المساعد الشخصي الرقمي

مشاهدة النسخة كاملة : الخروج بالملابس الداخلية .. موضة هذا العام



منة الله
06-25-2006, 09:19 AM
يقولون ... لا جديد بعالم الأزياء
ياهل ترى
فما يطلقون عليه موضة العام هو فى الأصل كان موضة لعام سبق مع ادخال بعض اللمسات الطفيفة عليه لزوم الأبتكار الممزوج بتدني الذوق العام ..
لزوم خلي الشعب يعيش .. لزوم التخلص من بواقي قماش عندهم بالمخازن قياس القطعة منها لا تزيد عن المتر 08#
أهو أي لزوم و السلام
:hshshs:
كان الله في عون صناع الموضة

يحملون على عاتقهم رسالة و لا أعظم في هدم القيم
و اباحة العري و إظهار الكاسيات العاريات فى أبهى شكل ممكن
و كلهن في العري سواء محجبات كن أم غير محجبات


و برغم محاولتهم المستميته كل عام فى تحديث القديم أو خلق أفكار لعري أكثر و أكثر و أكثر.. إلا إن صيف هذا العام جاء مختلفا تماما فى شطحته أقصد في موضته عن كل عام

ربما لانهم ضاقوا زرعا فى إيجاد أفكار جديدة مستوحاه من موضات أعوام سابقة حتى استقر شيطانهم على فكرة لم تبلى مع التكرار كسابقتها و لم تستوحى من فكرة استهلكت من قبل
::v.happy:
موضة هذا العام بسيطة و غير مكلفة بالمرة
و حتى تسايري هذه الموضة عزيزتى المحجبة أو غير المحجبة
كل ما عليك أن تنتقى من ملابس نومك
كل ما هو ضيق و شفاف و قصير و يا حبذا لو كان مزين بالدانتيل و كل ما هو لامع و ساخن و ملفت للنظر
#5# #5# #5# #5# #5# #5#
فقط .. ارتديه بحرية كاملة فوق أى بدي أو بدون بدي (مش فارقه)08#
و معه بنطلون سترتش بما يتوافق مع لون قطعة الملابس الداخلية المنتقاه
( البدي لمن لا يعرف هى قطعة من الملابس مرشوشة على جسد الفتاة و يسرى هذا التعريف على البنطلون الاسترتش ايضا )

و لا عزاء فى الحياء
||-125-|| ||-125-|| ||-125-||

امنية
06-25-2006, 02:26 PM
والله يا منمونة عندك حق بس الحق مش عليهم الحق على اهلهم اللى سابوهم يعملوا كده:maaaad:

radwa
06-25-2006, 05:04 PM
هو اساسا ما بقاش فى قماش كفايه فى البلد كل حاجه ناقصه

البلوزه ناقصه كم

والجيبه مقطوعه وماعرفوش يكملوها ( تقريبا الترزى اللى عملها مات قبل مايكملها ) وبالتالى ماحدش يقدريعدل عليه

البنطلون قصير ( اصل الجيل الحالى كله اقزام )

وماشاء الله على الترتر والخرز اللى ماليه الهدوم ( دى الموضه ياجماعه ) 11#


بس كل واحدة مننا فيه عقل يفكر وتميز بيه

ويشوف اللبس ده مناسب ليها ولأخلاقها ودينها ولا مش مناسب

بس للأسف مش بقى فى حد بيفكر كله بيدور على الموضه والشياكه ( مع انى مش شايفه اى نوع من الشياكه فى الموضه )

العيب على التربيه الغير صحيحه
والاساس فى كده الاهل والبيت اللى بيبصوا على لبس بنتهم ويسكتوا ( خليها تعيش حياتها وسنها :maaaad: )

اعتقد ان الموضه بعد كده انه مش هيكون فى لبس اصلا وهنمشى تبع مبدأ تحرير المرأه من هدومها

اللهم احفظنا

**يقين**
06-25-2006, 11:23 PM
11#

كل ما عليك أن تنتقى من ملابس نومك
فقط .. ارتديه بحرية كاملة فوق أى بدي أو بدون بدي

فكرتينى بحاجة.. أنا الدار اللى باحفظ فيها فى شارع اللاجيتيه ..الشارع دة معروف فى اسكندرية انه شارع مليان محلات ملابس زى النبى دانيال و شوارع تانية فى اسكندرية ..المهم بعد ما اخلص الحلقة ..باحب اتمشى فيه اشوف احدث هلاهيل أأأأأأأأأأأأأأقصد خطوط الموضة B) ..

