المساعد الشخصي الرقمي

مشاهدة النسخة كاملة : اعمل ايه و اقوله ايه



حيران
06-28-2009, 10:06 PM
السلام عليكم

انا مش عارفه هما بيقولو ايه فى اول مقابلة مع العريس .؟ المفروض لو لقيته ساكت اتكلم انا و افتح مواضيع و اللا ميصحش ؟ و لو لقيته بيتكلم و بيسال اسال انا كمان و الا المفروض مبانش رغاية ؟ انا محتارة مش عارفه اتصرف ازاى و فى حاجات نفسى اعرفها زى هو مواظب على صلاة الفجر و الصلاة فى المسجد و الا لا.اعرف الحاجت دى ازاى اسال مباشرة و اللا ايه .انا نفسى بس يبقى اعلى منى فى التزامه لانى بقالى سنين بجاهد نفسى عشان ارتقى فى علاقتى بربى و الحمد لله نجحت فى بعض الامور فمش مستعدة ارتبط بحد معندوش الحرص على حاجة كدا-ارجوكم دلونى اعرف ازاى اساله و من اول يوم و اللا استنى - ارجوكم متهملوش رسالتى-

ندى عياش
06-28-2009, 11:06 PM
انت متوقعة انك تتكلمي ؟ :d

متفااااائلة

صدقيني انت لو اتجرأتي و بصيتيله هتبقي جريييييئة يا بنتي :d

اهم حاجة بأول مقابلة انك تسمعي

سيبيه يعيش الدور يعني

راقبيه ... لغة الجسد مهمة جــــــــــــــداااااااا

حركات ايديه ... عيونه - لو قدرتي تتجاوزي خجلك :d - طريقة كلامه

و لو قدرتِ او طلب منك توجهيله سؤال قوليله

اي ساعة بتصحى ؟ و بتعمل ايه عادة فيومك ؟

هيبان عندك كل شيء

و حطي فبالك ... مش هتعرفي كل شيء عنه باول مقابلة

دي مقابلة تخرجي بيها بانطباع مبدئي

يا تقعدي تاني يا اما خلاص :)

و ما تنسيش الاستخارة

ربنا يوفقك و يقدرلك الخير كله يا رب

te3mah
06-28-2009, 11:36 PM
انت متوقعة انك تتكلمي ؟ :d

متفااااائلة

صدقيني انت لو اتجرأتي و بصيتيله هتبقي جريييييئة يا بنتي :d


:09:
سبحان الله
بابا - ربنا يبارك في صحته - قبل ما يتعب كان لما يجيلي عريس يقوللي :
ابوس إيديكي بلاش تتكلمي انتي ... اديله فرصته في الكلام :ker:

بصي يا ست البنات
اتكلمي واسألي زي مانتي عاوزة
بس الأصح إنك تقللي كلامك شوية وتخليه هو يتكلم أكتر
مبدأ : (تحدث حتى أراك)
زي ما ندى قالتلك
راقبي تحركاته ونظرات عينيه وطريقة رده
من وقت للتاني اسألي عن أي حاجة تيجي في بالك
جاوبيه إذا سألك
وخلي نبرة صوتك واضحة وانتي بتردي عليه
بلاش شغل الكسوف والصوت المرعوش :ker:
دي مسألة تقرير مصير

وربنا يقدرلك الخير
اللهم آمين

ندى عياش
06-28-2009, 11:43 PM
:09:
سبحان الله
بابا - ربنا يبارك في صحته - قبل ما يتعب كان لما يجيلي عريس يقوللي :
ابوس إيديكي بلاش تتكلمي انتي ... اديله فرصته في الكلام :ker:


:ker::ker::ker::ker::ker:
يااااااااااه !!

بصي علشان تعرفي ان انا بس بق

ابن عمتي كان قاعد قدامي

يوميها حفظت تفاصيل السجادة كاملة :D

:ker::ker::ker::ker::ker:

te3mah
06-28-2009, 11:46 PM
:ker::ker::ker::ker::ker:
يااااااااااه !!

