عاوزة مساعدتكم

[radwa]

سلام عليكم ال زعتر
محتاجه مساعدتكم في حاجه
بخصوص العمل الجماعي والاداري
هحط بس كم سؤال
وعاوزة اجابتكم عليها
هو زي استطلاع للرأي كده بس محتاجاه

1_ ايهما تفضل العمل الجماعي ولا الفردي ؟ وليه ؟
بمعنى تاني تحب تعمل ضمن مجموعه ولا تاخد المهام المطلوبه منك وتؤدي دورك لوحدك ؟ وليه طبعا!

2_ لو انت مدير .. على اي اساس تختار فريق عملك ؟
او بمعنى تاني ... ايه اللى المفروض يتوافر في اشخاص فريق العمل عشان تقدر تعتمد عليه ؟

3_ امتى تستبعد شخص من الفريق ؟؟

4_ يعني ايه مدير فعال ؟

5_ ازاي يكون الفريق ناجح وفعال ؟

6_ ايه اللى ممكن يخلي المجموعة تفشل ؟

7_ لو في شخص في المجموعه مش نشط او مش بيؤدي مهامه كويس ... تنشطه وتحفزه ازاي ؟

8_ لو في شخص بيغير من اخر .. تتصرف معاه ازاي وتشيل اللي جواه ده ؟

9_ ايه الصفات اللى المفروض تتوافر في المدير واللى على اساسها بيتم اختياره ؟

10_ لو حد عنده اسئله ممكن تفيدني في الموضوع ده او اضافات اخرى ياريت يضيفها هنا

اخر حاجه
ياريت لو كل واحد ياخد الاسئله ويجيبلي اجاباتها من الناس اللي حواليه
يعني مش عاوزه الموضوع يقتصر علينا في الحاره بس
عاوزة اكبر كم من الاراء وياريت لو تكون اراء من شرائح مختلفه
مش عاوزة كتب في الموضوع ده ... انا عاوزة اراء حيه ,,
وياريت لو الأراء دي من واقع علمي او عملي او تخيل شخصي
تذكروا ده

وحسنة قليله تمنع بلاوي كتير
وجزاكم الله خيرا كثيرا جدا جدا

[زهرة الشرق]