بجد نفس تعليقك كدة ..قلت ايه دة مش المحل دة بتاع ملابس خروج ..ايه اللى جاب ملابس النوم وسط ملابس الهدوم ::v.happy:

أحلى حاجة بقى ..واحدة صاحبتنا بتحب تواكب الموضة ..لقيتها جاية لابسة حاجة من دى ..بس تحتها بدى الحق يتقال B)
و جاية بتضحك "ايه رأيكم فى لبسى الجديد.. هههههه ..أصلى كنت مستعجلة و نزلت بهدوم البيت ..هأهأهأهاها ||-143-|| "

قلت ايه دة ..يعنى حتة اللى بيشتروا الحاجات دى و يلبسوها عارفين انها هدوم بيت !!!!!!!!!!!! ||-125-||

بس سبحان الله ..المحلات هى هى فيها حاجات جميلة و طويلة و تستر البنت بجد.. بس الظاهر الناس تفضل الخروج بالملابس الداخلية :d2


منة الله ..شكرا على موضوعك ||-143-||

أحمد سليمان
06-26-2006, 09:50 AM
طيب و احنا



احنـــــــــــــا



ليه محدش فكر فينا


هو مفيش موضه صيفى للشباب


يعنى نواكب التطور حتى

أو نأزر بنات بلدنا بردوا علشان ما يحسوش بالغربه 010# 010# 010#

radwa
06-26-2006, 01:03 PM
طيب و احنا



احنـــــــــــــا



ليه محدش فكر فينا


هو مفيش موضه صيفى للشباب


يعنى نواكب التطور حتى

أو نأزر بنات بلدنا بردوا علشان ما يحسوش بالغربه 010# 010# 010#

واحنا هنحس بالغربه ليه يعنى ؟؟؟ :maaaad:

ما انتوا بردو طالعه لكم موضه عجيبه بس انتوا بتختلفوا عننا انهم بيراعوا جميع الازواق

فى ملابس غريبه كده بشوف بعض الاولاد لابسينها حاجه كده بتبقى شبه لبس البنات الى حد ما اللى هى يعنى البديهات الاولاد دلوقتى بيلبسوها وبشوفها فى محلات كتير

لكن مع ذلك فى اللبس الطبيعى قميص , تيشرت , بنطلون جينز طبيعى ( مش الغريب اللى بشوفه ده ) يعنى موجود اللى يناسب كل الاذواق

لكن احنا بقى عينى علينا 11#

ندمت اشد الندم لما نزلت اشترى لبس من فتره كده

مش لاقيه حاجه عدله حتى الطويل والمحترم بقى مقطع :ker:

تقريبا كده القماش قصر معاهم ولا الخيط خلص منهم ومش عرفوا يكملوا او ممكن يكون الترزى مات

يعنى الله اعلم باللى حصل معاهم ( موضه اخر الزمن )

لما الموضه دلوقتى كده .. بعد 15 سنه هتكون ازاى ؟؟؟ #20#

^MB^
06-26-2006, 03:50 PM
طيب و احنا
احنـــــــــــــا
ليه محدش فكر فين
هو مفيش موضه صيفى للشباب



يعنى مش عاجبك المقطع والساقط واللى فوق الركبة والمرقع والمكرمش :maaaad:

dr.tiger
06-26-2006, 09:51 PM
وانا اللى كنت بحسب ان تحرر المرأه هى ان تتحرر من افكار الجاهليه
طلع انهم كانو يقصدوا تحررها من وقارها واحترامها لنفسها
منهم لله واللهم ثبت الملتزمات منهن

ولى تعقيب


||-143-|| ||-143-|| ||-143-|| ||-143-|| ||-143-|| ||-143-|| لو فكرتى فى الجمله التاليه هتلاقى انه لا يصح ان تقال




لزوم رزق الهبل على المجانين..
||-125-|| ||-125-|| ||-125-|| لان الله هو الذى يرزقنا نحن والهبل والمجانين
ياريت تحذفيها وشكرا

MeeRo
06-26-2006, 11:05 PM
تقريباً مفيش فرق بين الولد و البنت فى الموضة ..عارفين المثل "العين بالعين و السن بالسن..."اهو فى عصرنا هذا بقى اللبس باللبس الولد سقط البنطلون , البنت كمان سقطتوا .. البنت لبست مقطع الولد كمان لبس مقطع .. البنت لابسه قصير الولد يلبس بادى قصير *لزوم البنطلون الساقط* الحكومة شكلها عاملة طول معين للملابس اللى يزود يدفع غرامة و طبعاً الكل بيتفادى الحكومة و كلوا يقص و يقصر و غالباً كدة فى بند من البنود فى ملفات بيوت الازياء و الموضة ان اللى هيجيب بنطلون لازم يكون للبنطلون شروط : واقع , مقطع , متوسخ " الموضةال dirty" . غير كده يفضل تلبس جلابية احسن..و الشعر اللى مرة سبايك و مرو فيرستش و مرة عامل زى الليفة و كبير و مرة اصلع..و ليه وجع الدماغ..البس طربوش