بصي علشان تعرفي ان انا بس بق

ابن عمتي كان قاعد قدامي

يوميها حفظت تفاصيل السجادة كاملة :D

:ker::ker::ker::ker::ker:
مش عاوزة أقولك إني ممكن أعلق على ساعته وشرابه بعد ما يمشي
:ker:

سندريلا
06-29-2009, 01:13 AM
:ker:

فكرتونى بنفسى ..

اللى بيتقدملى ويقعد معايا مايعرفش يقول قصادى بم :09:

لغاية ماقررت فى اللى جاى انى أخرس

وزى ماتيجى بقى بلا بتاع

...

المهم للأخت صاحبة المشكلة

خلى الأمور تمشى بطبيعتها

بس جهزى نفسك برضه والأسئلة اللى عايزة تسأليهاله

وعلى فكره لما بيكون فيه نصيب بتلاقى الموضوع بيمشى كدا لوحده

وتلاقى حصل قبول ..

المهم حافظى على سمتك وحياءك وكل شىء

وخلى بالك

خلى بالك

خلى بالك

من التصنع

خليكى طبيعية جدا

ولا يهمك

كلنا لها ::v.happy:

ربنا يقدر لك الخير ياااااااااااااااارب

مستكه
06-29-2009, 01:17 AM
:d2


:07:


:05:

:18:



:17:

#20#

:06:

Asma
06-29-2009, 01:44 AM
بصي علشان تعرفي ان انا بس بق

ابن عمتي كان قاعد قدامي

يوميها حفظت تفاصيل السجادة كاملة :D

:ker::ker::ker::ker::ker:


نعم ؟

ابن عمتك !

انتى من عيله محافظه اوى كده

:ker: :ker: :ker:

((fatma))
06-29-2009, 01:53 AM
انت متوقعة انك تتكلمي ؟ :d

متفااااائلة

صدقيني انت لو اتجرأتي و بصيتيله هتبقي جريييييئة يا بنتي :d
على فكرة الشخص اللي قدامك هو اللي هيحدد طريقتك في التعامل معاه ..
لوكان على طبيعته وقليل التوتراً وهو بيتكلم وهزر وضحك(بحدود طبعاً)
هتلاقي عقدت لسانك اتفكت شوية ..
وهتدخلي في الحوار وتناقشي ..

لو هو متوتر هتتوتري زيه أس عشرة ..

بس أهم حاجة تخليكِ على طبيعتك ..
بلاش أصطناع الكلام ولا الحركات ولا النظرات ..
خليكِ زي مانتي
علشان تكونوا على نور من البداية ..

وخليكِ معتدلة ولا كثيرة الكلام ولا قليلة لدرجة انه يمل مثلاً..

حاولي تاخدي بالك من طريقته في الكلام زي ما ندى قالت

شوفي هل هو دائم الكلام عن نفسه مثلاً ..
طب بيتكلم اكتر ولا بيهتم يسمع أكتر ..
لما أي حد بيتكلم بيكون ايه رد فعله ..

المقابلة عموماً مش هتكون س,ج ..

يعني احكوا مواقف من خلالها تستنتجوا اللي انتوا عاوزينه ..
ولا تحرجيه بشكل مباشر .. بحيث تخليه يتلجم ويحس انه تحت الميكرسكوب

وفي نفس الوقت تكوني أخدتي اللي عوزاه ..

ولا تتكسفي منه لدرجة انه هو يُحرج منك ..يعني اتكسفي بأدب ..
أفهمك إزاي ..

أعرف واحدة كانت في تاني مقابلة بينها وبين خطيبها من كتر ماهي مكسوفة
بقت تبصله بقرف ..:D ..هي متقصدتش ..
بس مقدرتش تتحكم برده من شدة إحراجها
هو ممكن يقدًّر ..بس مرة اتنين..لو زاد هيفتكر ده طبعك ..

مسألة الصلاة اللي في الجامع مش حاسة انه ينفع يتسأل مباشرة ..
لكن ممكن تقابليه في وقت يأذن عليكم آذان لأي صلاة وشوفي هو هيعمل ايه ..

ومتخليش حد يُقدِم على الخطوة من اخواتك واستني لحد ما تطلع منه ..

