21 #21 #21

تصقيف حاد
ايه رأيكوا فى الموضوع ده
دا الى انا بحلم بيه بجد بجد عايزين ||-125-|| بوقف انشاء قصدى بوقف تجهيز المدعو عليه النيش حيث وانه لابد منه وجود مدخرات كبيره جدا لاشباع النيش بما لذ وطاب من كاسات وحاجات ومحتاجات
والله ولى التوفيق والسلامو عليكو ورحمة الله وبركاته

بس كده بصوا انا كل ما انزل واتصدم اجى احكلكوا الصدمة بدل ما اخدها لوحدى يحصلى حاجه 11#
سلام مؤقت

naughty eyes
07-04-2007, 03:29 PM
#20# #20# #20#
دول علشان كتبت الرد مرتين والنت يفصل
ولو فصل تانى مش هشارك بقى

المهم قبل ما يفصل
انا كنت متغيبه علشان خير اللهم اجعله خيييييييييييييييييير
الجهاز المفروض المفروض انى بجهز بس انا لسه مش جبت حاجه
الاسعار ايه جميله اوى::rt:: دون المستوى مش انا الى اشترى الاسعار البسيطه دى 11#

حقيقى حقيقى خييييييييييييييييير


صدر قانون جديد عن محكمة الاسرة والطفل الى على اول الشارع
التابعة للمنوعات بألغاء النيييييييييييييييييييييييش
#21 #21 #21

تصقيف حاد
ايه رأيكوا فى الموضوع ده
دا الى انا بحلم بيه بجد بجد عايزين ||-125-|| بوقف انشاء قصدى بوقف تجهيز المدعو عليه النيش حيث وانه لابد منه وجود مدخرات كبيره جدا لاشباع النيش بما لذ وطاب من كاسات وحاجات ومحتاجات
والله ولى التوفيق والسلامو عليكو ورحمة الله وبركاته

بس كده بصوا انا كل ما انزل واتصدم اجى احكلكوا الصدمة بدل ما اخدها لوحدى يحصلى حاجه 11#
سلام مؤقت




:ker: :ker:

لا حول ولا قوة الا بالله لما حال البنات يوصل للكلام بتاع اختنا الليلة الكبيره امال الاهالي اللي بيدفعوا بقي يعملوا ايه

والله عندكوا حق طب سيبكو من كلللللللل ده

شوفتوا اسعار الشقق ؟!!

والايجار كمان ولع الناس هتتجوز فين ولا هتعيش فين ياربي

لا حول ولا قوة الا بالله

حسبي الله ونعم الوكيل

انا سمعت ان البطاطس بقت ب4 جنيه :maaaad:

لسه ايه كمان هيزيد ؟

الليلة الكبيرة
07-07-2007, 11:28 AM
صدر قانون جديد من المحكمة الى اصدرت الى فات انه وفى ظل حكومتنا الرشيدة الميزان
اصبح لكل مواطن شقه تصقيف حااااااااااااااد
متفرحوش كده شوفوا الباقى
وقفنا عند شقه اه
لكل مواطن الحق فى شقة فووووووووووووووووووووووووووووووووول::laaf::
لسد جوع الشعب الموسكين
ما هو اخرة البلد دى انهم يقولوا لكل مواطن شقة فول مش اكتر من كده

يا جماعة على فكرة فيه شقق وكل حاجه بس فييييييييين
فى حتة زى القاهرة الجديدة موجود وكل حاجه بس مش لازم يعنى تبقى جنب اهلك بقى وتزورهم ويزوروك والحركات دى

وطبعا دا يودينا لحاجه مهمه ان مفيش حد هيشوف ولا يجى يتفرج على شقتك والنيييييييييييييييش
وده المطلوب اثباااااااااااته:ker: :ker: :ker:
انا هروح اتعقد شويه واجيلكوا سلام مؤقت

هجورة الأمورة
07-09-2007, 06:24 PM
ايه الجمال ده يا مستكة .

فكرة جميلة والله وفي حاجات كتير استفدت منها الله ينور


http://smilies.sofrayt.com/%5E/g0/claps.gif http://smilies.sofrayt.com/%5E/g0/claps.gif http://smilies.sofrayt.com/%5E/w/super.gif http://smilies.sofrayt.com/%5E/w/super.gif http://smilies.sofrayt.com/%5E/w/thumbs.gif http://smilies.sofrayt.com/%5E/w/thumbs.gif

لومى الشقيه
08-20-2007, 01:48 AM
هاى بنات
متتصوروش المنتدى شدنى قد ايه وكمان الموضع عجبنى اوى
انا عروسه وبجهز دلوقتى وحبيت اشارك معاكوا يمكا افيدكوا بحاجه
عموما انا هقولكم انا جهزت ايه
ممكن ابدا بالنيش
الكاسات جيبت 4 اطقم اتنين غالين واتنين سعرهم متوسط
وطقم قهوه واحد
طقم صينى وسعره مش هتصدقوا ب 750 وماشاء الله منتهى الروعه
طقم اركوبال وبصراحه كان من بره بس هنا غالى شويتين
3 اطقم ميه وينفعوا عصير كمان
وطقم قهوه وشاى وعصير شكل بعضهم
طبق فاكهه كريستال
بونبونيره كريستال
وطبعا زى ما انتوا عارفين طقم الصينى والاركوبال فيهم اطقم الشاى بتاعتهم واطقم قهوه كمان فمجبتش غيرهم لانى مش هعمل بيهم حاجه
وكمان طقم الشربات مش محتجاه اطقم العصير هتحل محله
نيجى بقى للمطبخ
طقم حلل استانلس وكملت عليه حلتين تيفال بمقاسات مش موجوده فى الاسانلس
2 طقم ملاعق كامل
طقم غرف او توزيع
بلاستيكات باحجام مختلفه لانها هتنفعنى جدا للزر والخضروات
كوبايات شاى عاديه
طقم شاى استانلس
طقم كنك قهوه 3 كنكات
سكاكين
غير الرفايع البسطه الناقصه الى انتى فعلا هتستخدميها
طبعا مش ناسيه الاجهزه
ان شاء الله ناويه اجيب التلاجه 14 قدم
البوتاجاز 5 شعله
الغساله 14 بروجرام
ومتنسيش البلاستيكات بتاعت الحمام
وكمان علب التلاجه
انا فعلا حاولت وانا بشترى احدد كل حاجه استخدامها ايه واستغنيت عن حاجات كتير هتبقى للعرض فقط
لو افتكرت حاجه هقولكوا
ادعوا الله يخليكوا ربنا يكملى على خير

لومى الشقيه
08-20-2007, 01:50 AM
يا بنوتات نسيت اقولكم لو اى بنت عايزه تسال عن سعر اى حاجه ممكن افيدها لو اقدر

حور الدنيا
08-20-2007, 06:10 AM
اخيراااااااااااااااااااااااااااااااااااااااا وصلت لاخر صفحة
كل شوية اقول هانت هانت #20#
المهم بقى ان موضوعك يامستكتى تححححححححححححححفة جدا بجد
وده محور خناقاتى مع العائلة:d2
بس انا شايفة انك تجيبى كل حاجة بس ماتكرريش
يعنى هو التكرار الى غلط
وعلى فكرة احنا عندنا بنستخدم حاجات النيش عادى جدا بس طبعا فى العزومات ووالله بتنفع احيانا
النيش لما بيتمل بينفع ساعات
لكن الى انتى قولتيه ف المطبخ ده هو الى اوووووووووووووووفر اوى يعنى ليه 4 اطقم كاسات فى المطبخ و6 فى النيش#7eet# #7eet# ياخراشى ليه عشر اطقم كاسات
وعشرة كوبايات لا كده كتير
بس هو ز ماحبيبتى ام البنات قالت الوسسسسسسسسسسسسط حلو
وكمان لما تقعدى عشر سنين ماتجيبيش انتى نفسك هتزهقى وتملى من الى عندك ومش هتحافظى عليهم لانك عايزة تغيرى وتجددى
ففى الحالة دى بترمى فلوس فى الارض عشان تروح ترم غيرهم وتجيب جديد .....ناس راااايقة08#
حتى ف اللبس معظم اللبس الى البنات بتشيله بيبق قريب جدا من مقاسها وهى بنت فنصه هيتركن او هتطلعيه هدايا لعرايس الجداد
وهتتطرى تشترى غيره
وربنا فعلا يكون فى عون الاب بجد