اما البنت لازم البادى الضيق و الشعر المكوى و المفرود و الcurly و الجيبة اللى فوق الركبة ب 3 او 4 شبر و الجزمة اللى بتطرقع اثناء المشى و الهدوم اللى كلها شبك يكشف المستور و لازم الهدوم لازم تكون ماركة و style و على الموضة و المكياج و الاصفر و الاحمر و الالوان الفاقعة اللى بتحطها البنات


طب هقولكم حاجة لما الواحدة تلبس كدة و تبص لبنت غيرها و تقول دى بتعرضها و عايزة الولاد يبوصلها الى اخره ...هى البنت نفسها بتعمل كده لية لما هى فى الاصل زى اللى هى بتتكلم عليها ؟

و كمان الحمل مش على الشباب بس..لكن على اولياء الامور كمان اللى يقولوا للشباب " عيشوا حياتكم, الايام دى مش هترجع تانى, لما تكبر مش عارفة هيحصلك اية , خليك على الموضة و عيش ايام الشباب" و مين ضامن انوا يعيش لحد ال20 او 50 او 80 او ميكملش 15 سنة..كل ده بدل ما يقول لابنه او بنتوا قوم/قومى صلى....كمان اعان الله المحجبات فى شراء اللبس دلوقتى

منة الله
06-26-2006, 11:24 PM
والله يا منمونة عندك حق بس الحق مش عليهم الحق على اهلهم اللى سابوهم يعملوا كده:maaaad:
و الله يا عزيزتي أمنية محدش عارف الحق بقى على مين بالظبط
فيه حاجة غلط قلبت الاوضاع و عكست الصورة و شوهت الجمال و محت الايمان
اللهم عافينا


هو اساسا ما بقاش فى قماش كفايه فى البلد كل حاجه ناقصه
البلوزه ناقصه كم

ناقصة بلوزه و انت الصادقه:D

والجيبه مقطوعه وماعرفوش يكملوها ( تقريبا الترزى اللى عملها مات قبل مايكملها ) وبالتالى ماحدش يقدريعدل عليه
على كده ترزية البلد كلهم ماتوا الله يرحمهم بس البركة فى جيل الترزية الناشئ بقى:D


البنطلون قصير ( اصل الجيل الحالى كله اقزام )
http://www.mowjeldoha.com/mix-pic/animated-gif/animat-105/gnom014.gif
:ker: :ker: :ker: :ker:


وماشاء الله على الترتر والخرز اللى ماليه الهدوم ( دى الموضه ياجماعه ) 11#
مش هدوم نوم بقى
عايزاها سادة كده من غير دانتيل و لا ترتر و لا خرز:maaaad:
حقيقى معندكيش حق بجد يا رضوى:maaaad:


بس كل واحدة مننا فيه عقل يفكر وتميز بيه
ويشوف اللبس ده مناسب ليها ولأخلاقها ودينها ولا مش مناسب
بس للأسف مش بقى فى حد بيفكر كله بيدور على الموضه والشياكه ( مع انى مش شايفه اى نوع من الشياكه فى الموضه )

غيرك للأسف نظره شيش بيش مبيشوفش خالص 08#


العيب على التربيه الغير صحيحه
والاساس فى كده الاهل والبيت اللى بيبصوا على لبس بنتهم ويسكتوا ( خليها تعيش حياتها وسنها :maaaad: )

صحيح خليها احنا مزعلين نفسنا ليه#9#
واحده و بتنام و تخرج بنفس اللبس حيجرى ايه فى الدنيا يعنى
دا حتى اختصار للوقت و للفلوس
ناس بتفهم بجد:clab:

اعتقد ان الموضه بعد كده انه مش هيكون فى لبس اصلا وهنمشى تبع مبدأ تحرير المرأه من هدومها
هو لسه هيكون
ما هو كان خلاص و اللى كان كان009#

radwa
06-27-2006, 12:24 AM
غيرك للأسف نظره شيش بيش مبيشوفش خالص 08#

خلاص تيجى تقول لى وانا اعملها نضاره على حسابى 010#



هو لسه هيكون
ما هو كان خلاص و اللى كان كان009#

حاليا التحرير من جزء من هدوم المرأه يعنى المقطع والقصير والشبك والمفتوح

والحمد لله انهم بينزلوا بهدوم البيت

لكن بعد كده مش هيبقى فى هدوم من اساسه والنزول من غير هدوم

والمقطع والقصير هيتلغوا تماما ماهو جه الاشيك #20#

منة الله
06-27-2006, 01:51 AM
11#
فكرتينى بحاجة.. أنا الدار اللى باحفظ فيها فى شارع اللاجيتيه ..الشارع دة معروف فى اسكندرية انه شارع مليان محلات ملابس زى النبى دانيال و شوارع تانية فى اسكندرية ..المهم بعد ما اخلص الحلقة ..باحب اتمشى فيه اشوف احدث هلاهيل أأأأأأأأأأأأأأقصد خطوط الموضة B) ..

