استغلال الطاقات

[حيران]

مشكلتي يمكن بسيطه بس مدايقاني جدا

عندي كم طاقه مهول

مستعدة اروح واجي وانزل واطلع واعمل كل كل حاجه

بس مش عارفه اعمل كده نظرا لأن اهلي بيخافوا عليا من الهوا الطاير يمكن عشان انا بنتهم الوحيده بس مش عارفه

حاسه بكبت رهيب حاسه بكمية طاقه جوايا مش عارفه اطلعها

بطلعها في البيت ببتكر اكلات ... بغير في شكلها .. كل يوم اعمل حاجه جديده

بس مش ده اللي انا عاوزاه

انا عاوزة اتحرك

عاوزة اعمل حاجات كتير بس مش عارفه هي ايه

لما بفكر في حاجه اعملها بلاقي قصادها معوقات

المعوقات دي والدي ووالدتي مش بيمنعوني كليا

لكن بيأثروا على ادائي من منطلق خوفهم عليا

جربت اشترك في جمعيات خيريه وكنت بلاقي معارضه منهم اني انزل مثلا مرتين تلاته في الاسبوع

ولو حصل مثلا ونزلت يبقى وقتى محدود اوي

بحس اني مش بقدر ادي كل اللي عندي

برضه بالنسبه للشغل بيقلقوا كتير من الاشغال خصوصا لو كانت بعيده او وقتها لوقت متأخر

مش مدايقني ده لاني انا نفسي مش حابة اشتغل اوي

مش الشغل اللى اطلع فيه طاقتي

شايفه نفسي في حاجات تانيه

شايفه نفسي واقفه بدي محاضرات

واقفه بشرح لأطفال محتاجينلي

بس معنديش الامكانيات اللى تؤهلني لكده

بحب علم النفس جدا وشغوفه بيه نوعا ما

فكرت اخد دبلومه فيه

بس حسيت بإعتراض من ناحية والدتي وصاحبتي

والدتي قالت اشتغلي احسن

وصاحبتي قالت بلا دبلومات بلا بتاع ياتاخدي كورسات تفيدك في الشغل

يا تقعدي في البيت احسن هتاخدي الدبلومه تعملي بيها ايه ؟

المشكله هما مش فاهمني انا بحب اذاكر

بحب اقرا

بحب اتعلم

قولت لصاحبتي هتعلم لأجل التعلم وفقط

قالتلى مالوش لازمه بكره تتزوجي وماتعمليش بيه حاجه

احبطوني جدا بصراحه

دلوقتي انا عاوزة اخد رأيكم في حاجه

عندي نشاط وطاقه كبيرة اوي مش عارفه اطلعها

حاسه اني دماغي هتقف من كتر اللاشئ اللى بعمله

بقرأ وكل حاجه وبتطلع كتير

بس برضه مش ده اللى انا محتاجاه

شايفه نفسي في حاجات تانيه

حاسه اني بحالي ده مش انا

عاوزة اتحرك

عاوزة انطلق

عاوزة اتعلم واعلم وافيد غيري

مش عارفه اعمل كده

اعمل ده ازاي ؟

طيب تفكيري كده صح

اتعلم ولا اشتغل ؟

في كلتا الحالتين في معوقات

رأيكم ايه ؟ افيدوني !

[LOKA]

بسم الله ماشاء الله

الطاقه شئ جميل جدا و خصوصا فى بنت وده دليل على ثقه فى النفس
بصى احنا هانتكلم فى خوفهم عليكى : وده اولا ...
انتى بنت وطبيعيى يخافو عليكى انتى اكيد بتقرئى الجرايد و بتشوفى الحوادث اللى بتحصل اليومين دول محدش ليه الامان دلوقتى الاخ بيقت اخوه والتانى يغتصب بنات اخته والعياذ بالله و ثالث يشرب مخدرات و لما يشوف واحده بيحصل حاجات مش متوقعه على حسب بقى هو هاتطلب معاه ايه ؟
ده غير ظاهره التحرش فى مصر ...... طبيعى الخوف عليكى .