أم جويريه
08-21-2007, 03:05 AM
بقولكم ايه انا تعبت بقي اوي اوي اوي كل دااااا في المطبخ
دي بصراحه منتهي منتهي منتهي الغلاسه
هما فردين اتنين فقط هيجيبوا اكتر من طقم والطقم فيه 12 ومنهم بيوصل ل24 قطعه تخيلوا فردين يعيشوا ب12 قطعه وناس مش لاقيه تاكل ارحموني بقي
انا حاسه اني هولع في روحي
عموما وانتوا معدين متنسوش المايكرو ويف والتوستر والغساله الاتوماتك والتلاجه الايديال اللي ب12 باب
وغساله الاطباق والشفاط اللي فوق البوتجاز والبوتجاز اللي ب60 شعله علشان يهدي النفوس
ودولاب المطبخ من فضلك لااااااااااازم يكون قبنوري علشان الصراصير
والارض لازم تبقي باركيه مستورد المتر بألف جنيه
والرخام اللي علي المطبخ لازم يكون مش رخام لازم يكون بورسين
واها نسيت اقولك اوعي تنسي اطقم الحلل مش هوصيكي الالمونيوم زهران والتيفال والزنج وعيييييشه
وسميلي علي الشباب اللي عايزين يتجوزوا والبنات اللي هتمووووووت وتتجوز وقوليلهم كان الله في عونكم بتظلموا نفسكم بنفسكم

أم جويريه
08-21-2007, 03:39 AM
بصي انا افتكرت موضوع النيش دا
انا كنت فاكره زماااااااااااااااان اوي كان عندنا نيش والله الله يرحمه بابا كان بيخلع الازاز بتاع البلكونه علشان يركب بداله جديد من غير قصد وقعه علي النيش فتقدري تقوللي كل اللي فيه كان كريستال وراح في الوبا
عايزة اقولك ماما كانت بتتحسر علي الفلوس اللي اتدفعت فيه
فكل واحده تيجي تتجوز تتخيل ايه جزاء اللي بتعمله دا
هيفيدها بأيه
والله هيضرها لآن بجد ربنا هيحاسبها عليه تبذير بجد ومنتهي منتهي الاستهتار من البنت... ولو مجبوره هيكون من اهلها
وميرجعوش يشتكوا من الغلو
اول لما تشتكوا هيرد اقل مواطن يقول ولما الحاجه غاليه بتشتروا ليه الا اذا كنتوا قادرين
ياجماعه والله الامر بيكون الاهتمامات اللي فيه اكتر من كدا بكتييييير
بدل ما تفكري هتشتري كام طقم
فكري هتعيني زوجك علي طاعه كام مرة
يلا مش هطول عليكم سلام

banouta
08-23-2007, 07:21 PM
انا هاجيب 5 لبان في الاعدة اللي جايه ان شاء الله وثااااااااااااااااانكس على الاعده الحلوة دي

محمود الرومانسي
08-23-2007, 07:26 PM
من خلال كل اللي حولي واللي جهزوا عش الزوجيه فعلا




لاحظت ان كل بنت او ام بتتباري في انها تجيب الاكتر


والاغلي .. طبعا بشكل نسبي حسب ماديات كل واحد



من اهم حاجه في جهاز العروسه



http://www.al-wed.com/pic-vb/32.gifالنيش http://www.al-wed.com/pic-vb/32.gif



وماادراكم ما النيش .. حتة دولاب صغير



يحمل ما غلي ثمنه .. ويعتبر ثروة العروس في جهازها



ويكون موقعه الجغرافي من الشقه في صدر السفر


اي في اكثر مكان بروزا



عشان كل اللي داخل السفره يشوف التحف الثمينه



اللي غالبا من يوم ما توضع بهذا الدولاب مبتطلعش ابدا



هي كده للعرض فقط .. ممنوع اللمس او الاقتراب



بتتكون التحف دي من ايه ...



انا اقولكم : :D



_ طقم صيني من الغالي ... بيبدأ من 1500جنيه وانت طالع



- طقم اركوبال .. بيعمل نفس عمل الطقم الصيني بيجبوه برضه طب ليه مش عارفه بس المخرج عايز كده ( فيه ناس بتجيبه طقم كامل وناس بتجيب نص طقم المهم انه يجي عشان عيب ميجيش اصل العروسه مش اقل من تفيده بنت عمها http://www.eyeoon.com/vb/images/smilies/19_94.gif)



- طقم شاي .. http://tbn0.google.com/images?q=tbn:p7Lu1tfJxGBZzM:http://www.creativeglazes.com/images/rockinred.dinner.set.jpgمع ان طقم الصيني فيه طقم شاي والاركوبال برضه فيه بس هي غتاته



- طقم كاكاو .. http://tbn0.google.com/images?q=tbn:xxDwRLTiWozaOM:http://www.kfrawy.com/addv/img/14.jpgعلي الرغم من انه ميختلفش كتير عن طقم الشاي
وعلي الرغم من ان محدش بيشرب كاكاو
الا انه لازم يجي



وطبعا طقم القهوه لا غني عنه اساااااااسي



- طقم جاتوه .. http://tbn0.google.com/images?q=tbn:ckxS5ED2qGvLNM:http://www.applebrookauctions.com/gold%2520and%2520white%2520dishes%2520cover.jpg مع ان ممكن برضه الجاتوه يتاكل في الاطباق الصيني الشيك ..لكن ميصحش


وبرضه ممكن الجاتوه يتاكل في اطباق طقم الشاي .. لكن الجوازه متمش الا بوجود طقم الجاتوه
مع العلم باه ان الجاتو غالبا مبيستناش اما يطلع من العلبه للطبق هو من العلبه للبطن علي طول



- طقم خشاف .. بيكون بنفس شكل طقم الجاتوه او يختلف عنه حسب زوق العروسه بس اطباقه بتكون غويطه بينما اطباق الجاتوه مسطحه


وبتكون مهمته بيتعمل فيه سلطة الفواكه او الخشاف وممكن الجيلي والمهلبيه مش هيقول لا يعني



- بالنسبه باه للاكواب فحدث ولا حرج
غالبا النيش بيكون معرض للحاجات دي
فكل ما سبق بيكون في درف النيش اما الاكواب بتكون في المعرض ..خدو عندكو ...


الكاسات .. تبدا من 4 اطقم وانت طالع http://tbn0.google.com/images?q=tbn:hGzOWSOFVWQ_1M:http://images.panet.co.il/articles/02012007-82935-1.jpg


اكواب الشربات .. شرحه http://tbn0.google.com/images?q=tbn:EY7lE7BW4O2nJM:http://www.meals.com/imagesRecipes/31628x400.jpg


اطقم الميه .. زيهم برضه


( والله شفت واحده حاطه عدد 12 طقم من كل نوع مما سبق ذكره حسيت اني واقفه اودام محل ادوات منزليه )



وطبعا الاكواب دي كلها بتكون من الانواع الفاخره جدا واغلبها بيكون كريستال


وللعلم الكريستال فيه الطقم بيبدا من 250 جنيه


وعلي الرغم ان الفرق بين الشربات والميه مش كتير
بس لازم لكل مسمي عدده




- اطقم الصواني للتقديم ..http://tbn0.google.com/images?q=tbn:qvIRcDKTBYGPkM:http://www.acemart.com/graphics/00000001/products/COP608915.jpg طبعا لازم تكون استيل اصلي


واللي اقل نوع منها بـ 250 جنيه


وطبعا مش بيتحط طقم واحد طقمين علي الاقل خالص http://tbn0.google.com/images?q=tbn:txzAlUd-tJqHbM:http://www.sptechs.com/emarket/thumbs/pics/item15998.gif




طقم المعالق ...http://tbn0.google.com/images?q=tbn:bMMqyNDO7b94eM:http://www.kfrawy.com/addv/img/16.jpg واللي لازم يكون في شنطة فاخره وكل ما شكلها كان فاخر كل ما كانت اغلي ( فيه دلوقتي علي شكل صندوق خشبي بثلاثة ادوار مش فاكره سعرها )




كل ما سبق ذكره بيتحط في النيش فقط للفرجه والفشخره لا اكثر


يعني كل الحاجات دي مش هتستخدم اللي هيستخدم لسه في المطبخ


غير مفرش السفره.. http://tbn0.google.com/images?q=tbn:uuz15KO_WUe28M:http://www.horchow.com/products/mp/HC-6857_mp.jpg( واذا كان شغل يدوي ده باه موضوع تاني )


وطبق الفاكهه..http://tbn0.google.com/images?q=tbn:jfd25x6XwJUmEM:http://www.meeeem.com/community/gallery/files/3/5/1/IMG_1122_1__thumb.jpg اللي حيتحط عليها ( واللي لازم يكون كريستال )


وطبق الكحك بيكون من دورين ( كريستال برضه )


والبونبنيره ( كريستال )


غير شوية تحف صغيره شمعدان .. وبعض التحف الصغيره http://www.asmilies.com/smiliespic/Objects/013.GIF


وممكن يكون بدلها بوكيهات الورد المجفف



اه ونسيت اقولكم حاجه ::v.happy:


غالبا الزوجين مش بياكلوا علي السفره #20#


اما في المطبخ او ترابيزة الانتريه :ker:




كفايه النيش انهارده


انتظروني في المطبخ ||-363-||




هوة ده اكلام المظبوط

مستكه
08-23-2007, 08:11 PM
ارجوكم متختصروش دة انا لايت حاجات اكتر بكتير ( :akbar: احنا حنحسد الحجات بتيجى كدة على البركة)


لسه عايزه اكتر من كده يا لينا !!