بجد نفس تعليقك كدة ..قلت ايه دة مش المحل دة بتاع ملابس خروج ..ايه اللى جاب ملابس النوم وسط ملابس الهدوم ::v.happy:



هو يظهر و الله اعلم ان واحد من اصحاب المحلات دي قرر يعمل توسيعات على اساس انه يبيع كل انواع ملابس النساء سواء داخلية او خارجية بس نسى يعمل اعلان على ان محله بيشمل كمان ملابس داخلية
و عشان زبوناته متعودين يشتروا هلاليل الخروج قصدى هدوم الخروج من عنده فلما شافوا هدوم النوم جنب الهدوم العادية افتكروها موضه و من يومها اول واحدة خرجت بقميص النوم الكل قلدها على انها موضة السنة دى
:ker: :ker: :ker:


أحلى حاجة بقى ..واحدة صاحبتنا بتحب تواكب الموضة ..لقيتها جاية لابسة حاجة من دى ..بس تحتها بدى الحق يتقال B)
و جاية بتضحك "ايه رأيكم فى لبسى الجديد.. هههههه ..أصلى كنت مستعجلة و نزلت بهدوم البيت ..هأهأهأهاها ||-143-|| "

قلت ايه دة ..يعنى حتة اللى بيشتروا الحاجات دى و يلبسوها عارفين انها هدوم بيت !!!!!!!!!!!!

شباب عملى لسه هيغير هدومه الصبح
دا حتى وقتهم الثمين اغلى من الكلام الفارغ ده08#


بس سبحان الله ..المحلات هى هى فيها حاجات جميلة و طويلة و تستر البنت بجد.. بس الظاهر الناس تفضل الخروج بالملابس الداخلية :d2
الدنيا صيف و حر بقى
كل سنة و انتى طيبة:D



منة الله ..شكرا على موضوعك ||-143-||

يقين .. شكرا على تعليقك الظريف::warda::

منة الله
06-27-2006, 02:02 AM
طيب و احنا



احنـــــــــــــا



ليه محدش فكر فينا


هو مفيش موضه صيفى للشباب


يعنى نواكب التطور حتى

أو نأزر بنات بلدنا بردوا علشان ما يحسوش بالغربه 010# 010# 010#

متقلقش قريب جدا حتلاقى شوارع البلد كلها بلاج مفتوح
زى حديقة الحيوانات المفتوحة كده اللى بنسمع عنها
الكل واخد راحته و شارد مع نفسه#20#

منة الله
06-27-2006, 02:13 AM
لما الموضه دلوقتى كده .. بعد 15 سنه هتكون ازاى ؟؟؟ #20#
وقتها حتلاقى الام من دول بتتنهد بحصرة على ايام زمان و هى بتحكى لبنتها و بتقولها على ايامنا كانت البنات فعلا محترمه و بتتكسف مش زى جيلكم ده
تصورى يا بنتى كنا بنخرج بقمصان النوم مستورين كده مش زيكم
كلكم بقيتوا عاملين زى زباين قهوة الموظفين بتاعة مصطفى حسين و احمد رجب
::laaf:: ::laaf:: ::laaf::

منة الله
06-27-2006, 02:23 AM
يعنى مش عاجبك المقطع والساقط واللى فوق الركبة والمرقع والمكرمش :maaaad:
عنده حق مفيش مساواه برضه
ايش جاب المقطع والساقط واللى فوق الركبة والمرقع والمكرمش لموضة الملابس الداخلية
بجد بجد لازم شباب البلد يعمل مظاهرة يطالبوا بالمساواة :maaaad:

منة الله
06-27-2006, 02:29 AM
وانا اللى كنت بحسب ان تحرر المرأه هى ان تتحرر من افكار الجاهليه
طلع انهم كانو يقصدوا تحررها من وقارها واحترامها لنفسها
منهم لله واللهم ثبت الملتزمات منهن


اللهم آمين



ولى تعقيب


||-143-|| ||-143-|| ||-143-|| ||-143-|| ||-143-|| ||-143-|| لو فكرتى فى الجمله التاليه هتلاقى انه لا يصح ان تقال




لزوم رزق الهبل على المجانين..
||-125-|| ||-125-|| ||-125-|| لان الله هو الذى يرزقنا نحن والهبل والمجانين
ياريت تحذفيها وشكرا


الاخ الكريم اول شئ التعديل ممنوع بعد مرور يومين من المشاركة
تانى شئ انا شايفه العبارة مفيهاش حاجة لان معناها واضح للكل و لا يقصد به معنيين فيضلل القارئ
الرزق بامر الله شئ مفروغ منه اما معنى الجملة حرفيا مش زى ما حضرتك تصورتها
معناها ان تربح بعض ضعاف العقل بيكون بسبب جنون البعض و فراغة عقله

radwa
06-27-2006, 02:43 AM
طبعا وراهم مسؤليات كتيره #20#

لسه هيقوم يغير هدومه .. ناس مابتقدرش :maaaad:


