صفحة 1 من 3 123 الأخيرةالأخيرة
النتائج 1 إلى 10 من 28

الموضوع: خطيبى كان بيحب واحد اعمل ايه؟؟؟

  1. #1
    حيران
    تاريخ التسجيل
    Feb 2005
    المشاركات
    1,529

    افتراضي خطيبى كان بيحب واحد اعمل ايه؟؟؟

    السلام عليكم

    انا بقولكم على مشكلتى اللى معقدانى فى حياتى
    بالبدايه انا مرتبطه وعلى وش جواز
    مرتبطه بقالى سنه وشويه
    المشكله ان خطيبى دايما متجاهلنى ولا بيسأل فيا
    كلامنا قليل واحيانا كان يتركنى بالشهر والاتنين ولا يفكر يتصل بيا يقولى اخبارك ايه
    واكيد الشئ ده بيزعلنى
    وكتييييير كلمته وفى احدى المرات طلبت منه انه يهتم فيا قالى انه كان بيحب واحده عن طريق الشات وحبها سنييين طويله وارتبط بيها جدا عاطفيا واتقدم لها عشان يتجوزها لكن حصل ظروف لا اراديه جعلت الزواج مايتم
    وقالى انه كان بيحبها لدرجة العشق وكل يوم لازم يكلمها و....و.......و..........
    لحظتها انا انهارت وزعقت فيه وكلمته بحده وكان غصب عنى لان كلامه جارح ازاى واحد مش بيسأل عن خطيبته اللى خطبها بطريقه شرعيه ويرجع يحكيلها عن حبه القديم اللى كان عباره عن سرقه لانه انا بعتبر الشات كده وبيحكلها وكأنه بيستعيد الذكريات
    المهم
    فات على كده سنه وخلاص انا حاسه ان الحكايه دى الحمدلله مش مأثره فيه بنفس الدرجه اللى قبل كده
    لكن برضه غصب عنى بقارن ان البنت اللى كان بيحبها كان كل يوم يسأل عنها وبيحبها لدرجة العشق
    وانا خطيبته ولا بيسأل فيا
    جربت معاه كل الطرق
    لو كلمنى بكون لطيفه معاه بحاول افتح مواضيع نتكلم حاولت معاه بطرق كتير
    لكن بشعر انه مش بيعطينى فرصه لاننا نتقرب من بعض وكل محاوله منى انى أسأل عليه واتقرب منه بيشعرنى وكأنى بكلم نفسى ومره كنت انا اتضايقت منه لانى قاعده اتكلم واسأله عن احواله وهو ولا معايا نهائى وفى نهاية الحوار راح يقولى اعذرينى عارف انى بارد معاكى
    هايجننى

    انا بحب خطيبى وبحب عيلته كلها وهما ناس مشاء الله عليهم على خلق كريم وخطيبى كذلك
    لكن بيضايقنى فيه النقطه دى
    وكرامتى تأبى انى اطلب منه تانى انه يهتم فيا لانى بشعر وكأنى بتسول منه
    بأكدلك انى حاسه ان موضوع حبه القديم الحمد لله مش مأثر بنفس الدرجه انا متأكده من كده بأذن الله
    لكنى مازلت افكر فيه وافكر فى الجرح والالم اللى سببهولى بالرغم من انه مر على المناقشه دى حوالى سنه
    اعمل ايه
    انا بشعر انى محتاجه انه يهتم فيا انا انسانه وعندى مشاعر ومش قادره اكبتها

    هل ممكن انه اقدر اجعله يلتفت ليا....... ياخد باله منى ....... اغير منه ......... انسيه الماضى بتاعه نهائى

    بالله قولولى رأيكم

  2. #2
    زعترواي بجد الصورة الرمزية Asma
    تاريخ التسجيل
    Mar 2007
    المشاركات
    1,722

    افتراضي رد: خطيبى كان بيحب واحد اعمل ايه؟؟؟

    بعد المتابعه باذن الله

  3. #3
    سمك .... لبن .... تمر هندي الصورة الرمزية مستكه
    تاريخ التسجيل
    May 2005
    المشاركات
    4,260

    افتراضي رد: خطيبى كان بيحب واحد اعمل ايه؟؟؟

    حيرانه نفسي اقلك كلام كتير اوي

    بس هفضل السكوت

    لانه احيانا السكوت بيكون من دهب

    شكلك مدايقه مش عايزه ازود همك


  4. #4
    حيران
    تاريخ التسجيل
    Feb 2005
    المشاركات
    1,529

    افتراضي رد: خطيبى كان بيحب واحد اعمل ايه؟؟؟

    اقتباس المشاركة الأصلية كتبت بواسطة Asma مشاهدة المشاركة
    بعد المتابعه باذن الله