*******************************************



ازيكم يا جماعة انتوا عاملين اية

انا عايزة طلب صغير ممكن حد يعملى بصمة

ويكون فيها طفلة ومسكة ورد احمر وتحتها اسمى عايزة رد سريع باللة عليكم


ايه يا بنتي انتي تايهه ولا ايه

وبعدين انتي ايه اللي يدخلك في المواضيع الكبيره دي

اما تبئي تكبري ابئي تعالي 010#


******************************************



بس كده بصوا انا كل ما انزل واتصدم اجى احكلكوا الصدمة بدل ما اخدها لوحدى يحصلى حاجه 11#
سلام مؤقت


ايه الاخبار ياليله

ياتري ايه اخر الصدمات :D


************************************




شوفتوا اسعار الشقق ؟!!

والايجار كمان ولع الناس هتتجوز فين ولا هتعيش فين ياربي



شكلك بتدوري علي شقة يانوتي :D

علي العموم هو كل حاجه نار جت يعني علي الشقق

والله يا بنتي اقل الشقق وميتسكنش فيها اصلا وتلاقيها ب500

اومال لما تبئي شقه بجد بئه تبئي بكام

وهو مين اللي بياخد مرتب عشان يدفع منه ايجار بس 500 جنيه ويعيش بالباقي

هو المرتب اصلا كام ::v.happy:


****************************************




فكرة جميلة والله وفي حاجات كتير استفدت منها الله ينور





طيب كويس يا هجوره

بس مقلتيش لنا انتي ناويه علي ايه bye

********************************************



ادعوا الله يخليكوا ربنا يكملى على خير



ربنا يوفقك يا رب يا لومي

ماشاء الله جبتي حاجات بالعقل

::warda::


**********************************


بس هو ز ماحبيبتى ام البنات قالت الوسسسسسسسسسسسسط حلو
وكمان لما تقعدى عشر سنين ماتجيبيش انتى نفسك هتزهقى وتملى من الى عندك ومش هتحافظى عليهم لانك عايزة تغيرى وتجددى
ففى الحالة دى بترمى فلوس فى الارض عشان تروح ترم غيرهم وتجيب جديد .....ناس راااايقة08#
حتى ف اللبس معظم اللبس الى البنات بتشيله بيبق قريب جدا من مقاسها وهى بنت فنصه هيتركن او هتطلعيه هدايا لعرايس الجداد
وهتتطرى تشترى غيره
وربنا فعلا يكون فى عون الاب بجد


#21 #21 #21

كويس جدا

انتي جبتي المفيد

محدش بيبطل شراء فعلا :rolleyes:

************************************


بقولكم ايه انا تعبت بقي اوي اوي اوي كل دااااا في المطبخ


اما تبتدي تشتري فعلا مش هتتعبي ( الشراء ده متعة في حد ذاته ::v.happy: )



عموما وانتوا معدين متنسوش المايكرو ويف والتوستر والغساله الاتوماتك والتلاجه الايديال اللي ب12 باب




بصي بئه الاجهزة المعمره في رايي لازم ت كون افضل ما يكون لانها هتعيش فكل ما جبتي فيها ااحسن كل ما عاشت معاكي بلا مشاكل ( الغالي تمنه فيه يعني ) بس اللي مالوش لازمه مش لازم توستر ايه وماله العيش البلدي المفقع يعني ومايكروويف ايه اومال فرن البوتاجاز اللي بياخد خروف ده جايبينه نبخر بيه ولا ايه يعني {01}




فكل واحده تيجي تتجوز تتخيل ايه جزاء اللي بتعمله دا
هيفيدها بأيه
والله هيضرها لآن بجد ربنا هيحاسبها عليه تبذير بجد ومنتهي منتهي الاستهتار من البنت... ولو مجبوره هيكون من اهلها
وميرجعوش يشتكوا من الغلو
اول لما تشتكوا هيرد اقل مواطن يقول ولما الحاجه غاليه بتشتروا ليه الا اذا كنتوا قادرين
ياجماعه والله الامر بيكون الاهتمامات اللي فيه اكتر من كدا بكتييييير
بدل ما تفكري هتشتري كام طقم
فكري هتعيني زوجك علي طاعه كام مرة
يلا مش هطول عليكم سلام


#21 #21 #21

لافض فوكي ::warda::

****************************




انا هاجيب 5 لبان في الاعدة اللي جايه ان شاء الله وثااااااااااااااااانكس على الاعده الحلوة دي


لا ثانكس علي واجب يا بنوته ::warda::


*******************************



هوة ده اكلام المظبوط


:rolleyes: :rolleyes: :rolleyes:

الليلة الكبيرة
08-28-2007, 01:24 PM
والله يا مستكه انا بطلت اصلا شرا انا كنت ناويت والله اشترى وانجز بقى بس اتكبست وسكتت لحين اخر اتكبس فيه

مستكه
08-29-2007, 09:14 PM
ربنا يعينك يا ليله

ويعين اهل كل عروسه

ويعين الشعب كله

:rolleyes:

راغبة فى الجنة
08-30-2007, 09:09 AM
وانا بعرف امسح الحاجات اللى فى النيش وامسح المطبخ كويس اى خدمة

مستكه
08-30-2007, 04:09 PM
هههههههههههههههههههههههه

مش اما بنئي نجيب الحاجات الاول ياراغبه

انا عندي استعداد امسح كل حاجه

بس انتو هاتولي الحاجه 08#

امانى3
09-22-2007, 11:14 PM
والله انتى حسة بالناس بس انتى عرفة البنات بيحبو الحاجات الجديدة الغالية
الى محدش جاب زيها وطبعا لازم السجاد والستاير ومفارش السرير والتحف الغلية
هنعمل اية البنات بقة لازم يكون عفشى 9 عربيات

ولا اية تسعة شوية صغيرين صح




باى مستكة عسل والله

السندريلا
10-08-2007, 12:13 AM
الحمد لله
انا مجبتش اى حاجه من الحجات دى 11#
مش عارفه ليه تمبل بيه
بس كده انا هحتاس لما اجى اتجهز
هجيب كل الحجات دى امتى
يا خبر دى مشكله كبيره مناخيرك يا

الليلة الكبيرة
10-08-2007, 01:27 AM
11# بقولكم ايييييييييه

انقذونى يا جماعة
11# 11#

انا المفروض من غصب عنى لازم ابتدى اشترى وانا بتنق من اللف زى ما قلتلكم قبل كده
فانا عايزه مساعدتكم بقى
عايزه ارعف من الى اشتروا او يعرفوا يعنى

فى انواع الصينى والاركوبال والميلامين والبيركس

فيه انواع اسماء بعينها ليها ولا لازم انزل واتفرج

يعنى مثلا الصينى النوع الحلو اوى اسمه كل واشكر ::v.happy:

اروح للراجل اقوله عايزه صينى نوعه كل واشكر صناع ة مصرية تجميع كورى كده يعنى


قولولى بقى على الحاجات دى انواعها واسمائها ايه
هستناكم bye bye

مناار
10-21-2007, 07:47 PM
يا بنات انتوا ناسيين ان حاجات النيش بيجبها العريس مواسم للعروسه متلخبطوش الامور

الليلة الكبيرة
10-21-2007, 10:09 PM
يا بنات انتوا ناسيين ان حاجات النيش بيجبها العريس مواسم للعروسه متلخبطوش الامور
nonono

من ورايا اول مره اعرف الكلام ده يا منار
بس لما يرجع واشوووووووووووفه:angr:

samaseemoo
10-31-2007, 08:02 AM
ازيكم يا جماعة
اتمنى انكم تقبلوني في قعدتكم الجميلة
وبجد موضوع جميل قوي يا مستكة
كنت عاوزة ادردش معاكم بس لاقياكم من اول الموضوع بتتكلموا في تجهيز الشقة وكده وانا بصراحة بتخنق قوي من الكلام ده(وعارفة ان كل ده هيطلع على عيني لما اجي اتجوز#7eet# )
بس سايبة كل حاجة لظروفها لحد ما ييجي ابن الحلال وبعدين ابقى افكر في موضوع النيش والحاجات دي
بس فعلا اللي ملاحظاه ان ناس كتير بيجيبوا حاجات كتيرة ملهاش لزمة لزوم الشكليات
وبرضو عندنا في بيتنا نفس النظام ماما تقوللي عاوزين نجيبلك طقم خشاف
اقوم اقولها هه؟مين؟ انجليزي ده يا مرسي؟؟؟؟ او طقم كاكاو اقولها هوا ايه طقم الكاكاو ده ؟مش برضو المجات اللي بنشرب فيها!!!!!!!!!!!!! وحاجات من دي كتير معرفش هيا عبارة عن ايه؟؟؟؟:d2
ودلوقتي مختلفين اقولها مش عاوزة بيركس خلللي الاكروبال للمطبخ والصيني للضيوف تقوللي مفيش حد بيتجوز من غير بيركس وهكذا بقى...........
ياريت مكونش طولت عليكم وان شاء الله الى لقاء قريب::warda::

الليلة الكبيرة
10-31-2007, 09:19 AM
منورة الموضوع يا سماسيمو والله انا كنت عاملة زيك وقلت استنى لحد ما ابن الحلال يجى ولما جه قلت استنى لحد قبل الجواز وبدلع على الااااااااخر
شكلى هأجل الجواز علشان خاطر عيون الجهاز11#

هقولكم موقف ان نم على شىء فأنما يدل على جهلى بالتجهيز والرغى ده

واحنا عند الراجل ده بتاع الأدوات المنزلية عجبنى طقم صينى صغير يعنى شاى و6 أطباق ومش عارفه ايه تانى كده

فأنا بقوله عليه وكده الوانه ايه ده
ام قايلى ده طقم فطاااااااااااااااااااار#20#

نععععععععععم فطار:rolleyes:

انا خفت اسأله حاجه تانى يقولى غدا وعشا وهيهيص بقى

واشى طقم كاكاو على رأيك
الا صحيح مفيش طقم سحلب {01}

احتمااااااال كبير يكون فيه وانا معنديش خلفية
اى واحده هنا معندهاش خلفية
من النوعية ديه
هديها انا هدية#15
بقرشين ما تذوقينى يا ماما
صفحة 3450 كللللللللللل المعلومات الى غاية فى الاهمية

وانا هقوم بقى
سلاااااااااااااااااااااااااااااااااااااااااااااااا اااااااااامbye bye

samaseemoo
11-04-2007, 07:12 AM
اختي وحبيبتي الليلة الكبيرة
المنتدى منور بيكي انتي ياقمر||-3464-||
مانا شكلي كده هابقى زيك برضو بس ايه طقم الفطار ده؟؟؟؟؟؟
طب معندوش طقم سحور؟؟؟؟؟؟؟؟
انتي عارفة طبعا اني بحب التخصص والنظام قوي::rt::

مستكه
11-04-2007, 06:44 PM
هنعمل اية البنات بقة لازم يكون عفشى 9 عربيات

ولا اية تسعة شوية صغيرين صح




باى مستكة عسل والله




والله انتي اللي عسل يا اماني

بس عايزه اضيفلك حاجه صغننه

الي جانب التسع عربيات دول باه فيه موضه جديده ::v.happy:


بيجيبوا دي جي مع عربيات العفش :ker:


اوووعي تتنازلي عن الدي جي لاما الجوازه مش هتنفع B)


انا قلتلك باه وعملت اللي عليا حنيييين

***********************************







الحمد لله
انا مجبتش اى حاجه من الحجات دى 11#
مش عارفه ليه تمبل بيه
بس كده انا هحتاس لما اجى اتجهز
هجيب كل الحجات دى امتى
يا خبر دى مشكله كبيره مناخيرك يا





كل حاجه هتيجي ان شاء الله لاتقلقي

بس هي الفرق انك تجيبي الحاجه علي رواق وتختاريها بمزاج او انك بتشتريها استعجال وخلاص :D


******************************************



قولولى بقى على الحاجات دى انواعها واسمائها ايه
هستناكم bye bye




زعكرونى


انا بجيب اللي شكله بيعجبني انما معرفش في ماركات aliet

مستكه
11-04-2007, 07:20 PM
يا بنات انتوا ناسيين ان حاجات النيش بيجبها العريس مواسم للعروسه متلخبطوش الامور




http://www.ebnmasr.net/forum/images/smiles/new/eek.gifhttp://www.ebnmasr.net/forum/images/smiles/new/eek.gifhttp://www.ebnmasr.net/forum/images/smiles/new/eek.gif

ايه ده امتي وفين وازاي

انا اخر حاجه اعرفها ان العريس بيجيب دباديب وموبايلات

انما حاجات النيش دي جديده عليا اول مره اسمعها

اما العريس يجيب حاجة الني العروسه تجيب ايه ياتري زعكرونى

منار انتي منين عشان نيجي عندكو :D





من ورايا اول مره اعرف الكلام ده يا منار
بس لما يرجع واشوووووووووووفه:angr:




لا لا استني يا ليله متتهوريش

التجربه لسه متعممتش علي كل المحافظات

دي لسه بث تجريبي ::v.happy:



*****************************




ازيكم يا جماعة
اتمنى انكم تقبلوني في قعدتكم الجميلة
وبجد موضوع جميل قوي يا مستكة



اهلا بيكي يا سماسيمو

انتي الاجمل طبعا

بصي هو طبيعي جدا انك في الاول تستغربي الحاجات وترفضي كلام مامتك ده

بس صدقيني يوم تنزلي وتشوفي الحاجات والاشكال وخصوصا طريقة التجار في الابهار

هيصيبك فوبيا الشراء ومش هتقدري تسيطري علي نفسك

واسالي مجرب #21

بس الحمد لله مبئتش اقف عند الحاجات دي

حولت النشاط من ادوات منزليه لمفروشات :ker:



*****************************************




احتمااااااال كبير يكون فيه وانا معنديش خلفية
اى واحده هنا معندهاش خلفية
من النوعية ديه
هديها انا هدية#15
بقرشين ما تذوقينى يا ماما
صفحة 3450 كللللللللللل المعلومات الى غاية فى الاهمية




اهلاااااااااااااااااااااااا

انتي وصلتي للكتاب ده

عدي ياليله عدي ياليله ::v.happy:





مانا شكلي كده هابقى زيك برضو بس ايه طقم الفطار ده؟؟؟؟؟؟
طب معندوش طقم سحور؟؟؟؟؟؟؟؟
انتي عارفة طبعا اني بحب التخصص والنظام قوي::rt::




علي فكره هو اسمه طقم شاي بس

مش عارفه علي اي اساس خلاه طقم فطار :rolleyes:

بس يمكن ده باه المسمي الجديد تبع كتاب ماتزوقيني ياماما بتاع ليله :ker:

الليلة الكبيرة
11-04-2007, 09:19 PM
اختي وحبيبتي الليلة الكبيرة
المنتدى منور بيكي انتي ياقمر||-3464-||
مانا شكلي كده هابقى زيك برضو بس ايه طقم الفطار ده؟؟؟؟؟؟
طب معندوش طقم سحور؟؟؟؟؟؟؟؟
انتي عارفة طبعا اني بحب التخصص والنظام قوي::rt::


اااااااااااااااااااااااااااااااااه دا انتى معندكيش خلفية :ker:
بقرشين ما تذوقينى يا ماما يا بنتى وانتى تعرفى الحاجات دى

يا اما تعرفى يا اما تعملى زيى وتستعبطى 08#

وخيييييييييييييييييييييييييييييييييييييييييييييير
هروح اشترى بقى الجرنال بتاع ما تذوقينى يا ماما علشان بقالى كتير مش قريته :d2

الليلة الكبيرة
11-04-2007, 09:21 PM
اهلاااااااااااااااااااااااا

انتي وصلتي للكتاب ده

عدي ياليله عدي ياليله ::v.happy:


علي فكره هو اسمه طقم شاي بس

مش عارفه علي اي اساس خلاه طقم فطار :rolleyes:

بس يمكن ده باه المسمي الجديد تبع كتاب ماتزوقيني ياماما بتاع ليله :ker:



ما اهو طقم شاى بس هنقول ايه بقى رزق الهبل على المجانين #20#

دكتورة اسماء
11-04-2007, 10:05 PM
كويس انى لقيتكم

احس انا اجهل واحدة فى المواضيع دى 08#

يا رب تفدونى بقى و ارجع لماما متنورة و فاهمة كل حااااااااجة#5#

و بعدين الواحد يعرف من دلوقتى و كدا احسن ما يضرب لخمة لما يتحط فى الموقف #7eet#

بس صحيح .. هى اخبار الاسعار ايه ؟؟

اصل احنا بننقل شقة جديدة دلوقتى عقبال عندكو :D و عايزين نجيب شوية عفش و حاجات كدا