ثانيا / طاقاتك ممكن تخرجيها فى حاجات كتير ممكن تكتبى شعر او زجل مثلا ... او تكتبى قصه ... جربى اعملى تمارين رياضيه .... جربى تقرائى القران كذا مره .... حاولى تتعلمى حاجه تتعمل فى البيت اتعلمى مثلا الخياطه ...

م الاخر ادخلى مع ماما فى مواضيع اكبر من سنك لان ده هايخليها تاخد فيكى الثقه و هتقلل الخوف عليكى شويتين و كلميها عن دور الجمعيات الخيريه فى المجتمع و ثوابها عند ربنا .

ده اللى اقدر اقولهولك .... يارب يفيدك فى شئ ..... ربنا يوفقك

[زهرة الشرق]

طيب أقولك حل؟؟
تدينى كااااااام؟؟
عموما انا موش عايزة منك غير كام دعوة حلوين واللى يطلع من زمتك انا راضية بيه
بصى يا ستى
أضربى عصفورين بحجر واحد
يعنى طلعى طاقتك ,وفى نفس الوقت قريب من أهلك بحيث ميقلقوش عليكى!!
يعنى اعملى مثلا فصل صغير لمحو الأمية للبنات والستات فى منطقتك ويكون فى مكان قريب من بيتك أو فى بيتك نفسه!!
- اعملى فصل تقوية للأطفال فى مادة تكونى بتحبيها وبتعرفى تشرحيها!!
- كل اسبوع اختارى موضوع لحلقة توعية تعمليها لجاراتك من البنات والستات واعمليلها الدعاية بنفسك او بالتليفونات !!
- احفظى القران الكريم واتفق مع مجموعة من صاحباتك على انهم يحفظوا معاكى واجتمعا مرة كل اسبو مثلا راجعوا اللى حفظتوه وصححوا لبعض!!
- اعملى تبادل لكتبك بينك وبين صاحباتك ومعارفك عشان تقرى ويقروا معاكى وكل واحدة تقرااللى عند التانية!!
- انزلوا مرة كل اسبوع مثلا واعملوا زيارة لدار أيتام أو لأطفال مرضى أو لدار مسنات ,واعتقد اهلك موش هيعترضوا على زيارة خيرية مرة كل اسبوع وتكون من أول النهار لحد الغروب مثلا وتكونوا مجموعة بنانيت مع بعض,ودى مفيهاش حاجة تقلق!!
- لو وقت أهلك يسمح انزلى معاهم مرة كل شهر حتى زوروا اى معلم من معالمنا التاريخية وقضوا يوم ظريف بره البيت!!
- اتفى مع مجموعة من صاحباتك الى وزنهم زيادة شوية على برنامج تمارين رياضية تعملوه فى البيت بهدف اللياقة وانقاص الوزن الزيادة ,وتابعوا أوزانك بالميزان !!
- بما انك غاوية طبيخ فممكن تعملى كل اسبوع مثلا مباره فى الطبيخ مع صاحباتك وكل واحدة تطبخ صنف واجتمعوا مع بعض على غدا او عشا من طبخكم واشركوا اهلكم فى العزومة طبعاوخلوهم يحكموا مباراة الطبيخ دى!!
سدقينى فيه حات كتييير جداااا ممكن تطلعى فيها طاقتك من غير ما تحتاجى تنزلى برة البيت فترات طويلة او اكتر من مرة اسبوعيا وخلافه.
يا بنتى انا وانا فى امتياز طب عملت دورة تعليم اسعافات أولية وتثقيف صحى للجيران فى بيتنا !!
فكرى انتى بس وهتلاقى مليون حل

[رواء الروح]

هقولك على فكرة ويارب تعجبك


أولا فكرة الدبلومة دي ممتازة جدا

ومش هتاخد منك غير فترة صغيرة يعني سنة او اتنين

خلال الفترة دي

لا تعتمدي على ما تحصلي عليه من معلومات وفقط

بل اقرئي أنتِ في نفس المجال

ولو انتِ شغوفة بتدريس للأطفال

حضري موضوعات تلقيها للأطفال

واكتبيها هنا في مركز التنمية البشرية

وهتلاقي اقبال عليها كبير


دا من ناحية

من ناحية تانية

هناك مراكز خاصة بتنمية اللأطفال

فممكن من خلالهم تستغلي كل طاقاتك

بس لازم تجهزي نفسك كويس الأول زي ما قلتلك

[حيران]

****** **********="Content-Type" content="text/html; charset=utf-8">****** name="ProgId" content="Word.Document">****** name="Generator" content="Microsoft Word 12">****** name="Originator" content="Microsoft Word 12">

استاذ لوكا

-انا مش زعلانه من خوفهم عليا ابدا خالص

بس محتاجه مساحه اقدر من خلالها امارس اللى نفسي اعمله

-بالنسبه للشعر والزجل بحب اقرا فيهم كتير وساعات بكتب

بس مش ده بردو اللى اطلع طاقتي فيه

بقرأ قرأن وساعات بحفظ

بس انا عاوزة اتحرك وانطلق

-ماما بتثق فيا جدا الحمدلله بس بتخاف عليا جدا

مقدره ده ومش مزعلني اطلاقا

زهره

-صعب اعمل فصول محو اميه في منطقتي

بصي انافكرت انزل دور ايتام وابدأ ادرس للأطفال اللى فيها

الله المستعان

-بالنسبه لحفظ القرأن

مش عندي اصحاب اصلا عشان اعمل معاهم ده

بحفظ مع نفسي بس بقف بالشهور ماحفظش ):

-كويسه جدا فكره اني انزل يوم في الاسبوع لنشاط خيري ايا كان نوعه

حلوة بجد

-صعب انزل مع اهلي ظروفهم ماتسمحش

-زهرررة ماعنديش صحاب يابنتي

عارفه يازهرة برضه الحركه حلوة التنفس حلو

عاوزة اتحرك مش عاوزة اقعد في البيت

دكتورة رواء الروح

نفسي جدا جدا اخد دبلومه في علم النفس

حسيت بإعتراض تام من والدتي من ناحية الحكايه دي

يادكتورة المشكله في الحركه مش بعرف اتحرك كتير

بمعنى تاني انا عاوزة اتنطط

بحب الحركه اوي اوي

الله المستعان

جزاكم الله خيرا

مستنيه باقي الاراء

[زهرة الشرق]

اقتباس: -bg.gif)" vAlign=center width="100%" noWrap align=left>المشاركة الأصلية كتبت بواسطة حيران زهره -صعب اعمل فصول محو اميه في منطقتي بصي انافكرت انزل دور ايتام وابدأ ادرس للأطفال اللى فيها الله المستعان طيب حبيبتى فكرة كويسة جدااااااااااااااااا حاولى تنفذيها -بالنسبه لحفظ القرأن مش عندي اصحاب اصلا عشان اعمل معاهم ده معندكيش صحاب خالص!! ليه كده؟؟ هما البنات الكويسين اللى ممكن تصاحبيهم انقرضوا؟؟ لا ليكى صاحبات من أيام المدرسة ولا الكلية ولا جيران ولا قرايب ولا حد خالص؟؟ بحفظ مع نفسي بس بقف بالشهور ماحفظش ): طيب ليه بتقفى؟؟ ماهو يمكن عشان موش لاقية حد يشجعك!! لو لقيتى موش هتقفى ولا حاجة!! -كويسه جدا فكره اني انزل يوم في الاسبوع لنشاط خيري ايا كان نوعه حلوة بجد طيب الحمد لله -صعب انزل مع اهلي ظروفهم ماتسمحش -زهرررة ماعنديش صحاب يابنتي لا حول ولا قوة الا بالله عارفه يازهرة برضه الحركه حلوة التنفس حلو عاوزة اتحرك مش عاوزة اقعد في البيت اها طبعا والحركة هتتيحلك تتعرفى على اصحاب بدل ما انتى مع نفسك كده !! جزاكم الله خيرا مستنيه باقي الاراء جزانا الله خيرا واياكم حبيبتى بس أصل احنا تقريبا قلنا كل حاجة !! وانتى طلعتى منها أكيد بحجات قابلة للتنفيذ فى ظروفك !! حاولى تبتدى تنفذى بقى !!