لدنيا صيف و حر بقى
كل سنة و انتى طيبة
طبعا لازم يلبسوا لبس مالوش لازمه عشان مايحسوش بالحر :D

عايزاهم يعنى يمشوا مخنوقين


حتلاقى الام من دول بتتنهد بحصرة على ايام زمان و هى بتحكى لبنتها و بتقولها على ايامنا كانت البنات فعلا محترمه و بتتكسف مش زى جيلكم ده
تصورى يا بنتى كنا بنخرج بقمصان النوم مستورين كده مش زيكم
كلكم بقيتوا عاملين زى زباين قهوة الموظفين بتاعة مصطفى حسين و احمد رجب



:ker: :ker: :ker: :ker: :ker:

النسر الذهبى
06-27-2006, 03:23 PM
له فى خلقه شؤون

امال مين الى هيدخل جهنم ؟؟؟؟؟؟؟؟؟؟

اسطى زينهم الحلاق
06-27-2006, 03:43 PM
اسكندرية الصيف ده

مؤلمة جدا

يعنى فعلا

ربنا يستر علينا

abu_eldahab
06-27-2006, 07:38 PM
أما انتوا مجتمع ذكوري صحيح زي ما بيقولوا

ما تسيبوا البنات ياخدوا حريتهم زي الولاد ولا ملهمش نفس :maaaad:


=============

والله يا جماعة فعلا الواحد مبقاش عارف يعمل ايه !||-143-||

ربنا يعافينا يارب من الي الواحد بيشوفه ومبقاش فيه حياء خلاص

لا مترو بنسلم ولا مواصلات ولا حتي الواحد يعرف يشم شوية هوا لواحده

دا احنا الي بقينا بنتعاكس دلوقتي !!!

للأسف الي بيحصل دا مدروس ومخطط من زمان من اعلام يدار بأفكار غربية علمانية الي تربية بعيدة كل البعد عن الأخلاق الي تلميع من يخدم مصلحتهم ممن ينتسبوا الي أهل العلم من باب الاسلام لا يمنع حرية المرأة الي منظمات حرية المرأة ونشاطها المعروف ومعروف من يقف خلفها ويدعهما

بس الحمد لله مهما كان فيه مبشرات والله

والواحد بقي بيشوف اخوات كتير وهو ماشي في الشارع ما شاء الله عليهم والله أري الأخت التي ترتدي النقاب أجمل امرأة في الدنيا ذات اللحم الغالي الذي حفظته عن أعين الجميع

ومع حزني لان بعض البنات اعتبرت النقاب موضة كمان !! والواحد بيشوف تعاملات غريبة لا يمكن ان تصدر من بنت حفظت نفسها بالنقاب

سبحان الله كل دا في ميزان سيئاتك يا هدي شعراوي ان شاء الله :)

منة الله
07-04-2006, 12:21 AM
طب هقولكم حاجة لما الواحدة تلبس كدة و تبص لبنت غيرها و تقول دى بتعرضها و عايزة الولاد يبوصلها الى اخره ...هى البنت نفسها بتعمل كده لية لما هى فى الاصل زى اللى هى بتتكلم عليها ؟

لأن عيوب غيرنا دايما واضحة و جلية و كل انسان شايف نفسه كامل الاوصاف و فوق أى غلط و يا ويله اللى يفكر ينقد لبسه او تصرفاته اما هو ينقد براحته مفيش مشاكل ::v.happy:


كمان الحمل مش على الشباب بس..لكن على اولياء الامور كمان اللى يقولوا للشباب " عيشوا حياتكم, الايام دى مش هترجع تانى, لما تكبر مش عارفة هيحصلك اية , خليك على الموضة و عيش ايام الشباب" و مين ضامن انوا يعيش لحد ال20 او 50 او 80 او ميكملش 15 سنة..كل ده بدل ما يقول لابنه او بنتوا قوم/قومى صلى....كمان اعان الله المحجبات فى شراء اللبس دلوقتى

كل المشاكل اللى احنا فيها سببها الجهل بديننا
ربنا يهدى الاباء قبل الابناء

مروة
شكرا لمرورك و تعليقك ::warda::

منة الله
07-04-2006, 12:25 AM
له فى خلقه شؤون

امال مين الى هيدخل جهنم ؟؟؟؟؟؟؟؟؟؟
ربنا يطلعنا منها على خير و يحسن ختامنا و يسترنا فوق الارض و تحت الارض و يوم العرض عليه