يعنى سجاد .. نجف.. انتريه.. بورتريهات .. مرايات .. تحف .. كدا يعنى

اللى عنده فكرة يفيدنا و ليه الثواب ان شاء الله

بجد بجد موضوع رااااااااااائع يا مستكة #21

هى دى المواضيع اللى تجمع البنات و تحسسهم انهم بنات بجد :d2

مشكوووووووووووورة يا حبيبتى على الفكرة ::warda:: ::warda:: ::warda::

نورالشمس
12-26-2007, 06:37 AM
اهم حاجه ان الزوجين يكون بيحب بعض وبيفهمو بعض بعدكدةه كل الحجت دي مقدور عليها

الليلة الكبيرة
01-15-2008, 09:17 PM
ازيييييييييييكن يا فتيات القوة عارفينه الكارتون دده
انا هسمى اى واحده بتجهز فتيات لاقوة
اه والله
هذا ولانه البنت فعلا لازم تكون كوية احم احم قصدى قوية علشان تقدر تجهز والكلام ده

بس والله وحشتونى
المهم يا بنات
ان فيه خبر يخصنى مش لذيذ
وهو انى زى ما قلتلكوا مكسلة اساسا اجهز
بس دا شر لابد منه
وما من تأجيل الا بعده تأجيل فتأجيل
فزنقة فى الاخر
ههههههههههههههههههههه
اه والله
المهم يعنى انى كا امر لابد منه انى ابدأ فى الشرا والرغى ده
وهو يومين اتين وزهقت خالص مالص
والأسعار غرريبة فى اللبس وفى كله
بس
بدأت وتراجعت
وكل عام واتم بخيييييييير
نصيحة الى ناوية على جواز تجهز مش تكسل زيى ::v.happy:

حتى علشان يعنى مش تتزنق فى الوقت
والله ولى التوفيق وكل عام وانتم خير
بس سؤال صغنن اوى

هى كلللللل المفروشات غالية لييييييييييييييه11#
يعنى لما يبقى طقم ملاية ب100 وشوية نعمل اييييييييييييييييييييييييه#7eet#

بس مش هكمل

صندوق الدنيا
01-15-2008, 10:23 PM
ازيييييييييييكن يا فتيات القوة عارفينه الكارتون دده
انا هسمى اى واحده بتجهز فتيات لاقوة
اه والله
هذا ولانه البنت فعلا لازم تكون كوية احم احم قصدى قوية علشان تقدر تجهز والكلام ده

بس والله وحشتونى
المهم يا بنات
ان فيه خبر يخصنى مش لذيذ
وهو انى زى ما قلتلكوا مكسلة اساسا اجهز
بس دا شر لابد منه
وما من تأجيل الا بعده تأجيل فتأجيل
فزنقة فى الاخر
ههههههههههههههههههههه
اه والله
المهم يعنى انى كا امر لابد منه انى ابدأ فى الشرا والرغى ده
وهو يومين اتين وزهقت خالص مالص
والأسعار غرريبة فى اللبس وفى كله
بس
بدأت وتراجعت
وكل عام واتم بخيييييييير
نصيحة الى ناوية على جواز تجهز مش تكسل زيى ::v.happy:

حتى علشان يعنى مش تتزنق فى الوقت
والله ولى التوفيق وكل عام وانتم خير
بس سؤال صغنن اوى

هى كلللللل المفروشات غالية لييييييييييييييه11#
يعنى لما يبقى طقم ملاية ب100 وشوية نعمل اييييييييييييييييييييييييه#7eet#

بس مش هكمل


ادى جزات اللى ياخر الجهاز
010# 010# 010# 010# 010# 010# 010#

angle89
01-21-2008, 01:31 PM
:ker: :ker: :ker: :ker: :ker: :ker: :ker: :ker: :ker: :ker: :ker: :ker: :ker:
::laaf:: ::laaf:: ::laaf:: ::laaf::

احبكم في الله
01-23-2008, 04:34 PM
السلام عليكم والله فعلا واكتر كمان بيتجاب في ناس بتجيب بالطقمين صيني انا بنت عمي جابت طقمين صيني يوم الحنة النيش وقع كله لوحده وراحت فلوسك يااااصابر جت يوم الدخلة قاعدة تقول للعريس فيه حاجة غلط في النيش وهو يقولها لا ابدا ماهي مشفتش الوقعه اخوات العريس هما اللي وضبو

انا عن نفسي مش حفرج حد ع حاجة مدام انا وجوزي مش في دمغنا يعني ايه اقوم افرج الناس ع النيش وحتة حتة في الشقة

لو حيدفعو تذاكر دخول ممكن افرجهم ::v.happy:

بس بقي المصيبة لو حماتي من النوع اللي بتحب المنظره وعايزة تفرج اقاريبها وطبعا دي حببتي لازم مش ازعلها {01}
وانا اقاربي محدش يستجري يقولي وريني حاجة عارفين مش بحب حد يطلع ع خصوصياتي

لا بقي الفقعه بجد ان كل عريس يقولك يعني ايه دي رفايع وامال انا اللي جايب الشقة اعمل ايه

طيب انا ممكن اجيب الشقة وهو يشيل الرفايع والعفش ع الاقل الحيطان مش حتدوب وحتي سعر الشقق في العالي دلوقتي لكن الرفايع دي كلها حاجات مستهلكة

بس بيني وبينكم انا جايبة الحاجت دي كلها وناقص ليا الصيني واللحاف وطقم كريستال والبنبونيرة بس :d2

! بنوتة يابانية !
04-01-2008, 12:12 AM
ياااه انفاسي اتقطعت لحد ما وصلت لأخر صفحاية

ربنا يكرمكم يا بنوتات يارب

انا كنت محتاجه اوي اقرا كل اللي كتبتوه

ربنا يرزقكم بالزوج الصالح يارب

اللي يجنن ان كل ما مامتي تشتريلي حاجات احس
أني ولا كأني عندي أي حاجات في الجهاز#7eet##7eet#

بلييز continue

استمرروووووووااااااااااااا :$#5# #5# ::warda:: ::warda:: ::warda:: :d2

ماجيك
04-01-2008, 07:40 PM
والله احسن حاجة اننا نحط ليستة بالحاجات اللى عايزين نشتريها وتكون الحاجات دى هى اللى محتاجينها لاستخدامنا اليومى بس عشان مايصيبناش ادمان الشراء
واللهم ارزقنا الزوج الصالح

بنت الحاره
04-07-2008, 04:48 AM
والله عندك حق..

السفرة زى قلتها بس لازم تيجى معرفش ليه بس لازم تيجى..
ممكن عشان لازم تكون جانب النيش والشكل العام
أختى مش بتاكل عالسفرة خالص إلا فى المناسبات ولما أحنا نروح لها
وأعرف ناس كتير والله جابو سفرة فى بداية زواجهم وبعد سنة باعوها
على فكرة بعرف أرص النيش #21
أى خدمة..



::warda::



ممكن تقوليلى ارص النيش بتاعى ازاى عشان انا هاتجنن خلاص

بنت الحاره
04-07-2008, 04:56 AM
دى قائمة المطبخ اللى بشترى منها حاجاتى ولو حاجه ناقصه هاقوللكم او انتو قولولى

