فرحة... عيش المعنى التاني للفرحة

[dr_sho]

روان...
رسالة رحمة
والنهارده ممكن نضيف لقب جديد للشعار اللي روان اتعرفت بيه على مدار خمس سنوات من العطاء
النهارده ممكن نقول
روان...
رسالة فرحة

[dr_sho]

تعرف إيه هي الفرحة ؟!
إنك تحقق كل أمانيك
وتوصل لكل أحلامك
وتعيش في أمن وسلام مع اللي بتحبهم ويحبوك
إنك تكون غني
ومشهور
وناجح
ومحبوب
ومرتاح البال
كل ده صح
بس للفرحة معنى تاني..
معنى لازم تجربه
طعم حتخسر كتير لو مادقتهوش
إنك تفرح .. دي فرحة
إنك تفرح اللي بتحبهم ...دي فرحة من قلبك
إنك تفرح غيرك من اللي مش قادر يفرح... دي بقى الفرحة الكبيرة

[dr_sho]

مشروع فرحة
مشروع خاص بمساعدة غير القادرين على الزواج
مشروع مساعدة ال50 عروسة
هنبدأه سويا برقم 1
وننهي المشروع ده برقم 50
وفي نهايته بإذن الله هيتفتح بمساعدتكم 50 بيت
ويفرح 100 قلب

[dr_sho]

كل واحد فينا ليه علاقة وثيقة برقم 5
فقد بُني الإسلام على خمس
وفرضت علينا خمس
صلوات لنا خمس أصابع بكل يد
وكذلك خمس أصابع بكل قدم
ولنا خمس حواس

وفيه ناس منا ليها علاقات خاصة مع الرقم ده
فيه اللي اتولد في يوم 5
أو شهر 5
وفيه اللي اتجوز سنة 2005
وفيه اللي عنده 5 أطفال

ودلوقتي نحن بصدد إقامة علاقة أخرى مع هذا الرقم الفريد
فمن المرجو بإذن الله تعالى أن
يشمل المشروع 50 عروسة


المشروع ده ليه 5 أهداف
1. نفع الناس
2. إدخال السرور على قلب مسلم
3. فك كربة فتاة يتيمة لا تجد من يجهزها أو أسرة تعيش على الكفاف
4. السعي في حاجة مسلم
5. إعفاف شاب وفتاة

واختيار الأهداف الخمسة كان نتيجة أسباب خمسة
1. لأن أحب الناس إلى الله أنفعهم " وهل هناك أنفع من المساعدة في فتح بيوت مُسلمة يُذكر الله فيها
"2. ولأن أحب الأعمال إلى الله سرور تدخله على قلب مُسلم " سرورا يدخل على قلب الزوجين ببعضهما وعلى قلب الأم والأب بمعاونتهم في تأدية رسالتهم وتزويج ابنتهم"
3. ولأن من فرج عن مؤمن كربة من كرب الدنيا فرج الله عنه كربة من كرب يوم القيامة
4. ولأن سعي المسلم في حاجة أخيه أحب إلى الله من إعتكافه بمسجد رسوله
5.ولأن من ستر مُسلما ستره الله ومن أغاث ملهوفا أغاثه الله

ويحمل المشروع5 رسائل
1. رسالة لكل شاب .... ثلاثة حق على الله أن يعينهم ..منهم الناكح يريد أن يستعفف
2. رسالة لكل فتاة ....انظري لدينه وخلقه وبلاش المواصفات الخيالية
3. رسالة لكل أسرة... أقلهن مهورا أكثرهن بركة
4. رسالة للميسورين... اتجوز وجوز غيرك ( ممكن تعمل فرح ب50 ألف جنيه لكن ب5 آلا بس ممكن تجوز أسرة )
5.رسالة للمجتمع... من أعان مسلما أعانه الله

[إسلامية]

الله عليكى يا دكتورة
ما شاء الله صيغة الكلام حلو أوى
إن شاء الله أتمنى أكون معاكم
و بالذات إن رقم 5 بالنسبة ليا ده رقم مميز و خاص على قلبى عشان أنا رقم 5 فى إخواتى و ساكنه فى شقة 5 و كمان العمارة 10 ( يعنى 2*5 ) و كماااان كليتى كانت 5 سنين و دخلت مدرستى و أنا عمرى 5 ..
و لو قلنا من ناحية الإسلام .. بنى الإسلام على 5 و كمان الصلوات المفروضة 5
لااااااااااا لو هاعد أد إيه إرتباطى برقم 5 ده مش هاقدر أجمع الحاجات كلها ..

أهم حاجة يا ريت بجد ربنا يقدرنى و يكتبلى إنى أشارك معاكوا لحد كمان ما يكونوا 500 مش 50 بس

[dr_sho]

اقتباس :

أهم حاجة يا ريت بجد ربنا يقدرنى و يكتبلى إنى أشارك معاكوا لحد كمان ما يكونوا 500 مش 50 بس

يارب الدعوة الجميلة دي تتحقق يا إسلامية
وأتمنى أشوفك على خير

[dr_sho]

فاعليات مشروع فرحة

شهد رأس العام الهجري عقد نكاح جماعي ل11 علايس وعروسة
وشهد رأس العام الميلادي عقد نكاح جماعي ل8 عريس وعروسة
وتتوالى الفاعليات بإذن الله تعالى

[dr_sho]

يلا نبتدي العد

1



تم بحمد الله تعالى
تزويج العروسة الاولى وردة
وردة من الروان لوردة وعريسها
بارك الله لكما وبارك عليكما وجمع بينكما في خير وعلى خير

[الخاطبه]

تم بحمد الله تزويج 29 عروسه من ال 50 عروسه كله بفضل الله ربنا يتقبل لكل من شارك فى تجهيزهم
وربنا يبارك لعرايسنا وعرسانا ويجمع بينهم فى الخير

[smsmgh]

السلام عليكم
ربنا يبارك فيكم ويجمع فرحتنا