    شكرا ياأسمى منتظراكى

  5. #5
    صاحب مطرح الصورة الرمزية just_asmaa
    تاريخ التسجيل
    Apr 2007
    الدولة
    alex
    العمر
    32
    المشاركات
    2,845

    افتراضي رد: خطيبى كان بيحب واحد اعمل ايه؟؟؟

    حبيبتى حيرانه
    لو عايزه رايى بصراحه انا شايفه انك لازم تعيدى حسابتك كويس اوى بالنسبه لزواجك من خطيبك لاسباب كتير جدا
    بصى يا حبيبتى فى ايه بتقول ما جعل الله لرجل من قلبين فى جوفه
    خطيبك واضح ان البنت الى حبها من الشات ماثره فيه جدا وده واضح وانتى بتقولى انا متاكده انها مش ماثره فيه لكن طبعا انتى كرامتك مخلياكى تقولى كده يا حبيبتى
    اوقات بنحس بحاجات لمجرد اننا عايزنها تبقى كده
    انتى عشان بتحبيه لا قلبك ولا عقلك قابلين فكره انه بيحب حد تانى
    ثانيا ممكن تفكرى شويه معايا
    دلوقتى لو افترضنا انى ولد وفى انسانه بحبها واتقدمت لها ومحصلش نصيب
    لو انا فعلا رجل على حق
    المفروض مخطبش اى بنت تانيه الا اذا حسيت من جوايا انى فعلا مفيش شئ جوايا لاى حد غيرها
    يعنى خطيبك فى وجهة نظرى ينقصه الاخلاص
    ارتبط بيكى ومشاعره مع غيرك
    ثالثا يا حبيبتى هو ايه معنى الالتزام وانه شخص كويس ومحترم فى نظرك
    وعيلته كويسه
    يا حبيبتى عيلته كويسه مقولناش حاجه
    لكن ده يا حبيبتى شريك حياتك وابو اطفالك باذن الله
    هل هو فعلا قريب من ربنا بالدرجه الكافيه
    اعتقد انه لو انسان ملتزم وقريب فعلا من ربنا مكنش هيتصرف بالشكل الى بتحكيه عنه
    جاى بعد ما خطبك بكل جرائه يحكى عن انسانه بيحبها
    طيب ازاى ياربى ده ملتزم ومتدين
    مراعاش مشاعرك ولا راعى حقك عليه
    ساب الحلال وقاعد يفكر فى شئ حرام
    يبقى ملتزم وكويس ازاى بس
    حبيبتى بلاش تطبقى مقوله مرايه الحب عاميه
    ارجوكى حاولى تشوفى خطيبك ده على حقيقته شويه
    اسالى نفسك هو فين من ربنا وعلاقته بيه
    يا حبيبتى هو الى قريب من ربنا كان اتقى الله فيكى وفى نفسه
    وفى البنت الى كان بيقول انه بيحبها من الشات
    كلم بنت على الشات لفتره طويله وكل يوم وعشمها بالزواج وبعد كده محصلش نصيب
    وبعدين خطبك ومش معاكى وبيفكر فيها
    متجاهل وجودك ومش مهتم بشريكه عمره الى هتشاركه حياته
    طيب قوليلى يا حبيبتى هو فاهم يعنى ايه زواج على كده
    عارف معنى الايه وخلقنا لكم من انفسكم ازواجا لتسكنوا اليها وجعلنا بينكم موده ورحمه
    حبيبتى المساله مش حب وبس
    دى حياه كامله ارجوكى فكرى فى كل ده فكرى يعنى ايه ملتزم فكرى يعنى ايه عارف ربنا فكرى يعنى ايه يتقى الله
    تفتكرى واحد مش بيتقى الله فيكى وانتى لسه مش فى بيته
    هيتقى الله فيكى وانتى فى بيته
    حقيقى المساله محتاجه انك تحكمى عليه من جديد وتعيدى حساباتك فى ارتباطك بيه
    الحكايه مش حكايه كرامتك مش سامحه ليكى تلفتى نظره ليكى وانه يهتم
    المساله اكبر من كده وانتى حبك ليه نساكى كل عيوبه للاسف
    انا مش عايزه اظلمه لانى معرفهوش الا من خلال كلماتك
    بس ارجوكى لازم تفكرى انتى هتتجوزى ليه
    هل لمجرد ان واحد كويس ومن عيله وبتحبيه وخلاص
    ولا علشان تبنى اسره صالحه متدينه كلها حب وموده ورحمه
    تربوا اطفال ينصروا الاسلام
    حبيبتى اطفالك هيطلعوا يلاقوا ايه ما بينك وما بينه
    هيلاقوا ام محبه واب ولا على باله
    طيب هيتعلموا ازاى الحب فى الله
    فكرى فى المستقبل وعيدى حساباتك بالله عليكى الارتباط مش شئ سهل
    اسفه حبيبتى لو كنت طولت فى كلامى بس والله من خوفى عليكى
    وحبى ليكى فى الله
    اتمنى من الله ان يهديكى للطريق الصحيح
    وياريت تصلى صلاه استخاره كتير وتصلى قضاء حاجه وتدعى فى التلت الاخير من الليل
    وفى حل يعنى لو فعلا انتى شايفه انه كويس على حد قولك
    حاولى تقربيه من ربنا يمكن تصنعى منه شئ كويس وتكملى حياتك معاه
    بس انا فى رايى هو غير صالح الان انك ترتبطى بيه
    ادعو الله ان ينير طريقك ويرزقك الزوج الصالح الى يقدر قيمتك ويتقى الله فيكى