على فكره الموضوع يجنن وجامد موووووووووووت

طقم استانلس او المونيوم
-طقم حلل صاج (انتبهوا طقم الصاج بيكون تقيل لكن الخفيف هو الي بحرق الاكل)
-1 او 2 حله تيفال للرز بمقاسين مقاس صغير ليكي ولجوزك ومقاس اكبر لو عندك عزومه
-طقم (بيكون مكون من 3 او 5 قطع) صاج للبواقي غطاءه بلاستيك
-لبانه الومنيوم (بلاش استلس عشان بتحرق اللبن)
-كنك (نوعي ما بين استلس والومنيوم)كفايه 3
-حامل كنكه
-طاسة تيفال للبيض
-2 طاسه الومنوم بمقاسين لتحمير الفراخ والتقليه
-براد (استلس او زنك او بيركس)
-3صنيه الومنيوم مربعه بمقاسين مختلفين
-3صنيه مدورو الومنيوم
- 3 صواني بيتزا الومنيوم
-2 صنيه تيفال
-طقم البيركس (مش ضروري)
-صفيحة رز (شياطة)
-طاسه لقليه البطاطس
-طقم صيني
-طقم صيني للمطبخ (انا جايبه عسلي)
-منخل سلك
-مضرب بيض يدوي(للبشلميل والكريم كرامي)
-قمع
-12كوبيات للماء
-12كوبيات صغيرة(لاستخدام المطبخ)
-6كوبيات وسط(لاستخدام المطبخ)
-6ماجات للشاي
-4 اطقم كاسات عصير
-طقم خشاف
-اطباق للجلي
-شفشق للمطبخ بلاستيك واخر للسفرة
-طقم كاسات مثلا شكلين (للنيش)
-طقم كبيات (للنيش)
-طقم خشاف(للنيش)
-اطباق جاتوة لو الطقم الاساسي مفهوش
-سكريه واحده للبيت واحده للضيوف
-طقم البهارات
-برطمانات بلاستيك للدقيق - البهارات الزياده
-طبق فاكهه
-طبق تورته(ينفع للكنافه)
- ملاحتين(واحده للمطبخ ولو مفيش في طقمك تجيبي واحده للضيوف)
-6فنجاين قهوة(لو مفيش في الطقم)
-علب جبنه (5 كفايه بمقسات مختلفه)
-ميزان للمطبخ
-مقصوصه للبطاطس
-طقم توزيع
-مبشرة
-قطاعه بطاطس
-قطاعه بيتزا (او سكينه الجلاش) شبه سكينه المعجون
-قشارة
-طقم مصافي ضفيرة استلس بلاش بلاستيك عشان بتتقطع
- مصفه استلس كبيرة او وسط
- 2 مصفه بلاستك بحجمين وجيبي واحده ضيقه عشان المكرونه واالرز
-مسن
-مشابك
-مساكه جاتوه
-اطباق بلاستك لغسي الفاكهه والخضار باحجام
- طبق اسلس او بلاستك غويط للعجن
-مغرفه لبن
-فوارة لبن
-هون
-حوامل سخن كفايه 3 للضيوف وزيهم لاستخدام البيت
-كيس غساله عشان الشربات
-6كاسان الرز بلبن
-قطاعه خشب او بلاستك ويفضل اتنين واحده للخضار وواحده للحمه
-طقم معالق للضيوف ويشمل شوك وساكين
-معالق فرادني كفايه 6 معالق وشوك ولو بتستعملو سكاكين
-معالق صغيرة فرادني و6شوك صغيرين
-صواني تقديم بلاستيك للبيت وصنيه عشا
-صواني تقديم للضيوف 3مقاسات كفايه
-مقورة
- سكاكين مطبخ طبيرة ومشررة وعاديه
-ماشه للشوي
-فرشه خضار
-صفايه حوض
معالق خشب كفايه 2 للحلل التيفال
طقم صوانى كيك مدور ومستطيل وفيه على شكل قلب وورده نوعى بقى
-كب كيك لو شاطرة في الحلويات كمان صنيه تارت
-عصارة برتقال
-عصارة لمون
- هراسه ثوم
-صفايه معالق للحوض
-مقص سمك
-طفايه سجاير
-ولاعه
-فتاحه علب وفتاحه زجاجات
-ترابيزة مكوة
-مشمع لدولايب المطبخ
- ادوات نضافه(جردل مساحه مكنسه خشنه ومنشه ناعمه وفرشه وجروف وفرشه شيش ناعمه)
-فرشه للسمن
-هراسه بطاطس
-شوايه للحمه فوق البوتاجاز هي 45 حنيه
طقم حلل بيركس دة تحفة و بيتكون من 4 حلل و صنية و كل دة بيكون بالغطاء بتعها يعنى تقريبا بيتكون 9 او 10 تقريبا و دية تقريبا سعرها كان 75 جنية من حمام التلات

الطواجن يا بنات بس لو حد يجبهلكم من الصعيد عشان بتبقا حلوة فى عمل السمك الطواجن و الرز المعمر او زيها الصوانى البايركس

المجات يا بنات على اشكال مختلفة لشرب النسكافية و الشاى انا كنت جايبة الواحد سعرة من 5 جنية لغاية 7.5 و دة ممكن تلقوة فى اى مول من محلات 2.5 و هما تشكيلة كبيرة و حلوة

كيس المشابك و غطاء الغسالة

و طقم معلاق خشب عشان حلل التيفال

حلل التيفال انا جبت نوع هو غالى شوية بس لما جربتة كان تحفة و كانت الحلة مقاس 24 تمنها
90 جنية و الحالة مقاس 26 كانت 110 بس الاكل عمرة ما لزق فيها و انا بستعملها من فترة حتى لو الاكل اتحرق تحسى انة بينزل من الحلة زاى الماية بالضبط

و سبت الغسيل من الهلال و النجمة كان تقريبا 30

و الزبالة كانت 28 برضة الهلال و النجمة

و شيلت الشامبو كانت 15 جنية

و الشمعات يا بنات لازم نكتر منها لانى نزلت بعد الجواز و اشتريت تانى و هاتى الساتان لقمصان النوام و الخشب او البلاستيك لبقيت الملابس

فواحة و الزيوت و دية بتيجى من اى محل عطور و مش غالية سعرها مناسب

طقم التوزيع و دة كان سعرة 85 و بيبقا فية 5 طع تقريبا مغرفة و معلقة و مقصوصة و شوكة لتقليب الفراخ و اللحم و مغرفة صغيرة تشبة مغرفة البن

و فى طاسة لقلى البطاطاس و هى واسعة و جميلة و مش غالية 25 جنية

و البراد يا بنات انا من راى تشتروا واحد المونيوم و سعرهم بيبدا من 40 و انتى طالعة و دة النوع الحلو و نشترى واحد تانى بالكهرباء هو غالى شوية بس بينفع فى العزومات و اللمة الكبيرة و دة بيبدا سعرة من 86 بس ممتاز و مش بياخد وقت لغلى الماية او ممكن تجيبى برده واحد المونيوم بس كبير
و علقة السكاكين ( هى بتتعلق على الحيطة و بتكون مغناطيس فيتلزق عليها السكاكين بس مش مهمه


قطاعة تفاح
قطاعة بيض
فوط مطبخ
زجاجات المياه اللي بيبقى شكلها حلو دي ومرسوم علها ورود وكده


انا كنت عايزة افكركوا ان حاجة النيش مهمة جداااااا ولازم ناخد بالنا انها تكون قيمة لان اى عروسة لما بيجيلها ناس تباركلها بتهتم بمحتويات النيش والبوفى دة غير انها بتعيش معاها العمر كلة اما ادوات المطبخ ممكن احيانا بتتغير لانها بتستهلك .


انا فكرت فى الايام الاولى من جوازى لما يجوا الاهل والقرايب والصحاب يباركولى هقدملهم فى ايييية؟؟؟
فجبت الاتى:-

_شيالة كحك سيلفر فى نبيتى شكلها روووووووعة .
_طبق فاكهة سيلفر حلو جدا .
_بونبونيرة سيلفر فى نبيتى تحفة بجد.
_صينية بتاعت التسالى (الب والسودانى ........ دى بتكون عبارة عن بولات كدة ومع كل واحدة معلقتها وبردة سيلفر فى نبيتى .
_ وكمان الطفاية سيلفر
كل الحاجات دى عبارة عن زى طقم تحسى انهم متناسقين جداااا.
_وصوانى التقديم جبت منهم 3 سيلفر فى نبيتى و3 استنلس بس ندمت لانى بالغت فى الاسعار يعنى ال6 صوانى كلفونى 700 جنية ودة طبعا كتييييير .

_اما الكاسات فجبت طقم قيم جدا للنيش و3 اسعارهم متوسطه وواحد استعمال .
_والشربات 3 للنيش منهم واحد بوهيمى غالى و2 استعمال
و_الشاى 3 للنيش منهم 2 غاليين وواحد متوسط و3 استعمال .
_وجبت طقم غالى للمياة وطقم متوسط .

_وجبت طقم الجاتوة ومعاة فناجيل الشاى بتاعتة شكلة رائع
وطقم تانى كريستال من غير فناجيل وطقم الخشاف زية بالظبط . لكن طقم واحد كفاية

ومتنسوش فى البلاستيكات _سبت الغسيل اللى بغطاء للباللكونة تلمى فية الغسيل
_وسبت تانى للغسيل المتوسخ.