منة الله
07-04-2006, 12:28 AM
اسكندرية الصيف ده

مؤلمة جدا

يعنى فعلا

ربنا يستر علينا
مش الاسكندرية بس دى مصر كلها بقت مصيف كبييييير 08#

radwa
07-04-2006, 12:35 AM
احلى حاجه بقى فى الصيف والحر تلاقى البنت كويسه وبنت حلال ولابسه الحجاب

وطبعا لابسه معاه البدى والبنتاكور او البنطلون البرموده

وهى واهلها رايحين يصيفوا #5#

تلاقى االبنت وهى نازله البحر تخلع الحجاب والبرموده يتحول لشورت 11#

وبالليل هتخرج تتفسح مع اقاربها #20#

تلاقى الحجاب بردو مخلوع والشعر الغجرى سايب وبيطيييييييييييييير مع الهواء الساقع









انا شفت نماذج من دى كتير بصراحه كنت هطق وافرقع من الغيظ

اللهم احفظنا وثبتنا

منة الله
07-04-2006, 12:38 AM
أما انتوا مجتمع ذكوري صحيح زي ما بيقولوا

ما تسيبوا البنات ياخدوا حريتهم زي الولاد ولا ملهمش نفس :maaaad:

احنا فعلا فى مجتمع ذكورى مش رجالي
الرجالة صعب تلاقيهم اما الذكور فكتييييييييييييير و كلهم زي قلتلهم
زيهم زى الحريم يمكن الحريم اجدع منهم كمان:maaaad:




للأسف الي بيحصل دا مدروس ومخطط من زمان من اعلام يدار بأفكار غربية علمانية الي تربية بعيدة كل البعد عن الأخلاق الي تلميع من يخدم مصلحتهم ممن ينتسبوا الي أهل العلم من باب الاسلام لا يمنع حرية المرأة الي منظمات حرية المرأة ونشاطها المعروف ومعروف من يقف خلفها ويدعهما

بس الحمد لله مهما كان فيه مبشرات والله

والواحد بقي بيشوف اخوات كتير وهو ماشي في الشارع ما شاء الله عليهم والله أري الأخت التي ترتدي النقاب أجمل امرأة في الدنيا ذات اللحم الغالي الذي حفظته عن أعين الجميع

ومع حزني لان بعض البنات اعتبرت النقاب موضة كمان !! والواحد بيشوف تعاملات غريبة لا يمكن ان تصدر من بنت حفظت نفسها بالنقاب

سبحان الله كل دا في ميزان سيئاتك يا هدي شعراوي ان شاء الله :)
على قد ما منحنى الانحلال فى ارتفاع
كمان منحنى الاحتشام و الحياء فى ارتفاع و ارجع و اقول
لم يعد الحجاب وحده دليل على دماثة الخلق و التدين و الحياء
نسأل الله السلامة

هوس بوس
07-10-2006, 04:42 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه


يعنى على مااظن كل واحده عارفه هى بتلبس ايه
وعارفه اللى لابساه ده محترم ولا :ker:


معدش حد صغير او مش فاهم


احسن حاجه مادام انتى عارفه الصح ( اعمليه )

وملكيش دعوه باللى حواليكى


موضه باه او مش موضه مش فارقه


ايام الرسول صلى الله عليه وسلم مكنش فى حاجه اسمها موضه
كان في حاجه اسمها ستر واحتشام


وبس



سلامووو
::v.happy:

منة الله
07-25-2006, 01:05 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه


يعنى على مااظن كل واحده عارفه هى بتلبس ايه
وعارفه اللى لابساه ده محترم ولا :ker:


معدش حد صغير او مش فاهم


احسن حاجه مادام انتى عارفه الصح ( اعمليه )

وملكيش دعوه باللى حواليكى


موضه باه او مش موضه مش فارقه


ايام الرسول صلى الله عليه وسلم مكنش فى حاجه اسمها موضه
كان في حاجه اسمها ستر واحتشام


وبس



سلامووو
::v.happy:

صح
ليس كل ما هو موضة يناسب اسلامنا
بس تقول لمين
الحجاب المتبرج ساد و بقى موضة و للأسف على قد ما هو بيسئ للاسلام بيسئ للبنت اللى لابساه نفسها
نسأل الله الهداية

Elshared
07-28-2006, 10:30 PM
والله الموضوع ده خلاص شبعنا كلام فيه

ولا تعليق

منة الله
07-28-2006, 10:50 PM
والله الموضوع ده خلاص شبعنا كلام فيه

ولا تعليق
حضرتك مش فاهمة شبعنا ازاى يعنى

جوارح
09-14-2006, 09:10 PM
موضوع جميل :)

أم منة ازي حضرتك ؟ ، يارب تكوني بخير ..

زمان والله :)

منة الله
09-14-2006, 09:23 PM
موضوع جميل :)

أم منة ازي حضرتك ؟ ، يارب تكوني بخير ..