    احبب ما شئت فانك مفارقه

    فلا البعد يعني غياب الوجوه
    ولا الشوق يعرف.. قيد الزمان

  6. #6
    حيران
    تاريخ التسجيل
    Feb 2005
    المشاركات
    1,529

    افتراضي رد: خطيبى كان بيحب واحد اعمل ايه؟؟؟

    اقتباس المشاركة الأصلية كتبت بواسطة مستكه مشاهدة المشاركة
    حيرانه نفسي اقلك كلام كتير اوي

    بس هفضل السكوت

    لانه احيانا السكوت بيكون من دهب

    شكلك مدايقه مش عايزه ازود همك


    مستكه يعلم ربنا باللى جوايا
    هاطق هاتجنن
    كلمينى يامستكه شكل عندك تجربه
    بجد انا محتاجه حد يكلمنى وينصحنى

  7. #7
    بفكر اشارك زعتر فى الحاره الصورة الرمزية همسات دافئة
    تاريخ التسجيل
    Sep 2006
    العمر
    38
    المشاركات
    1,828

    افتراضي رد: خطيبى كان بيحب واحد اعمل ايه؟؟؟

    تقدري تغيريه وتنسيه كل الماضي
    بس هتتعبي كتير
    وهتتخذي وسائل كتير كتير
    لو عندك القدرة والطاقة ممكن .. وبقول ممكن يتغير .. يعني مش أكيد
    لو عندك القدرة تتحمليه باللي هو فيه حاليا لحد ما يتغير يبقا إستمري
    مش عاوزة أديكي أمل ولا أقطع عنك الأمل
    لكن المشكلة حلها في إنك تعرفي مقدرتك
    في ناس تقدر تتحمل المعقدين وتقدر تتعامل معاهم
    هل فيكي نفس لكده ؟؟ عندك صبر ؟ عندك حنكة ؟؟
    هتقدري تعامليه على إنك طبيبته النفسية من غير ما هو يشعر بذلك ؟؟
    هتقدري تتجاهلي مشاعرك شوية وتضحي بكتير من أحاسيسك عشان تكسبيه في الآخر ؟
    هتقدري تكوني له زي ما هو يحب حتى لو إنتي مش حابة تكوني اللي هو عاوزو ؟

    جاوبي على نفسك الأسئلة اللي فاتت وأكيد هتقدري تقرري بعدها إن كنتي تستمري ولا لا

  8. #8
    سمك .... لبن .... تمر هندي الصورة الرمزية مستكه
    تاريخ التسجيل
    May 2005
    المشاركات
    4,260

    افتراضي رد: خطيبى كان بيحب واحد اعمل ايه؟؟؟

    مستكه يعلم ربنا باللى جوايا
    هاطق هاتجنن
    كلمينى يامستكه شكل عندك تجربه
    بجد انا محتاجه حد يكلمنى وينصحنى
    حيرانه المساله مش مسالة تجربه

    زي ما البنات قالولك بالظبط كده

    انتي فين من سنه

    وايه مخليكي تستحملي كل ده

    الحب !!

    اسمحيلي يعني الحب اللي بالشكل ده انا عندي تاخدي قلبك وترميه البحر احسنلك الف مره

    انا بحط نفسي مكانك وانا اعده كده وخطيبي بيحكيلي عن تجربته السابقه كده عادي

    كنت رمتله الدبله في وشه علي طول

    بصي والله انا دمي اتحرق

    شوفي انا مع فكرة ان اللي فات فات ومش المفروض يتفتح

    يعني مثلا يوم ما اتخطب مش هفتح مع خطيبي ملفاته العاطفيه السابقه بس هحاول اتاكد ان مفيش غيري في حياته

    و من يوم ما دبلته بئت في ايدي دي بئت دعوتي كلها

    لكن اعرف انه خاطبني ومتعلق بواحده تانيه وباله معاها

    طب انا ايه باه موقعي من الاعراب ... طيب خطبني ليه اصلا

    ديكور مثلا

    حيرانه موقفك غريب .. من سنه كان لازم تحطي النقط علي الحروف

    جايه انهارده ومفيش علي فرحكم كتير وبتسالي تعملي ايه !!