حامل ملاعق للسفره
غلايه
مخرطه الملوخيه
كتشن ماشين
سله المهملات
ليف للمواعين
حبل للغسيل
ترمس للرحلات(لو عايزه)
شفاشق بلاستيك


جوانتى بلاستك

اكياس للقمامة

طقم مريلة مطبخ وجوانتى ومساكات

سائل غسيل الاطباق وصابون

مسحوق غسيل(بالمناسبة ايه احسن نوع؟؟)

منعم للملابس (داونى او كمفرت)

سائل لتنظيف الزجاج

سائل لتنظيف البوتاجاز والدهون

شفشق بالمعيار(بيبقى عليه تدريج)

اطباق فويل

ورق فويل

رول فوط مطبخ (مناديل )

رول بلاستيك شفاف لتغطية الطعام البارد (مش السخن)

ولاعة (لو البوتاجاز مش اشعال ذاتى)

قاعدة الثلاجة اللى بعجل عشان تقدروا تحركوها وتتغسل

مزيل روائح الثلاجة

ماسحة احذية(اصل احنا حاطنها ف المطبخ )

وفرشاة الملابس

وماتنسوش سورتيت عشان يمسك الشعر ومايقعش ف الاكل(يععععععععععع)


ميزان للمطبخ +منخل إستانلس + قرطاس للكريم شانتيه و بلح الشام
+ مكبس البيتى فور+ قوالب تيفال على شكل قلب للكيك
+ طقم سكاكين للمطبخ+ لوح التقطيع + عدد 2 قطاعة للبطاطس
"صوابع" و "شرائح" + ترمس شاى+ مضرب بيض سلك+نشابة
+بخاخ بلاستيك للمكواة+تعليقة مشابك بلاستيك للجوارب +مخرطة
ملوخية+ مبشرة بصل+عصارة يدوية للحمضيات+عدد 2 مريلة البلاستيك
و القماش + معطر جليد بروائح مختلفة+ طقم للتسريحة
(مشط وفرشاة و مرايا)+ طقم مقصات +بكرات خياطة مصر
البيضا كل الألوان+ إبر صغيرة و كبيرة + لضامة + فرشاة
لتلميع الأحذية + صبغة للأحذية بألوان مختلفة+ بونيهات
بلاستيك للشاور+ غطاء للغسالة الأوتوماتيك+مفارش مذهبة
لصوانى التقديم+ أطقم(جردل و غطاء لعلبة المناديل )
+ فرشاة للملابس+باكيت ورق تواليت +باكيت ورق للمطبخ
+باكيت أكياس للفريزر+ باكيت أكياس للقمامة+زجاجات
مياة للثلاجة+رول ورق فويل +مدقة(هون)+مفرمة البقدونس
+ أداة خلى الزيتون+مساكة الجاتو+مساكة الثلج+ بولة الآيس
كريم+ماكينة الفيشار+ماكينة غزل البنات +حلة بمصفاة
للمكرونة+حلة ضغط +صينية بيتزا+صينيةcup cakes
+ماكينة لف ورق العنب +ماكينة لعمل لقمة القاضى
+ماكينة تقطيع البيض والسلطة+قطاعة للتفاح و الكمثرى
+هراسة للبطاطس البيوريه+مطحنة يدوية للفلفل الأسود الطازج
+ طقم نحاس (صينية و كنك و وابور سبرتو)+مبخرة نحاس
ليوم الجمعة+بخور بروائح متنوعة+شموع بأشكال و أحجام و روائح متنوعة .


مدق للبانيه واللحم(اللى شبه الشاكوش ده)

رول مفارش بلاستك للسفرة (موجود ف كارفور)بدل ورق الجرايد والفضايح ديه

سرفيس

خلاط او كيتشن ماشين

شاليموهات(دلع ف الاول بس)

بالمناسبة صحيح يا بنات

هو الخزين الاول ع العروسة ...صح؟؟

طب ممكن نكتبه بردو ونكتب الكميات عشان ماننساش حاجة؟؟ولا ايه رأيكو؟؟


فيه برده قدرة الفول والكسرولات
وشيالة البصل والتوم
مطبقية فوق الحوض
شيالة ماجات
ماجين مختلفين ليكوا انتو الاثنين لزوم الرومانسية

مغرفه اللبن ديه المفروض بتيجي مع طقم التوزيع بس اغلب الوقت مش موجوده هي زي المغرفه بس صغيرة وببوز

مقصووصه البطاطس عارفه بتاعه الراجل بتاع الطعميه المخرمه

ماشه الشوي زي ماشه الفحم هيا بتمسكي بيها اللحم والفراخ

هراسه البطاطس في منها ك1 شكل وهي مبططه ومفتحه بالطول

انا جبت غطاء الطرشة من فتح الله بس الاستلس بيصدي هاتي المطلي اسود

اللبانه التفيال بتلزق اللبن كمان التيفال لو اتقشر غلط

اوعوا تنسوا مفارش النيش و المطبخ و الدولاب و اعملوا حسابك ان يكون بزيادة لانى بعد ما بدات افرش نزلت تانى اجيب مفارش و هى موجودة فى التوحيد و النور و الازهر كما

و علب التلاجة
و الببونيرة

و يا جماعة فى فرشة لتنظيف الشبابيك دية مهمة قوى لانة مفيدة و عاملية و الممسحة و فرشة الهدوم

و فوط المطبخ و يا رايت تكون غامقة عشان تستحمل

وقاعدة للتلاجة و الغسالة و البوتجاز و الانبوبة لو ما عندكيش غاز طبيعى

و فية طقم بيجى كامل و هو مريلة المطبخ و جوانتى و قطعتين لمسك الاشياء الساخنة بس خلى بالكم لان فى منة البلاستيك و يسيح من اى حاجة

و يا سلام لو جبتى ماجين زجاج عشان ليكى انتى و عريسك بيبقا شكلهم

مستكه
04-07-2008, 03:02 PM
الله ينور عليكم يا بنات #21

جميله جدا الاعده دي لان اكيد كلنا هنستفيد منها ان شاء الله


نعرف ايه الضروري وايه اللي مالوش لازمه من خلال تجارب الاخرين في الشراء

بنت الحاره ماشاء الله عليكي عديتي الحاجات ومعظمها ضروري فعلا

مشاركتك اضافه مهمه فعلا

عايزين نكمل الحديث بس عايزه اركز علي حاجه مهمه جدا

اذكر نفسي واياكم بها :

يابنات مش لازم عشان نأسس بيت نخرب بيت تاني ( اللي هو بيت الوالد يعني:D )

يعني ياريت نقدر الازمع الاقتصاديه اللي حاصله ونراعي ظروفنا كلنا ونجيب الحاجات الضروريه اللي هنحتاجها

والكماليات هاتوها بس بعدين مش في وقت زنئات

مش عايزين نكون سبب فتنة للناس الغير قادره انها تجيب الحاجات دي

نراعي ربنا ونراعي مشاعر غيرنا

::warda::



طيب دلوقتي عايزين الجماعه المتزوجين يقولولنا ايه الحاجات اللي كان ليها لازمه وفعاله في المطبخ والحاجات اللي لا

وايه الحاجات اللي نسو يجبوها وكانت مهمه

كده يعني وشوية نصايح للشراء

عشان عايزين ندخل علي مرحله تانيه

وهي الفتره اللي قبل الفرح والتجهيز في الشقه وشرا العفش والفستان وفرش الشقه واختيار الستاير والكلام ده كله ::warda::

بنت افندينا
04-07-2008, 03:46 PM
ياه يا بنت الحاره انا تعبت من كتر القرايه 11#
كان الله ف عون اهلنا :d2
بجد بجد تسلمى ع المعلومات الجميله دى ::warda:: ::warda::

اسكندرانيه عسليه
04-09-2008, 01:43 PM
السلام عليكم ورحمه الله وبركاته


سكه يابنوتاااات الله يكرمكم عشان عندى كلمتين عايزة اقولهم احسن هيجرالى حاجة#15 #20#

(بعد الشر عنى):D :D :D

انا مبدايا لا مخطوبه ولا متجوزة ولا اى حاجة بس هوافق اتخطب على شرط وااااحد#21


بيتى مش هيدخله المدعو النيش داااا:ker: :ker: :ker:

دمه تقيل على قلبى اوووووى ايه دااا مش هحط الدولاب ابو كوبايات وكاسات دا ف بيتى

واللى مش عاجبه يقطع عنى المصروف010# 010#

وبعدين ناس ايه دول اللى هعمل حساب كلامهم هما دافعين حاجة عشان يتأمروا؟؟

لالالا سيبيونى افضفض محدش يمسكنـــــــــــــى::warda::

واللا اقولكم شويه كدا واجى اكمل تانى احسن تزهقوا منى واللا حاجة:rolleyes: :rolleyes: :rolleyes: :rolleyes:

الليلة الكبيرة
04-09-2008, 01:59 PM
السلام عليكم ورحمه الله وبركاته


سكه يابنوتاااات الله يكرمكم عشان عندى كلمتين عايزة اقولهم احسن هيجرالى حاجة#15 #20#

(بعد الشر عنى):D :D :D

انا مبدايا لا مخطوبه ولا متجوزة ولا اى حاجة بس هوافق اتخطب على شرط وااااحد#21


بيتى مش هيدخله المدعو النيش داااا:ker: :ker: :ker:

دمه تقيل على قلبى اوووووى ايه دااا مش هحط الدولاب ابو كوبايات وكاسات دا ف بيتى

واللى مش عاجبه يقطع عنى المصروف010# 010#

وبعدين ناس ايه دول اللى هعمل حساب كلامهم هما دافعين حاجة عشان يتأمروا؟؟

لالالا سيبيونى افضفض محدش يمسكنـــــــــــــى::warda::

واللا اقولكم شويه كدا واجى اكمل تانى احسن تزهقوا منى واللا حاجة:rolleyes: :rolleyes: :rolleyes: :rolleyes:

بتفكرينى بشبابى قبل ما اتخطب:rolleyes:
والله يا بنتى نفففففس الكلام11#
بس بلاش اقولك دولقتى ايه الوضع اكيد انتى هتعرفيه لما تبقى فيه ان شاء الله عن قريب ::warda:: ::warda::

راغبة الجنة
04-10-2008, 03:33 PM
والله بجد الموضوع ده جميل جدا ومفيد#21
كملو انا معاكو:d

دينا عثمان
04-10-2008, 03:57 PM
حللللللللو اوى الموضوع ده بس اشمعنى يعنى النيش.هى جت عليه الغلبان ده؟؟؟؟؟؟وليه سجاجيد ووجع دماغ مانقضيها حصير احسن ده حتى صحى .وليييه سراير مالها المراتب اللى بتقطم الوسط؟؟؟؟؟؟ وليه الجواااز من اساسه#15

مستكه
04-10-2008, 05:09 PM
::laaf:: ::laaf:: ::laaf::

ايه الجمال ده

اما كوول البنات مش عايزه نيش ولا سجاجيد ولا كوبيات

اومال مين اللي بيجيب الحاجات دي

اكيد فيه غريب في المغاره :D

مستكه
04-10-2008, 05:10 PM
نسيت ارحب بالبنات الجديده معانا :d2

اهلا وسهلا بيكم نورتم الموضوع ::warda::

ليله ياريت تقوليلنا ايه اللي غير رايك بعد الخطوبه ::v.happy:

الليلة الكبيرة
04-11-2008, 11:59 AM
نسيت ارحب بالبنات الجديده معانا :d2

اهلا وسهلا بيكم نورتم الموضوع ::warda::

ليله ياريت تقوليلنا ايه اللي غير رايك بعد الخطوبه ::v.happy:

||-3464-||
فى الحكيكة وفى الواكع

انا لحد دلوقتى ببحث فى الموضوع ده
بس خير اللهم اجعله خير
بدأت أفكر فى النيش وأهميته بشكل رخم
وكم المنظرة والبعزقة الى فيه للأسف بدأت احبها :sad:

مع ان طبعى مبحبش الزحمة وكده بالبيت بس لما اخترت استيل الشقة مطلعش زى ما كنت متخيلة طول عمرى طلع نظام تانى خاااااااالص11#

بدأت بقى ارتب للشقة مع نظامها الجديد وحسيت ان دولاب المجوهرات ( نظرا لغلو ما به)

ده ضرورى لاستكمال الدم التقيل
بس تقريبا تقريبا دا كله عيب فيا
او عيب النظام :D

بس بجد بجد لما بدأت اتفرج على الكلام ده بقيت مثلا لااقى طقم كاسات عاجبنى مووووت 08# حلو اوى وبنفس الوقت حرام استخدمه العادى بالمطبخ ويقع كاس ورا كاس بقى
يبقى مكانه فييييييييين ياترى
دولاب المجوهرات وهكذا

ومتابعة معاكوا ::warda::

بنت الحاره
04-18-2008, 07:06 PM
ياجماعه مش شرط نملى النيش بحاجات غاليه اوى او مكفتريه كل الحكايه انك بتجيبى حاجات للاستخدام اليومى وحاجات تانيه للعزومات وكبار الزوار وهكزا بس مش شرط خالص تجيبى حاجات اوفر فى حاجات سعرها مناسب وبرده شيك وبرده ماتجيبيش حاجه تحسى انه حرام حد يشرب فيها من غلوها وشكلها التحفه لا هاتى حاجات حلوه ومعقوله وعادى يتقدم فيها ماتبقاش منظر وخلاص يعنى

احبكم في الله
04-18-2008, 11:02 PM
انا اللي بيغظني في حكاية النيش دي طقم الشربات

يعني ايه

وطقم شاي

ده غير اللي في الصيني وفي الاركوبال

وطقم خشاف

يعني ايه الحاجت دي

وكمان انا مش متصورة اني حاكل في طقم الصيني

اللي اقل طقم فيه بألف جنيه

ده لو اكسر ممكن اعيي

بصي الرجالة اغلبهم مش بيدققو في الحاجات دي

هو ام العريس وخالاته ولو ليه اخوات بنات

ياااااااارب حماتي تبقي طيبةةة

ولو ليه اخت تبقي ع نياتها ومش بتفهم في الحاجات دي

وياسلام بقي لو مامته وحيدة ومش لها اخوات بنات

ولا لها بس مسافرين برة

ولا مكبرين دماغهم

أحلي عيشة

حاجة تانية بتفرسني ان العروسة لما الناس تيجي تزورها في اول الزواج

اكنهم داخلين متحف

وتقعد تفرجهم ع قطعه قطعه

ده ممكن عيل صغير

يقولها ابله ابله فرجيني وهاتي العب كمان

مرة واحد صحبتي في سبوع زوجها ابن اخت زوجها اخت المكياج كله وحطه في البانيو وفتح المية

:D :D

عثل عثل

:maaaad: :maaaad: :maaaad:

الحمد لله مش عايزة اجيب ميكاج

نارا
10-09-2008, 02:50 PM
بنت الحارة ..
إيه دا كله
ينهاااااارك أبيض ..!
طبعاً كتير
كتير جداً


نص الحاجات اللى انتِ كتباها محدش حيستخدمها ..
أنا أختى بعد زواجها جابت نص حاجاتها وقالت لماما
إنها مش بتستخدمهم ..

ياجماعة والله السعادة مش بالحاجات الكتير
الناس فاكرة إن البيت عشان يكون سعيد
يبقى العروسة تجيب اللى متجبش ..
هدوم ومطبخ وكرستالات وستاير وبراقع
وحاجات والله ملهاش استخدام !

فى حاجات فعلاً مهمة ولازم تتجاب ..
وفى حاجات كلها مليها أى لازمة وكلها كام يوم وتترمى تحت السرير
أو فوق دولاب المطبخ ..

طيب ليه من الأول تكلفى أهلك فوق طاقتهم ..
والله أنا بشوف ناس على ادهم أووووى وجايبين حاجات رهيبة
36 طقم سرير
50 فوطة
20 بشكير
3 طقم صينى
3 طقم استالس
و فى كل أوضة تليفزيون
و3 حمامات
وللا المكياج اللى بتجاب ...

وللا الكبيات أنا رحت لواحدة شقتها كلها كبايات :D
أحمر وأخضر وأصفر وأسود
ولا القطط والدباديب والأسود اللى بتتجاب ..
كأننا رايحين حديقة حيوان ..
:D
والله البنات بتغالى أوى فى الحاجات بتاعتها ..
برغم ان كل مالحاجة تكون بسيطة تكون أفضل بكتير ..

يلا ربنا يرزق بنات وشبابا المسلمين الأزواج الصالحين والزوجات الصالحة ..
ويرزقهم السترة والعفاف ..

ماجيك
03-07-2010, 10:59 AM
انا كنت بدور على الموضوع دة من زووووماااااان

اما اضحك شوية بقى :ker:

لؤلؤة الزمن
03-09-2010, 09:56 PM
يا الله ، الحمدلله اننا ريحنا دماغنا من الدوشة دي ، في جوازة أختي لا حامتها دخلت فتحت المطبخ ولا النيش ولا احنا فكرنا في كلام الناس ولا حاجة إحنا كنا في حالنا والناس في حالهم.

كمان والدي ووالدي جايبينلنا حاجات المطبخ من واحنا اطفال خالص ، وكل حاجة شيك وجميلة ماشاء الله، مابنمشيش تبع موضة ولا كلام فاضي الحمدلله.

بس موضوع جميل رغم اني تعبت وزهقت من كتر الطلبات دي ، دنا قعدت يومين في 9 صفحات بس.

ربنا يكون في عون الآباء كلهم ، لما بنت واحدة تكلفه كل دا؟ امال اللي عنده 4 او 5 بنات يعمل ايه.

ماما نونه
03-10-2010, 07:52 PM
(bsm)

صفحات كثيره لايسعفني الوقت الآن لمشاهدتها،،عموما
موضوع ركن الأطباق الصينيه الكرستاليه وغيرها هي أستخدامها نادرا فما الفائده إذا من شرائها؟
لدرجة أن الناس بيشتروها شئ أساسي وإن كان سعرها مرتفع!
لي سؤال،،
من وجهة نظرك كيف ترين الشعب المصري مسرف_متزن_غير مسرف وإن كان تفاصيل في الإجابه لابأس بذكرها،،بوركتم