زمان والله :)
مؤؤؤؤؤؤؤؤؤؤؤؤؤؤؤؤؤيد صح؟؟؟:D
ازيك يا طيب و ازى احوالك
منور و الله و كل عام و انت بخير
جميلة اطلالتك و يا رب ما نتحرم منها ::warda::

جوارح
09-14-2006, 11:39 PM
:d :d


بخير أنا والحمد لله

كل سنة وانتي طيبة يا أم منة

شفتي الأيام مرت قوام :)

يلا، ربنا يوعدنا بالجنة :)



- اعتذر منك يا ام منة ومن القراء، بس أصله مينفعش خاص وأنا اللي حيلتي 4 مشاركات ولا 5 :)، ومقدرتش أستنى لحد ما يبقوا 35 :)

أنا هروح أقرأ الموضوع بجد بقى :d

سلامو عليكم:)

أحمد الله
09-14-2006, 11:55 PM
سلامو عليكو الاول
يا جماعة انتو ليه بتظلمو الموضة ام الملابس الداخلية وملابس النوم
ما يمكن العيب فيكو
يعنى ممكن اللى انتو شوفتوهم ناس كانت ماشية وهيا نايمة
اظن كده ماعلهمش عيب
صح ؟؟؟
او كان ده منتهى الحرية ..................
وعملو كان البيت بيتهم
يعنى دى ناس ما خلطتش
كنت عايز اسال سؤال هام جدا ................
اللى انتو شوفتوهم ( بعد اذنكو طبعا ) كانو لابسين فى رجلاهم شبباشب
لو كانو لابسيين يبقى هما عملو اللى عليهم واكتر كمان ............ مش عايزيين يوسخو الارض اكتر ما هما موسخنها


هو ده مش منتدى فكاهى بردو ولا انتو هنا بتكلمو عن ايه
بااااااااااااااااى
اصل انا مستعجل

منة الله
09-15-2006, 12:38 AM
:d :d


بخير أنا والحمد لله

كل سنة وانتي طيبة يا أم منة

شفتي الأيام مرت قوام :)

يلا، ربنا يوعدنا بالجنة :)



- اعتذر منك يا ام منة ومن القراء، بس أصله مينفعش خاص وأنا اللي حيلتي 4 مشاركات ولا 5 :)، ومقدرتش أستنى لحد ما يبقوا 35 :)

أنا هروح أقرأ الموضوع بجد بقى :d

سلامو عليكم:)

عليكم السلام و رحمة الله و بركاته و كل عام و انت يا رب بخير و صحة و سعادة و رضوان من الله
لا عليك المنتدى منتداك و يا رب نشوفك دايما و نشوف مشاركاتك وصلت 3500 مش 35 بس
نورت يا مؤيد و الله::warda::

منة الله
09-15-2006, 12:39 AM
سلامو عليكو الاول
يا جماعة انتو ليه بتظلمو الموضة ام الملابس الداخلية وملابس النوم
ما يمكن العيب فيكو
يعنى ممكن اللى انتو شوفتوهم ناس كانت ماشية وهيا نايمة
اظن كده ماعلهمش عيب
صح ؟؟؟
او كان ده منتهى الحرية ..................
وعملو كان البيت بيتهم
يعنى دى ناس ما خلطتش
كنت عايز اسال سؤال هام جدا ................
اللى انتو شوفتوهم ( بعد اذنكو طبعا ) كانو لابسين فى رجلاهم شبباشب
لو كانو لابسيين يبقى هما عملو اللى عليهم واكتر كمان ............ مش عايزيين يوسخو الارض اكتر ما هما موسخنها


هو ده مش منتدى فكاهى بردو ولا انتو هنا بتكلمو عن ايه
بااااااااااااااااى
اصل انا مستعجل

عليكم السلام و رحمة الله
ممكن اخى الكريم توضيح اكتر لكلامك::warda::

إبراهيم شكري
09-25-2006, 03:30 AM
فين الناس دي عشان يقع عليهم حد السيف

sarah20
10-31-2006, 07:22 AM
ياجماعة ماهو التحرير جيه من الحر و احنا فى الحر بنعمل ايه بنتحرر من الملابس التقيلة هوه ده معنى حرية المرأة اللى بيقولوا عليها افهموها بقى .


و كمان ما الصبيان كمان بقوا يخرجوا بالملابس الداخلية بدعوى انه مسقط البنطلون لكن للاسف ده بيبقى تسقيط قيم مش هدوم و اللى ماشى بالحمالات و هوه توتو عضلات , ||-125-|| الا البرفانات كمان دى حكايتها حكاية , حطوا برفان اهوه احسن من العرق بس برفان خفيف كده فريش مش برفان يتعب الاعصاب


ارحموووووووووووووووووووووووووووووووووووووووووووووو وونا
نررررررررررررررررررررررررررررررررررررررررررررررررر رررحمكم


و اخيرا فليرررررررررررررررررررررررررررررررحمنا الله

farid_100100
11-04-2006, 10:49 AM
انتى عارفه ان فى كمان موضه اسمها بودى ارت .......... الرسم على الجلد بدون حتى البودى


ربنا يهدى

ahmed_aly
11-09-2006, 06:34 PM
بصراحه يا جماعة الناس بتوع تصميم الازياء دول بيتعبو اوى ...

وعلى فكره انا فى حاجة بلحظها فى الفتيات الي بيلبسو الملابس دى انهم بيكونو معتزين بيها جدا وهذا ان دل فانما يدول على انعدام الحياء عندها وطالما انعدم الحياء انعدمت الانوثه لان من صفات الانثى انها تكون على قدر كبير من الحياء فهؤلاء الفتيات لاينظر لهم كانهم بنات ......... وان لم تستحى ففعل ما شئت .

(انما الامم الاخلاق ما بقيت فان هم ذهبت اخلاقهم ذهبو)

sarah20
11-11-2006, 12:54 AM
عندك حق و الله يا احمد

nemo
11-26-2006, 03:51 AM
أعتقد أن اموضوع فى مجمله يعكس أزمة شديدة وقصور فى المنظور الأخلاقى للمجتمع ككل , والا فأين أباء وأمهات هؤلاء الفتيات أو الفتيان ( الرقاع ) .. ذات يوم كنت أحدث أحدى جاراتى وأنتقدت - أنا - ملابس ابنتها المراهقة التى تحرص على تغطية شعرها وهى مرتدية ملابس ضيقة ولافتة للنظر جدا , فما كان من الأم الا ان مصمصت شفتيها وهى مستاءة وقالت لى فعلا .. حتى أبوها لا يحب هذه الملابس !!!!!!!!!! فاذا كانت هى وابوها لا يحبان هذه الملابس فكيف ترتديها الفتاة ؟ بصراحة مش عارف ............. ولى عودة بأذن الله .

حور الدنيا
11-27-2006, 01:29 AM
والله ياجماعة انا مش عارفة اقولكم ايه
بس بجد الموضوع بقى زايد عن حده جداااااااااااااااااااااااااااااااااااااااااااااااا
وبقى فيه استهبال جامد من البنات والشباب
ومابقاش حد بيتكسف ولا اى حاجة
البنات بجد دلوقتى بقو حاجة مستفزة انا بنت اهو وبتكسف والله من منظر البنات دى وبتكسف امشى ورا بنت لابسة ونست تكمل لبسها

بس ياجماعة الموضوع مش موضوع صيف
دول كده كمان فى الشتاء والله#20# يعنى حتى مش بيسقعوا11#

والى ينرفذ اكتر بقى التقاليع الغريييييييييييبة الى بيعملوها
طيب انا مرة شوفت بنت كانت ماشية قدامى بس ده كان فى الصيف
طبعا لبسها كان صيفى برضه اكيد انتو عارفينه
ولقيتها وهى بتتكلم فى حاجة بتلمع فى لسانها
استغربت جدااااااا وركزت عشان اعرف ايه ده طبعا بصيتلى واستغربت انا ببصلها كده ليه
لكن انا طنشتها .......عايزة اعرف ايه الى بيلمع ده
وفى الاخر عرفت ان ده اكسسوار جديد عاملينه للسان

حاجة كمان
البنات الى بتلبس شابوهات بدل الحجاب ورقبتها باينة وهى المفروض محجبة
بمناسبة الشابوهات
انا شفت مرة بنت لابسة شابو لونه تركواز ومنزلة حبة من شعرها على الجنبين بمنظر يخض#20#
والغريب ان كل الى عدوا انتقدوها والّسوا عليها كتير جدااااااااااا
الا انها ماشية مقتنعة بنفسها اقتناع مش قادرة اقولكم
بجد مناظر مش حلوة لبناتنا والحياء انعدم حتى بعض المحجبات بيسيئوا للاسلام باصوات ضحكاتهم العالية فى الجامعة وفى الشارع ولهزار والتهريج مع الشباب

بس انا اعتقد ان العيب عند البنت نفسها ........وقت الفراغ وعدم تحديد الهدف قادرين انهم يدمروا اى حد
حتى الشباب
لو قولتيله انت واقف مع بنت وبتشرب سجاير ولابس كده ليه يقولك اهو بضيع وقتى
والبنت نفس الشئ
لكن لو بصينا على بنت حتى ولو مش ملتزمة ولكن عندها هدف وهواية بنلاقيها مش بتفكر التفكير ده خاااااااالص
طولت عليكم معلش بس الموضوع مضايقنى بشكل#20#

ايمانية
09-04-2012, 12:18 AM
حلو الموضوع ده