اقتباس: -bg.gif)" vAlign=center width="100%" noWrap align=left>المشاركة الأصلية كتبت بواسطة radwa سلام عليكم ال زعتر محتاجه مساعدتكم في حاجه من عنينا أؤمرى بخصوص العمل الجماعي والاداري هحط بس كم سؤال وعاوزة اجابتكم عليها هو زي استطلاع للرأي كده بس محتاجاه أهاااااا امتحااان يعنى 1_ ايهما تفضل العمل الجماعي ولا الفردي ؟ وليه ؟ العمل الجماعى لأن تعاون اكتر من شخص فى عمل واحد بيخليه يتم بشكل اسرع واسهل وأكفأ. كمان روح الجماعة والتنافس بتحفز الطاقة ومتديش فرصة للتكاسل والخمول . بمعنى تاني تحب تعمل ضمن مجموعه ولا تاخد المهام المطلوبه منك وتؤدي دورك لوحدك ؟ وليه طبعا! 2_ لو انت مدير .. على اي اساس تختار فريق عملك ؟ - نوع العمل . - المواصفات الشخصية للأفراد ومدى توافقها مع نوعية العمل. _ الخبرة بالنوع ده من العمل والأنجازات السابقة للأفراد فى مجال العمل. _ علاقات الأفراد ببعض ومدى توافقهم واستعدادهم للتعاون. _ تمتع الأفراد بالحماس والرغبة الفعلية فى تحمل مسئولية العمل. او بمعنى تاني ... ايه اللى المفروض يتوافر في اشخاص فريق العمل عشان تقدر تعتمد عليه ؟ 3_ امتى تستبعد شخص من الفريق ؟؟ اذا كان تواجده بيأثر على كفائة سير العمل,بيعطل بقية الفريق يعنى,لأن تواجد شخص واحد غير فعال فى وسط فريقه بيشل العمل ككل لأنهم مفروض وحدة متكاملة مينفعش يبقوا هما فى وادى وهو وفى وادى تانى. 4_ يعني ايه مدير فعال ؟ يعنى مدير _قادر على كسب حب فريق العمل وثقته,بحيث يبقى الفريق بيسعى لتنفيذ أوامره بحب له ورغبة حقيقية فى ارضائه. - قادر على تقييم المواقف بأنواعها وسرعة اتخاذ القرار فيها. - قادر على النظر لأفراد فريقه بحيادية تامة وتجنيب المشاعر الشخصية. - له القدرة على التعامل مع مختلف الشخصيات والأنماط البشرية وادارتها واستغلال طاقاتها بشكل جيد. - يعرف متى يكون ديموقراطيا ومتى يكون دكتاتورا. - قادر على تفهم امكانيات فريقه واستغلالها افضل استغلال ممكن(يطلع منهم احسن ما عندهم). 5_ ازاي يكون الفريق ناجح وفعال ؟ - بحسن توزيع المسئوليات على الأفراد وفقا لأمكانيات كل فرد. - تحفيز روح الحب والتعاون ليسعى الجميع نحو هدف واحد. - ان يتفهم كل فرد مسئولياته جيدا ويسعى للقيام بها على افضل وجه. - وجود مبدأ الثواب والعقاب بشكل فعال بعيد عن التحيز. - المتابعة المستمرة من قائد العمل لفريقه لمناقشة ما تم انجازه ومناقشة خططه وتطويرها وفقا لما يجد من متغيرات. - احساس كل فرد فى الفريق بأهمية دوره وأهمية رأيه. 6_ ايه اللى ممكن يخلي المجموعة تفشل ؟ المجموعة تفشل لو حصل عكس اى حاجة من اللى فوق ده كللله من اول سؤال لغاية هنا. 7_ لو في شخص في المجموعه مش نشط او مش بيؤدي مهامه كويس ... تنشطه وتحفزه ازاي ؟ -مناقشة الشخص فى انطباعه عن العمل وعن الفريق وعن أسباب عدم قيامه بدوره بشكل جيد ,على ان تكون المناقشة بشكل شخصى بعيد عن بقية الفريق . -محاولة علاج أسباب القصور التى يراها الشخص والتى تسببت فى المشكلة ان أمكن. -محاولة اشعار الشخص بأهمية دوره وبأنه عليه يعتمد نجاح العمل بشكل كبير (وان الدنيا من غيره تخرب). -استعمال الحوافز بأشكالها المادية والمعنوية تجاه أى انجاز يقوم به هذا الشخص. - محاولة كسب حب وود الشخص واشعاره بأهميتة (يعنى يوصل لأنه يجتهد عشان خاطرى). 8_ لو في شخص بيغير من اخر .. تتصرف معاه ازاي وتشيل اللي جواه ده ؟ - ممكن أشركه مع الشخص ده فى تحمل مسئولية عمل واحد,بحيث يبقى النجاح نجاح لهما معا,والفشل كذلك. - عدم محاولة اظهار انبهارى واحتفائى بالعنصر الناجح بشكل مبالغ فيه,خاصة فى وجود الشخص الذى يغار منه. -التركيز فى كل مناسبة على ان لكل أعضاء الفريق نفس الأهمية. - اسناد مسوليات أكبر لهذا الشخص واطرءه وتحيزه بمختلف الحوافز نظير انجازاته فيها. 9_ ايه الصفات اللى المفروض تتوافر في المدير واللى على اساسها بيتم اختياره ؟ نفس اللى قلته فى رقم 4 10_ لو حد عنده اسئله ممكن تفيدني في الموضوع ده او اضافات اخرى ياريت يضيفها هنا اخر حاجه ياريت لو كل واحد ياخد الاسئله ويجيبلي اجاباتها من الناس اللي حواليه هحاول بس موعدكيش للأف لأنى مشغولة وهما كمان مشغولين !! يعني مش عاوزه الموضوع يقتصر علينا في الحاره بس عاوزة اكبر كم من الاراء وياريت لو تكون اراء من شرائح مختلفه مش عاوزة كتب في الموضوع ده ... انا عاوزة اراء حيه ,, تمام يافندم وحسنة قليله تمنع بلاوي كتير وجزاكم الله خيرا كثيرا جدا جدا

واياكم يا حبيبتى
ربنا يوفقك وبقية السكان كمان يساعدوكى
بس انصحك تنزلى انتى بالدراسة الميدانية بنفسك فى مواقع مختلفة .

[radwa]

ظهرة
الامر لله ياجميل
جزاكِ الله خيرا يا حجه

بصي بخصوص الناس اللى حواليكي مش الشارع وكده
لا .. قصدي اللى معاكي في البيت في الاطار بتاعك
فاهمه قصدي

اقتباس :

بس انصحك تنزلى انتى بالدراسة الميدانية بنفسك فى مواقع مختلفة .

ده شئ مؤكد
وش برئ

[خلف خلاف]

اقتباس: -bg.gif)" vAlign=center noWrap align=left width="100%">المشاركة الأصلية كتبت بواسطة radwa سلام عليكم ال زعتر وعليكم السلام ورحمة الله وبركاته محتاجه مساعدتكم في حاجه بخصوص العمل الجماعي والاداري من عنيا الخمسة هحط بس كم سؤال وعاوزة اجابتكم عليها هو زي استطلاع للرأي كده بس محتاجاه فيه اختيارات 1_ ايهما تفضل العمل الجماعي ولا الفردي ؟ وليه ؟ بمعنى تاني تحب تعمل ضمن مجموعه ولا تاخد المهام المطلوبه منك وتؤدي دورك لوحدك ؟ وليه طبعا! والله على حسب نوع العمل لانه فيه اعمال بحب اعملها بنفسى علشان اتاكد ان العمل تم على اكمل وجه وطبعا بحب روح الجماعة جدا لانى لو اديت حاجة لوحدى بزهق وبمل 2_ لو انت مدير .. على اي اساس تختار فريق عملك ؟ او بمعنى تاني ... ايه اللى المفروض يتوافر في اشخاص فريق العمل عشان تقدر تعتمد عليه ؟ - طبعا يكون شخص فاهم كويس فى المجال دا - بسمع وبيفهم وبينفذ - اهم حاجة ميكونش اله بينفذ وبس لازم يفكر - بيحترم مديره وبسمع كلامه 3_ امتى تستبعد شخص من الفريق ؟؟ لو مكنش فه المواصفات اللى فاتت 4_ يعني ايه مدير فعال ؟ يعرف يتعامل مع كل الظروف معاملة خاصة 5_ ازاي يكون الفريق ناجح وفعال ؟ انه يكون كله ايد واحدة وهدف انجاح المشروع 6_ ايه اللى ممكن يخلي المجموعة تفشل ؟ لو فيها شخص مهمل او على غير المستوى المطلوب 7_ لو في شخص في المجموعه مش نشط او مش بيؤدي مهامه كويس ... تنشطه وتحفزه ازاي ؟ بخلق روح التنافس 8_ لو في شخص بيغير من اخر .. تتصرف معاه ازاي وتشيل اللي جواه ده ؟ اكلمه واعرف بيغير من ايه بالظبط واحاول ارفع من روحه المعنوية 9_ ايه الصفات اللى المفروض تتوافر في المدير واللى على اساسها بيتم اختياره ؟ - الذكاء - العدل - حب العمل 10_ لو حد عنده اسئله ممكن تفيدني في الموضوع ده او اضافات اخرى ياريت يضيفها هنا اخر حاجه ياريت لو كل واحد ياخد الاسئله ويجيبلي اجاباتها من الناس اللي حواليه يعني مش عاوزه الموضوع يقتصر علينا في الحاره بس عاوزة اكبر كم من الاراء وياريت لو تكون اراء من شرائح مختلفه مش عاوزة كتب في الموضوع ده ... انا عاوزة اراء حيه ,, وياريت لو الأراء دي من واقع علمي او عملي او تخيل شخصي تذكروا ده وحسنة قليله تمنع بلاوي كتير وجزاكم الله خيرا كثيرا جدا جدا

احاول اجبلك اكتر من رد من اصحابى

ربنا معاكى

[LOKA]

-bg.gif)" vAlign=center noWrap align=left width="100%"> 1_ ايهما تفضل العمل الجماعي ولا الفردي ؟ وليه ؟ بمعنى تاني تحب تعمل ضمن مجموعه ولا تاخد المهام المطلوبه منك وتؤدي دورك لوحدك ؟ وليه طبعا! اذا كان العمل ادارى يبقى لازم يبقى يكون فيه مدير هو المسؤل عن اى قرار واللى تحتيه يقولو رايهم بس وهو يشوف الاصلح ويعمله ( السفينه اللى ليها رئيسين بتغرق ) 2_ لو انت مدير .. على اي اساس تختار فريق عملك ؟ او بمعنى تاني ... ايه اللى المفروض يتوافر في اشخاص فريق العمل عشان تقدر تعتمد عليه ؟ من حيث الكفاءه و الاخلاص والمظهر العام 3_ امتى تستبعد شخص من الفريق ؟؟ عندما يقصر ويتم تحذيره و يقصر للمره الثانيه او عندما يفقد احدهم الاحساس بأهميه العمل 4_ يعني ايه مدير فعال ؟ يعنى مدير يعمل الحاجه بنفسه او يشرف عليها و يراقب كل جزء فى العمل 5_ ازاي يكون الفريق ناجح وفعال ؟ لو كلهم يبقو ايد واحد شرط انهم يحبو بعض 6_ ايه اللى ممكن يخلي المجموعة تفشل ؟ اذا دخل بينهم الشيطان و البعض منهم يعمل لنفسه او لحسابه 7_ لو في شخص في المجموعه مش نشط او مش بيؤدي مهامه كويس ... تنشطه وتحفزه ازاي ؟ ده على حسب نوع الشغل ... اما بالفلوس او التحفيز النفسى او بالصوت العالى وده اخرهم . 8_ لو في شخص بيغير من اخر .. تتصرف معاه ازاي وتشيل اللي جواه ده ؟ مش هاينفع اشيل اللى جواه ده يتفصل من المجموعه فورا ...... ( يا مثبت القلوب ثبت قلبى على دينك ) بمعنى اللى جواه حاجه محدش هايقدر يغيرها غير ربنا 9_ ايه الصفات اللى المفروض تتوافر في المدير واللى على اساسها بيتم اختياره ؟ الكفاءه فى العمل الموجه اليه ... الاخلاق ... المظهر ... اللباقه

تحت امر حضرتك ..... ده رأئى

[خادم الاسلام]

اقتباس : المشاركة الأصلية كتبت بواسطة radwa [ مشاهدة المشاركة ]

محتاجه مساعدتكم في حاجه الله فى عون العبد ما دام العبد فى عون أخيه .. 1_ ايهما تفضل العمل الجماعي ولا الفردي ؟ وليه ؟ العمل الجماعى طبعا من أفضل الأشياء لإن يد الله مَع الجماعه .. بفضل العمل الجماعى لإن فيه تبادل ءآراء وتبادل خبرات فبالتالى بيبقى الرأى المستقر عليه نهائيا بيبقى أفضل رأى فى الموضوع .. بمعنى تاني تحب تعمل ضمن مجموعه ولا تاخد المهام المطلوبه منك وتؤدي دورك لوحدك ؟ وليه طبعا! لا طبعا لازم يكون وسط مجموعه يكون أحسن ولو إنى بحب الوحده فى بعض الأحيان .. لكن العمل الجماعى بيكون أفضل لتناقل الخبرات ويا سلام لو كان فى تفاوت فى السن بالنسبه لفريق العمل إن السن يكون متفوات بحيث إن الأكبر بيفيد الأصغر فى الخبرات والأصغر قد يفيد الأكبر فى المهارات وهكذا .. وطبعا أهم شىء إنك تسمع كتير من الأكبر منك وتشوفه بيفكر إزاى وتدرس تفكيره كويس جدا وتحاول بينك وبين نفسك تقارن بينك وبينه وتعدل من نفسك وتطور من تفكيرك وءآرآئك للأحسن .. والعمل الجماعى طبعا بيدى خبره لجميع المشتركين فى العمل أيا كان عمرهم وفهمهم وتفكيرهم .. 2_ لو انت مدير .. على اي اساس تختار فريق عملك ؟ أول حاجه إنه يكون متنوع (فكريا ،،دراسيا ،، دينيا ،، المرآحل العُمريه ..).. دا أول أساس متنوع فكريا ودراسيا مش شرط مرحله أو تخصص واحد معين بل بالعكس لازم يكون فى أغلب الدراسات العلميه وأغلب المراحل التعليميه بحيث يكون فى تبادل فكرى وثقافى ودينى كمان وإستفاده لجميع أفراد الفريق ولازم التنوع الدينى بمعنى إنه زى مايكون فى الملتزم يكون فى المش ملتزم عشان يبقى كويس وهكذا ويكون فى من مختلف الأعمار عشان الكبير لو عنده خبره فى موضوع معين زياده يفيد بيها الصغير ولو الصغير إطلاعاته وثقافته ومهاراته أعلى من الكبير بالطبع برضه يفيده بيها ويحصل تبادل فى شتى الأمور الفكريه والدينيه والدراسيه والخبره فى الحياه .. او بمعنى تاني ... ايه اللى المفروض يتوافر في اشخاص فريق العمل عشان تقدر تعتمد عليه ؟ متنوعين وشاملين عشان أقدر أكون ملم بجميع الأفكار ولازم كمان يكونو من أغلب طوائف المجتمع عشان يقدرو برضو يتعاملو مع جميع طوائف المجتمع ولازم يكونو ناضجين دا مهم جدا إنهم يكونو ناضجين فكريا ولازم يكونو طموحين فى البدايه .. ولول هُم فعلا متنوعين وشاملين كدا إن شاء الله يكونو فريق متميز أقدر أعتمد عليه فى كل شىء .. 3_ امتى تستبعد شخص من الفريق ؟؟ صعب .. قد أتخلى عن أحد أفراد الفريق لفتره قصيره من الوقت ودا فى حاله واحده بس .. لو عمل معصيه كبيره وجاهر بيها وما إنتهاش ولا تاب عنها .. لإن بكدا مش هيبقى مُجرد معصيته بس هي إلى بتأثر على الفريق ..؟! بل هيستعدى علينا غضب ربنا سبحانه وتعالى وممكن ربنا يعاقب الفريق كله لشوئم معصيته ... عشان كدا لو حصل دا .. هنصحه مره وإتنين وتلاته وأكتر لحد ما ينتصح لإن مش من السهل إنى أتخلى عن حد أنا مسئول عنه كفرد من أفراد الفريق أو حتى كشخص قد يكون قدم لى مُساعده أدت إلى الإرتقاء بفريق العمل ولو للحظه .. 4_ يعني ايه مدير فعال ؟ يعنى يقدر يأثر فى جميع أفراد الفريق ويحتويهم كلهم وكلهم يحبوه وكلهم كمان يقتدو بيه .. 5_ ازاي يكون الفريق ناجح وفعال ؟ يتوقف على نجاح المدير فى القياده وعلى طاعته لربنا وعلى ترتيبه لأولوياته وعلى قياده للفريق أكثر شىء وعلى إقناعه ليهم بالى بيعملوه ويخليهم كمان مؤمنين جدا بيه وبالهدف إلى هيوصلو له ويرغبهم ويحببهم فيه لدرجة إنه يخليه كل كيانهم ويحاول يجتذبهم ليه ويحببهم فيه ويكون قدوتهم ويكون هو الأول ناجح فى حياته ويكون مقتنع بالى بيعمله علشان يكون مؤثر فى إلى بيحاول يفنعهم .. 6_ ايه اللى ممكن يخلي المجموعة تفشل ؟ فشلى فى قيادتهم .. فشلهم فى إيستيعاب المهمه .. عدم إقتناعهم بالشىء إلى بيعملوه .. عدم إيمانهم بالشىء إلى بيعملوه .. الضغط النفسى أو العصبى الكبير .. 7_ لو في شخص في المجموعه مش نشط او مش بيؤدي مهامه كويس ... تنشطه وتحفزه ازاي ؟ من وجهة نظرى ومن واقع تجربتى فى بعض الاعمال .. الرفع من الروح المعنويه والإعلاء من الهمم .. قد يكون المتكاسل دا فاقد الثقه فى نفسه عشان كدا بيتجنب العمل أصلا .. وقد يكون شايف إن غيره واخد وضعه أوى فى العمل عشان كدا برضه متوقع إنه عمره ما هيوصل لمرتبته ..! هنا بيجى دور الرفع من الروح المعنويه والمدح الغير مبالغ فيه عشان نستنفذ الطاقه إلى جواه وعشان نعلى من قدراته ونظهرها صح .. وقد يكون المتكاسل او الغير نشيط دا زعلان من حاجه معينه .؟! أو حساس شويه .؟! فعايز حد يتعامل معاه بحرص ويراعى مشاعره .. وقد يكون المتكاسل دا برضه أو الغير نشيط سلبى وبطىء بطبعه .. يبقى تحمله المسئوليه وتحاول تشعره بإنه مسئول وليه دور كبير وإن الإعتماد الكلى عليه و تظهر له إنه كويس هيتغير تماما .. وممكن مثلا بموقف عملى إنكم تكونو متجمعين والقائد يخص بعض أفراد الفريق بالمدح والثناء ويقول نتمنى لباقى الفريق أن يكون أفضل وإحنا ثقاتنا فيكم كبيره ونفسنا نرتقى بالعمل دا وأحاول أخليهم يتمنو إن القائد يثنى عليهم زي ما أثنى على غيرهم .. وممكن أحمسهم بالهدف الى بيكون نتيجه للعمل إلى بيعملوه أيا كان العمل دا .. بمعنى لو هُمَ مثلا فى عمل تطوعى شرعى أفكرهم بالأجر والثواب الأخروى عند ربنا سبحانه وتعالى وأفكرهم بالجنه وقصص لتضحيات الصحابه والتابعين وأد إيه ضحو عشان الإسلام فمهما إنت عملت عمرك ما هتوصل لمرتبتهم فلازم تجتهد وبذل أقصى ماعندك عشان فى يوم القيامه تحشر معاهم وتدخل الجنه معاهم .. وتبدأ اللعب على الوتر الحساس وهو الشعور بنشوة الوصول إلى الهدف .. ودا شى مُمتاز فى إعلاء الهمم .. 8_ لو في شخص بيغير من اخر .. تتصرف معاه ازاي وتشيل اللي جوا ه ده ؟ بالنسبه للغيره هيْ مَطلوبه لكن بحدود .. طيب الغيره بتبقى فى الغالب بسبب وجود الشخص الأخر فى وضع أفضل من الوضع الحالى للشخص الغيران .. طيب أخلى فى مُساواه وأفاضل بين أفراد الفريق فى نفس الوقت بس بحياديه وبدون ما أضيع مجهود الآخرين لإن العمل فى الأول والآخر جماعى .. والغيره مطلوبه وممكن القائد الذكى يستغلها صح بحيث إنه ينشط الغيران عشان يوصلل للى وصل له الشخص الآخر وبكدا يبقى إنت إستغليت شىء موجود صح .. ولو عايز تمحى الغيره تماما .. حاول مايبقاش فى تفرقه فى أى شىء ولا تفاضل فى أى شىء وبكدا يبقى إنتَ هتخلى روح التنافس مش موجوده ودا غلط .. ومش معنى كدا إنك لو ساويت بينهم هتخليهم مش يتنافسو لا انت ممكن تحط هدف والكل يتنافس عليه بس عشان تقتل الغيره من قلب شخص ءآخر صعب جدا إلا لو إنتَ حفزته وخليته يوصل لمرتبة الى هو غيران منه وبالتالى الغيره هتزال منه تماما .. لإن مابقاش فى وجه أفضليه لحد عنه .. وهو المطلوب إثباته .. 9_ ايه الصفات اللى المفروض تتوافر في المدير واللى على اس اسها بيتم اختياره ؟ دبلوماسى ذكى لماح سرعة بديهه ومقبول شكلا ومضمونا أخلاق عاليه جدا ذوق جدا جدا مُتدين فى نفس الوقت مثقف جذاب فى مظهره عف اللسان متواضع يجيد التعامل مع الأخرين ويحسن السماع أكثر من الكلام ويقبل النقض جدا ويمتاز ببرود الأعصاب ومن الصعب إستفزازه أو التأثير عليه متفتح بارع فى مجاله لا ينافسه أحد..

بالتوفيق إن شاء الله ..
تقبلىْ مُرورى ..
لكِ إحترآمى وتقديرى ..