وممكن برده لزيادة تأكد حد أخواتك يسأل عن الموضوع ده ..
وبتبقى معروفة ..هل هو دائم الصلاة في الجامع ولا لأ ..


و لو لقيته بيتكلم و بيسال اسال انا كمان و الا المفروض مبانش رغاية ؟طيب ممكن نتخيل الموقف سوا ..
هو هيبدأ بالكلام فهيسأل مثلاً أي سؤال ..
بعد ما تخلصي إجابتك مش هتردي عليه السؤال وتقوليله طب وانت عليك الدور ..جاوب

لكن حاولي تعرفي إجابته من إنك تسأليه عن رأيه ..

يعني بحس مثلاً إن الأمر الفلاني كذا وكذا وكذا ..انت ايه رأيك ؟؟
أو نظرتك ليه إزاي ..
مش لازم بالنص اللي بكتبه ده مجرد مثال ..

يعني حاولي تبتكري في المقابلة دي بحيث تكون مقابلة ظريفة وينتهي التوتر منها بسرعة

بس المهم تكونوا انتوا الإتنين على طبيعتكم ..

وربنا ييسرلك كل خير يا حبيبة

دكتورة اسماء
06-29-2009, 02:51 AM
نفس كلامهم
اهم حاجة .. صلاة الاستخارة
و تخليكِ على طبيعتك
كأنها زيارة عادية

وربنا يقدرلك الخير

sara sss
06-29-2009, 10:26 AM
اهم حاجة بأول مقابلة انك تسمعي

سيبيه يعيش الدور يعني



نظرية المؤامره ... سيبيه يعيش الدور .. خليه على راحته جدا ... دايما اول مره بتبقى حياديه .. ازاى :-
1- يا هترفضى من اول نظره .... (وتكملى علشان متحرجيهوش)
2- يا اما هترفضى من خلال الكلام واسلوبه و حركة نقص عملها وانتو قاعدين فجأتك بطبع مش اللى هو... (زى واحده صديقه قاعده فى رؤيه .. و صاحبنا بدء يقلب كوباية النيسكافيه بالمعلقه ...وبعد ما انتهى من التقليب وراح لاعق الملعقه :09:).. كان هيغمى عليها

3- يا اما هتحسى بقبول لشكله الاول (لو مكنتيش شفتيه قبل كده ) اول ما الجثه تدخل عليكى ... هتحسى بارتياح او رفض حسب بقى ارتياحك النفسى لشكله

4- او ارتياح لكلامه لأدبه و لذوقه المبدئى مع محرمك مثلا اللى قاعد معاكى او ذوقه فى الرد او الكلام

5- المفروض المحرم او والدك او اى شخص من محارمك الشرعيين يسأل بعض الاسئله الاول يكسر بيها الحاجز "break the ice" المفروض ان الطرفين ميعرفوش بعض قبل كده خالص .. و داخلين على مقابلة زواج ... يعنى موقف محرج بصراحه .. فيفضل تدخل الشخص الثالث بكام سؤال كده للاخ العريس علشان يفتح مجال للحوار
(غالبا بيبدء العريس فى طرح الاسئله) غالباً مش دايماً بدليل اخوتنا الاحباب طعمه و سنكريلا


بابا - ربنا يبارك في صحته - قبل ما يتعب كان لما يجيلي عريس يقوللي :
ابوس إيديكي بلاش تتكلمي انتي ... اديله فرصته في الكلام :ker:



فكرتونى بنفسى ..

اللى بيتقدملى ويقعد معايا مايعرفش يقول قصادى بم


سلمى .. اسئلينى انا ... ميتخافش عليكى :16:

وليا صديقه كانت كاتبه اسئلتها فى ورقه و فضلت تحفظ الاسئله .. لكن ملحقتش .. فخدت الورقه و طلعت تقابله بيها و كل ما تسأل سؤال تعلم عليه و العريس فطسان من الضحك ...:D

6- حبيبتى الحيرانه اهم شئ .. انك تكونى على طبيعتك ... يعنى ايه على طبيعتك ؟؟ يعنى اوعى تتصنعى الخجل اوى .. ولا الادب اوى ... ولا الذكاء اوى ... خليكى انتى .. زى ما انتى .. علشان ربنا يبارك فى الطيب الصادق

7- فى اسئله ممكن تتسأل عادى انا عن نفسى ساعات اسألها لما بحس انى مش عارفه اعرفها من سياق الكلام ... زى صلاة الفجر و المسجد والاختلاط ..(مع ان المفروض تبقى سائله الوسيط اللى مرشحه عليهم من الاول ) .. ايه المشكله لما تسأليه على صلاة الفجر .. و الصلاه فى المسجد
هى دى مش حاجات مهمه .؟؟؟ .. مهمه جدا جدا ... لو معرفتيش من سياق الكلام .. يبقى اسألى عادى قوليله مثلا ... ايه الاساسيات اللى بتعملها فى علاقتك مع ربنا ...؟؟؟
ايه الثوابت اللى بتحافظ عليها علشان تحافظ على التزامك ؟؟؟ .. من هذا القبيل لو محروجه من السؤال المباشر وطبيعى ان صلاة الفجر و المسجد من ثوابت الملتزم فعلا :) ..
سؤال مباشر سريع ودى نصيحتى ... انت بتصلى الفجر ؟؟؟ #20#هو مش هيلحق يحضر اجابه واكيد يعنى لو ملتزم مش هيكذب (سرعة السؤال هتخليه ميلحقش يفكر:03:)

8- اسئليه عن مميزات شخصيته و عيوبه .. هيبان لك حاجت كتير
9- اسئليه عن مواصفات شريكة حياته ... واسأليييه عايز يتزوج ليه اساسا ...
10- اسئليه بتقضى وقت فراغك فى ايه .. علشان تعرفى دماغه بتفكر ازاى و مساحة الالتزام فى جميع مناحى حياته

العريس العاقل بقى لما يلاقى البنت مكسوفه تحكى يقولها كلمة .. طب وانتى ؟؟؟ بعد كل سؤال ...
نفرض مقلش ... احسن مش مهم نفترض انه متوتر او مكسوف او حتى مش فاهم ... المهم ان اول مقابله .. تسمعى و تستشفى و تتوغلى و تنتشرى


ولكِ فى سلمى و طعمه أسوة حسنه ...

ربنا يقدر لكِ الخير :)
ويرزق جميع بنات المسلمين بالازواج الصالحين

راجية الجنة
06-29-2009, 12:27 PM
حبيبتى ربنا يكرمك ويوفقك يارب
اليك بعض الاسئلة اللى نفسى اقدر اسألها للمتقدم لكن مبقدرش

ما هو طموحك المستقبلي وما هدفك في الحياة؟

ما هو تصورك لمفهوم الزواج؟

ما هي الصفات التي تحب أن تراها في شريك حياتك؟

هل أنت اجتماعي؟ ومن هم أصدقاوك؟

كيف هي علاقتك بوالديك؟(إخوانك ، أخواتك ، أرحامك)

بماذا تقضي وقت فراغك ؟ وما هي هواياتك

هل لك نشاط خيري أو تطوعي ؟

ما رأيك لو تدخلت والدتي أو والدتك في حياتنا الشخصية؟
كمان الاسئلة اللى كتبوها الاعضاء مشكورين هتقدرى تعرفى منها حاجات برضوه
ربنا يعينك
وربنا يوفقك وتفرحينا

راغبة الجنة
06-29-2009, 01:09 PM
جميل الموضوع..
اكرمكِ الله ورزك الزوج الصالح الخلوق الحنون..
متابعة..08#

((fatma))
06-29-2009, 03:54 PM
ســـارة ..
كلامك كله جميل جداً ..بس ليا تعليق عالنقطة دي


9- اسئليه عن مواصفات شريكة حياته ...

مممم
مش حاسة انه اول مقابلة ينفع فيها السؤال ده ..
لشدة إحراجهم وتوترهم هما الاتنين مش هتخلي إجاباتهم زي ما كانوا محضرين ..
يعني كونه في أوي مقابلة تسأله ايه مواصفات شريكة حياتك هتخلي لسانه يتلجِّم
هيكون محرج يقول اللي فعلاً كان بيحلم بيه في شريكة حياته ..
وممكن يلغبط في الكلام ..وتفهم هي معنى تاني غير اللي يقصده ..

أعرف واحدة من أول مقابلة ..في وسط الحوار
قالتله : اشمعنا انا؟؟

السؤال بصراحة كل بنت بتبقى عاوزة تسأله حتى من قبل ما تشوفه ..
بس فجأته بيه وهو متوتر راح قايلها علشان الشغل وهسافر وعلشان تبقى معايا
الكلام ضايقها جداًُ ..
قالت يعني هو جاي يتجوزني عشان ابقى معاه وهو مسافر ..
ده جواز مصلحة
طبعاً هو ميقصدش الكلام اللي قاله لأنه أصلاً مستنيها من سنين ..

لكن الكلام والموقف خانه ..
في حواجز كتير تمنعهم هما الاتنين من انهم يصرحوا بالمسألة دي في الوقت ده ..

حبارير
06-29-2009, 04:09 PM
بصي

رأيي انك توضحي له نقطة مهمة جدا

قولي له انك محتارة تتكلمي ولا لأ

ليه

لأنك لو تكلمتِ ممكن الظن انك جريئة !!

ولو سكتِ احتمال الظن انك خام ولخمة و... وما تنفعش في الحياة

واسأليه اتصرف ازاي دلوقت ؟
وتبعا لاختياره تصرفي
لأن فعلا مقاييس العرسان بتختلف باختلاف شخوصهم

كده

تكوني خرجت من الحرج وعرفت اختياره هو فيمن يريدها زوجة


ثانيا
أرجوكم الانسان لا يقاس بالأسئلة الإحصائية بل بالأسئلة الانسانية

احصائية زي : حافظ اد ايه ...بتصلي فين وتسمع مين وتقرأ ايه
وان كانت مهمة .. لكن الأهم
الأسئلة الانسانية زي:

تصوركل منكم عن الزواج والحياة الزوجية والبيت والتعامل والحياة عامة

ربنا يعينكم

وطبيعي جدا اختلاف الشخصيات وغالبا مع العشرة وتقارب وجهات النظر

تصبح الحياة سعيدة

بعد مرور سنة من الزواج

لأن أول سنة احتكاك بين شخصين جديدين فطبيعي جدا اكتشاف أمور تستغرب شوية

فالصبر والفهم والرفق بينكما مهم جدا جدا أول سنة

وعليه ستستمر الحياة

ملحوظة

35% من حالات الطلاق بمصر في السنة الأولى من الزواج لعدم الصبر أو عدم القدرة على التكيف معا . والله أعلم

رواء الروح
06-29-2009, 04:25 PM
نفس كلامهم
اهم حاجة .. صلاة الاستخارة
و تخليكِ على طبيعتك
كأنها زيارة عادية

وربنا يقدرلك الخير


د. أسماء

معلش خارج الموضوع


توقيعك منتهى الروعة

وعميييييييييييييييييييييييق

ربنا يراضيكي

--


أختي الكريمة الحيرانة

استمعي له

واسأليه "بلطف"

مش سين وجيم يعني :)

وما تقلقيييييييييش خالص

ربنا يقدرلك الخير كله يا حبيبتي بإذن الله

بس احكيلنا حصل ايه :)

رواء الروح
06-29-2009, 04:31 PM
فجأتك بطبع مش اللى هو... (زى واحده صديقه قاعده فى رؤيه .. و صاحبنا بدء يقلب كوباية النيسكافيه بالمعلقه ...وبعد ما انتهى من التقليب وراح لاعق الملعقه ).. كان هيغمى عليها



ههههههههههههههههههههههههههههههههههههه

وواحد بعد أول مقابلة

مامتها قالت نشوفه في بيته

راحوا قابلهم بشبشب الحمام

وأبوه وأخوه حافيين :)

يا جماعة الحجات دي فعلا مهمة

بتدي انطباع مش اللي هو يعني :)

ربنا يوفقك يا بنتي

رواء الروح
06-29-2009, 04:36 PM
اسئليه عن مميزات شخصيته و عيوبه .. هيبان لك حاجت كتير

فكرة بردو

عملتها

عريس مرة قابلته قاللي مليش عيوب !!!!!!!!!!!!!!!!!

سبحان الله بعدها يبانلك ايييييييييه

هههههههههههه

طبعا لأن مفيش حد مفيهوش عيوب :)

ندى عياش
06-29-2009, 10:15 PM
على فكرة الشخص اللي قدامك هو اللي هيحدد طريقتك في التعامل معاه ..
لوكان على طبيعته وقليل التوتراً وهو بيتكلم وهزر وضحك(بحدود طبعاً)
هتلاقي عقدت لسانك اتفكت شوية ..
وهتدخلي في الحوار وتناقشي ..


صحيح ... بس صدقيني مش دايما

انا زي ما قلت ... ابن عمتي كان قدامي

و هو من الناس اللي بيتكلموا و بيهزروا

و مع كده كنت قافشة

يمكن عشان كنت حاسمة رايي بالرفض يعني

ممكن ...

احتمال و الله !

دكتورة اسماء
06-29-2009, 11:52 PM
د. أسماء

معلش خارج الموضوع


توقيعك منتهى الروعة

وعميييييييييييييييييييييييق

ربنا يراضيكي

--




د / رواء ::warda::

جزاكِ الله خيـــرا

حضرتك أروع و الله

ربنا يبارك لنا فيكِ يارب

و ينفع بحضرتك دايما ..

اللهم آمين

(نارا حكت لي عن حضرتك كتيـــر النهاردة ..
فعلا شوقتني اني اتعرف على حضرتك ..
أتمنى ده يحصل عن قريب ان شاء الله )

سندريلا
06-30-2009, 01:11 AM
يا ســـــــــــــــــــــــارة :ker:

الله يحظك !!

...

أستاذ حبارير

مع احترامى طبعا لرأى حضرتك

مش شايفة انه أفضل انها تسأله ولا لأ

ده هايبين حيرتها ولخمتها أكتر

كمان ممكن يخليها تبان كواحدة مش قادرة تاخد قرار أو مترددة

ممكن فعلا يدى الإنطباع ده

ياجماعة الحكاية مش فتح عكا

الموضوع ايسر من كدا بكتير

وبصراحة

مش مع فكرة الترتيب بالورقة والمسطرة والقلم وعلبة الأدوات الهندسية دى

التلقائية والطبيعية هم الأفضل هنا

ووالله لما بيكون فيه نصيب الموضوع بيمشى زى السكينة فى الحلاوة

من غير اى تراتيب ولا كلاكيع

انتو ناس منفسنة :ker:



ويجعله عامر

حبارير
06-30-2009, 08:47 AM
أستاذة سندريللا

الحيرة وعدم القدرة على أخذ القرار سيكون واقعا لكليهما

اجعليها تسأله كيف يفسر لو تكلمت وكيف يفسر لو سكتت ،تصوره مهم ...من خلاله تبني تصرفها

هي بذلك ترمي الكرة في ملعب لو هانتصرف سياسة ومعركة، ولو مش سياسة ومعركة وجولة تكون هي بذلك صادقة فعلا في موقفها حينئذ انه محير؛لأنه مبني على تصوره هو عن تصرفها وتصوره بالطبع مجهول لها حتى تسأل ، والتلقائية أفضل طبعا وأن يكون الانسان نفسه في كل أموره ولا يكون غير نفسه فيتكلف

وعموما

ليس هناك شئ في الحياة يجري كما نرتب له بالصورة ذاتها

وموضوع الخطوبة أو الزواج بالذات فيه تعاجيب


ربنا يوفق شباب المسلمين جميعا (ولاد وبنات)

راغبة الجنة
06-30-2009, 12:30 PM
هى حيرانة فيــــــــــــــــــــن؟؟!

سندريلا
07-02-2009, 03:18 AM
]تلاقيها بتتابع فى الأستخبس

تكونش انتى أصلا ياراغبة :ker:
[/COLOR]