    طيب لو تناسيتي الموضوع ده وقلتي انه نساها فعلا

    بعد الزواج هتعملي ايه

    اذا كنتي انتي بعيده عنه ومش بيسال عليكي الا كل شهرين

    طيب لما تبقي معاه يوميا

    بجد انا مفروسه .. مبحبش السلبيه دي

    واعذروني علي اندفاعي في الكلام

  9. #9
    طالبــة عِــلمـ الصورة الرمزية رواء الروح
    تاريخ التسجيل
    Mar 2007
    الدولة
    داخلي
    المشاركات
    7,661

    افتراضي رد: خطيبى كان بيحب واحد اعمل ايه؟؟؟

    بصي يا بنتي ...

    أولا خطيبك منسيش الحب الأولاني اطلاااااااااااقا ...

    شوفي قدامك حل من اتنين ...

    1- يا اما تسيبيه لو زهقانه من برده ودا أسهل الطرق ..

    2- يا اما تستوعبيه تماما وتكلميه عن حبيبته دي وكان عجبه فيها ايه ...

    من غير خناق كل شوية لأنها كانت واضح مهنياه ومش بتتخانق ..

    ومتزعليش مني كلمة فسرك ممكن يكون حوارك بالنسباله ممل

    هو كان بيتصل بيها كل يوم عشان كان فيها حاجة شداه

    وده مش وقت تعاتبيه عالسرقة ومش السرقة ...

    انتي المفروض يكون كل تفكيرك ازاي تجذبيه نحيتك مش تقارني بينك وبينها ...

    واعرفي حاجة ... ان كلامك عنها بأسلوب وحش بيبعدك عنه أكتر ...

    دول يبنتي الطريقين والتاني صعب أ،ا عارفة بس لو بتحبيه استحمليه

    ولك الخيار


  10. #10
    حيران
    تاريخ التسجيل
    Feb 2005
    المشاركات
    1,529

    افتراضي رد: خطيبى كان بيحب واحد اعمل ايه؟؟؟

    السلام عليكم
    جزاك الله خيرا just_asmaa vbmenu_register("postmenu_254096", true);

    هاقولك على شئ انا ذكرت انه ملتزم وكده وعيلته كمان لان عيلته جيران لينا واتعاملنا مع بعض وكده
    واهم شئ لقيته فيهم هو الصدق وصدقينى خلال تعاملتنا مع عيلته ماوجدنا منهم غير الصدق والسخاء وكرم الاخلاق ونصرة المظلوم والله وكل عيلته لاحظت فيهم انهم ايجابيين جدا هو ده اللى وجدته فيهم من صفات حميده بدون مبالغه
    وعندك حق لشئ انتى ذكرتيه انه ماكان من المفروض يرتبط بيا طالما ان حبه القديم لسه بقلبه

    هاقول نقطه تذكرتها انه لما حكى لى عن حكايته القديمه انا صرت عصبيه جدا عليه وقلتله يعنى انت ووالدك قررتوا انك بترتبط بيا عشان تنسى الماضى بتاعك وكان رده عليا جمله واحده " دى مش اخلاقنا اننا نعمل فى بنات الناس كده , ومش ده اللى احنا اتربينا عليه "
    وهاذكر نقطه كمان انا صراحه استغربتلها انه انا كنت معترضه على ميعاد زواجنا وكنت عايزه نأجله كمان سنه
    لكن هو رفض وبشده وطلب ان زواجنا يكون بعد شهر من الان
    بس انا هاقولك على حاجه دلوقتى احنا صارلنا ازيد من سنه مخطوبين

    انا بجد مش عارفه افكر بشعر انه عقلى توقف عن التفكير

صفحة 1 من 3 123 الأخيرةالأخيرة

المواضيع المتشابهه

  1. ام خطيبى
    بواسطة حيران في المنتدى حلال العووووقد...حلال المشاكل
    مشاركات: 10
    آخر مشاركة: 11-02-2009, 06:40 PM
  2. خطيبي والعمل ##
    بواسطة حيران في المنتدى حلال العووووقد...حلال المشاكل
    مشاركات: 22
    آخر مشاركة: 06-28-2009, 05:24 PM
  3. مين بيحب البرجر؟....ومين بيحب الأكل التشاينيز؟.....طريقة البرجر الصيني
    بواسطة الحرة الأسيرة في المنتدى شيكا بيكا جرافيكا
    مشاركات: 2
    آخر مشاركة: 03-31-2008, 06:55 PM
  4. خطيبي
    بواسطة حيران في المنتدى حلال العووووقد...حلال المشاكل
    مشاركات: 49
    آخر مشاركة: 08-31-2007, 02:28 AM
  5. مشاركات: 38
    آخر مشاركة: 11-29-2006, 06:14 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •